ကျွန်ုပ်ချစ်သော ရှင်သာရိပုတ္တရာ (၁)

     ကျွန်ုပ်ရှင်သာမဏေကျော်ရေးသောစာအုပ်ကိုဖတ်ရင်း ရှင်သာရိပုတ္တရာအကြောင်းလေးပြောချင်လို့ပါ အရင်ကတည်းက ကျွန်ုပ်ရှင်သာရိပုတ္တရာကိုကြည်ညိုပါတယ်၊ သူ့အကြောင်းကိုပိုသိလေ သူ့ကိုပိုပိုပြီးချစ်မိပါတော့တယ်။
     မြတ်စွာဘုရားသည် ဝေသာလီပြည်မှ ထွက်တော်မူပြီး သာဝတ္ထိပြည်ဘက်သို့ ခရီးဒေသစာရီ ကြွချီတော်မူလာခဲ့ရာ လမ်းခရီးအကြားမှာ ဆဗ္ဗဂ္ဂီရဟန်းတို့၏ တပည့်များက ရှေ့ကကြိုသွားပြီး နေရာထိုင်ခင်းတွေ အရင်ဦးထားလိုက်ကြတယ်။
     မြတ်စွာဘုရားတပည့်သံဃာတော်များနှင့် ခရီးဒေသစာရီ ကြွချီတော်မူရာအခါတွေဆို အရှင်သာရိပုတ္တရာက  ငါကား လက်ယာရံ အဂ္ဂသာဝက ကြီးဖြစ်တယ်လို့ တစ်ကိုယ်ကောင်းစိတ်ထာဖြင့် ဘုရားအနီးမှာ လိုက်ပါနိုင်ခွင့်ရှိသော်လည်း ထိုသို့ပြုလေ့မရှိဘဲ မြတ်စွာဘုရားဒေသစာရီ ကြွချီတော်မူရာတွင် နောက်မှချန် လိုက်ကာ နာမကျန်းသည့်ရဟန်းများ သက်ကြီးရွယ်အိုရဟန်းတို့ ချမ်းချမ်းသာသာလိုက်ပါနိုင်ရေးအတွက် ကိုယ်တော်တိုင်စီမံစောင့်ရှောက် ချီးမြှောက်ကူညီ၍ နောက်ဆုံးမှလိုက်ပါ လေ့ရှိပါတယ်။ ထိုကြောင့်အရှင်သာရိပုတ္တရာရောက်တော့နေရာမရတော့ပါဘူး။ ဒါကြောင့်တစ်ညဥ့်ပတ်လုံး သစ်ပင်ရင်း၌ သတင်းသုံးရပါတယ်။
     ဤအကြောင်းကိစ္စနှင့် ပတ်သက်၍ မြတ်စွာဘုရားသည် “ယခုသက်တော်ထင်ရှား ရှိနေစဉ်ပင် ရဟန်းများသည် အချင်းချင်း ရိုသေကျိုးနွံခြင်းမရှိကြလျှင် ငါဘုရားပရိနိဗ္ဗာန်စံလေသော်ကား အဘယ်သို့ပြုကြလိမ့်မည်နည်း ” ဟုဆင်ခြင်တော်မူကာ တရားသံဝေဂကြီးစွာ ရတော်မူပါတယ်။ နံနက်မိုးသောက်ရောက်သောအခါ ရဟန်းများကိုစည်းဝေးစေပြီးမေးပါတယ်။
     “ရဟန်းတို့ ဆဗ္ဗဂ္ဂီရဟန်းတို့၏တပည့်များက နေရာကောင်များကြိုတင်ယူ၍ မထေရ်ကြီးတို့ အိပ်ရာနေရာများကို မရအောင်တားမြစ်ကြသည်မှာမှန်သလော”။ ထိုအခါရဟန်းများကမှန်ကြောင်းလျှောက်ထားကြလေရာ မြတ်စွာဘုရားက ကဲ့ရဲ့ရှုတ်ချတော်မူပြီး “ ရဟန်းတို့အဘယ်ရဟန်းသည် နေရာဦး ရေဦး ဆွမ်းဦးကို ထိုက်ကုန်သနည်း” ဟုမေးတော်မူသောအခါ။ သံဃာများက မင်းမျိုးရဟန်း၊ ဓမ္မကထိကရဟန်း၊ ၀ိနည်းဓိုရ်ရဟန်း၊ ရဟန္တာ စသည်ဖြင့်ဖြေကြသည်။
     “ရဟန်းတို့ ငါဘုရားသာသနာတော်မှာ နေရာဦး၊ ဆွမ်းဦးကို ထေရ်စဉ်ဝါစဉ် အတိုင်းသာရ ခွင့်ရှိ၏။ ယခုအခါ၌ကား သာရိပုတ္တရာသည် ငါဘုရား၏ လက်ယာရံ အဂ္ဂသာဝကဖြစ်၏၊ ဓမ္မစက်ကိုလည်စေနိုင်သော သားကြီးဖြစ်၏၊ ငါဘုရား၏အခြားမဲ့၌ နေရာကိုရခြင်းငှာ ထိုက်တန်သူဖြစ်၏၊ ထေရ်ဝါအရလည်းကြီး၏၊ သာရိပုတ္တရာသည် လွန်ခဲ့သည့် တစ်ညဥ့်ပတ်လုံးနေရာကို မရရှိဘဲ သစ်ပင်ရင်း၌သာ စင်္ကြံသွားခြင်း၊ ထိုင်ခြင်းဖြင့် အချိန်ကိုကုန်လွန်စေခဲ့ရလေပြီ။ ချစ်သာတို့သည် ယခုငါဘုရား သက်တော်ထင်ရှားရှိစဉ်ပင် ဤသို့မရိုမသေရှိကြလျှင် ငါဘုရားပရိနိဗ္ဗာန် ၀င်စံပြီးသောအခါ၌ကား အဘယ်သို့ပြု၍ နေကြကုန်မည်နည်း” ဟုမိန့်တော်မူ၏။
     ထိုကဲ့သို့ အတ္တရပ်ဝန်းမှဝေးကွာတော်မူသော၊ သည်းခံမှုကြီးတော်မူသော ရှင်သာရိပုတ္တရာကိုလေးလည်းလေးစား၏။ ဦးလည်းညွှတ်တော်မူပါ၏။
(မင်္ဂလာညနေခင်း)

ယမမင်း ထံ အစစ်ခံရခြင်း

၁။ အိုကွဲ့ ယောက်ျား၊ မောင်လူသား၊ ဘယ်တရားများ ကျင့်ခဲ့တယ်။

ကျွန်တော်မျိုးမှာ၊ လျှောက်စရာ၊ ဘယ်ဟာကိုမျှ မရှိတယ်။

၂။ ကုသိုလ်ကောင်းမှု၊ တစ်ခုခု၊ မပြုခဲ့လားကွယ်။
ယမရာဇာ၊ မေးသောခါ၊ ခမျာ မှိုင်၍နေရှာတယ်။

၃။ အမောင်ယောက်ျား၊ သတိထား၊ စဉ်းစားပါဦးကွယ်။
ဗုဒ္ဓမြတ်စွာ၊ သာသနာ၊ မထွန်းပါလားကွယ်။
ကျွန်တော်တို့ရွာ၊ သာသနာ၊ ထွန်းလှပါတော့တယ်။

၎။ ပဗ္ဗဇ္ဇိ၊ ဒုလ္လဘ၊ မရခဲ့လားကွယ်။
သာသနာစက်၊ ရဟန်းဘက်၊ စိတ်မျှ မကွက်တယ်။

၅။ ရဟန်းဖြစ်မှာ၊ မင်းဆရာ၊ မဟောပါလားကွယ်။
ကျွန်တော့်ဆရာ၊ ဟောပြရှာ၊ နားမှာမဝင်တယ်။
ကျွန်တော့်စိတ်မှာ၊ သည်အခါ၊ ရွာသာ ရောက်တော့တယ်။

၆။ ယောက်ျားစစ်ပ၊ လှလှရ၊ မင်းဘဝကို နှမြောတယ်။
လူတို့ပြည်ရွာ၊ အမောင့်မှာ၊ ဘာများလုပ်ခဲ့တယ်။
ကျွန်တော်မယား၊ စားဖို့များ၊ ကြိုးစား လုပ်ခဲ့တယ်။

၇။ အမောင်,အမောင်၊ ယောင်တောင်တောင်၊ အမောင် မှားခဲ့တယ်။
သဒ္ဓါဖြောင့်တန်း၊ ဒါနခန်း၊ ပြောစမ်းပါဦးကွယ်။
သားကြီးရှင်ဖြစ်၊ ကျွန်တော်စစ်၊ ညှစ်၍ လှူခဲ့တယ်။

၈။ လှူသောအခါ၊ စေတနာ၊ သုံးဖြာညီလားကွယ်။
သုံးချက်စေတနာ၊ နည်းလှပါ၊ မှန်စွာ လျှောက်တော့မယ်။
ကျွန်တော့်အလှူ၊ ကြွေးတွေပူ၊ ငွေကူ မျှော်မိတယ်။
ကူငွေနှင့်သာ၊ ငါလှူတာ၊ ထေမိပါရင် တော်ရော့မယ်။
ကျွန်တော်မျိုးမှာ၊ သည်လိုသာ၊ အောက်မေ့မိပါတယ်။

၉။ ယုတ်မြတ်မဟူ၊ စားသောက်သူ၊ ကြည်ဖြူပါလားကွယ်။
ငွေကူများရာ၊ လူချမ်းသာ၊ မျက်နှာလိုက်၍ ကျွေးခဲ့တယ်။
မျက်နှာနည်းပါး၊ လူမွဲများ၊ မလွဲသာကျွေး ကျွေးခဲ့တယ်။
လူချမ်းသာပင်၊ မဏ္ဍပ်ဝင်၊ ဖျာလျှင်သင်ဖြူး ခင်းပေးတယ်။
သည်ကို ဟိုကို၊ ကြွပါဆို၊ ဗျို့ဗျာမစဲ ခေါ်ခဲ့တယ်။
ကွမ်းဆေးလက်ဖက်၊ ဆီစက်စက်၊ ဝက်နှင့်ကြက်သား ကျွေးခဲ့တယ်။
ကျွန်တော်မျိုးမှာ၊ ငွေမျက်နှာ၊ သည်လိုဟာမှ သဒ္ဓါတယ်။

၁ဝ။ မင့်အလှူမှာ၊ ငွေတွေဟာ၊ နှမြောပါဘိကွယ်။
ပရိက္ခရာ၊ ဆောင်ရန်မှာ၊ ကောင်းစွာ လှူလားကွယ်။
ပရိက္ခရာ၊ ညံ့လှစွာ၊ ဖိုးချိုတာမှ ဝယ်ပေးတယ်။

၁၁။ လှူသောအခါ၊ ပစ္စည်းမှာ၊ စင်ကြယ်ပါလားကွယ်။
ကျွန်တော်လှူတာ၊ ပစ္စည်းမှာ၊ ခိုးတာများခဲ့တယ်။

၁၂။ ပစ္စည်းကုန်မှာ၊ မင်းလှူတာ၊ ဝမ်းနည်းပါလေတယ်။
ဘုန်းကြီးပင့်ခန်း၊ အလမ်းလမ်း၊ ပြောစမ်းပါဦးကွယ်။
အကျင့်သိက္ခာ၊ ရွေးချယ်ကာ၊ မြတ်ရာ ကိုယ်တော် ပင့်လားကွယ်။
သည်လိုဟာမှာ၊ မလေ့လာ၊ မျက်နှာ,နာမှ ပင့်ခဲ့တယ်။
နှုတ်ဆက်ခေါ်ငင်၊ မျက်နှာရွှင်၊ ပုဂ္ဂိုလ်ကောင်းလို့ ထင်ခဲ့တယ်။
သည်လိုဆရာ၊ ကျွန်တော့်မှာ၊ များစွာပင့်ခဲ့တယ်။
တို့အမျိုးပါ၊ တို့ဆရာ၊ တို့ရွာကိုယ်တော် ပင့်ဦးမယ်။
ပြောင်းနှင့်စပါး၊ မင်းတို့များ၊ ဘယ်လောက်ရလားကွယ်။
ကျောင်းကိုများသွား၊ ရယ်ဟားဟား၊ လက်ဖက် ကွမ်းစားတယ်။
ငှက်ပျော အုန်းသီး၊ ဒကာကြီး၊ မြည်းစမ်းပါဦးကွယ်။
သည်လိုခေါ်ဆို၊ မျက်နှာချို၊ ထိုပုဂ္ဂိုလ်ကိုမှ ပင့်ခဲ့တယ်။
ကျွန်တော်တို့ရွာ၊ လှူကြတာ၊ သည်လိုချည်းသာ ပင့်ကြတယ်။

၁၃။ အမောင်လှူတာ၊ ဗလချာ၊ တန်ပါဦးတော့ကွယ်။
အင်္ဂါငါးလီ၊ ပဉ္စသီ၊ ဆောက်တည်မြဲလားကွယ်။
သီလငါးပါး၊ ကျင့်တရား၊ ပျက်ပြားများခဲ့တယ်။
သက်သတ်ခိုးမှု၊ ကာမေသု၊ တစ်ခုမကျန် ပေါက်ခဲ့တယ်။
မုသားသေရည်၊ ဤနှစ်လီ၊ ဝသီရှိတိုင်း ကျင့်ခဲ့တယ်။

၁၄။ ဖြစ်ခဲလေစွ၊ လူ့ဘဝ၊ သနားလှတော့တယ်။
ကျွန်တော်ချည်းသာ၊ မဟုတ်ပါ၊ လူတကာလည်း ပျက်ကြတယ်။
မိန်းမတွေဟာ၊ ပျက်လိုက်တာ၊ ဈေးဝယ်တာတောင် ရန်ဖြစ်တယ်။

၁၅။ သည်မှတစ်ခန်း၊ ရှေ့သို့လှမ်း၊ မေးစမ်းပါဦးမယ်။
ဘုရား တရား၊ သံဃာများ၊ ဝပ်တွားပါလားကွယ်။
ဘုရားဖူးများ၊ တဟားဟား၊ ပျော်ပါးရအောင်လိုက်ဖူးတယ်။

၁၆။ လိုက်သောအခါ၊ မြတ်ဗုဒ္ဓါ၊ ကြည်ညိုလှစွာ ဖူးလားကွယ်။
ဗုဒ္ဓဂုဏော၊ စိတ်မစော၊ ရယ်မော စားသောက် ပြန်ခဲ့တယ်။

၁၇။ မာတာပိတ၊ မိနှင့် ဖ၊ ညွတ်တွား ခယ ပါလားကွယ်။
မညွတ်ခ,ဘဲ၊ ကျွန်တော်လည်း၊ ဆဲတောင် ဆဲသေးတယ်။

၁၈။ မှားစွမှားစွ၊ မောင်ဗာလ၊ သနားပါဘိကွယ်။
တရားတော်မှာ၊ ဒေသနာ၊ ကြားနာရဲ့လားကွယ်။
စိတ်ကမပါ၊ ရှက်လိုက်တာ၊ လူဆိုမှာကြောင့် နာဖူးတယ်။

၁၉။ နာသောအခါ၊ မင်းစိတ်မှာ၊ သဒ္ဓါကြည်နူး ရှိလားကွယ်။
ကယောင်ချောက်ချား၊ စိတ်ကသွား၊ တောထဲများတောင် ရောက်သေးတယ်။

၂ဝ။ ပုဂ္ဂိုလ်များစွာ၊ ဟောကြားပါ၊ သည်တစ်ခါလားကွယ်။
ကျွန်တော်မျိုးမှာ၊ သည်တစ်ခါ၊ လူမျက်နှာကြောင့် လိုက်သေးတယ်။

၂၁။ သည်တစ်ခါ,နာ၊ အမောင်မှာ၊ ကြည်ညိုပါလားကွယ်။
တရားလည်းချ၊ အိပ်ရေးဝ၊ ထ၍ ပြန်ခဲ့တယ်။
မိန်းမတွေဟာ၊ ငိုက်လိုက်တာ၊ ကျွန်တော့်ထက်တောင် သာသေးတယ်။

၂၂။ စံကျောင်းဝိဟာ၊ မြတ်သံဃာ၊ ဆည်းကပ်ပါလားကွယ်။
ဆွမ်း မုန့် ငှက်ပျော၊ ကျောင်းမှာပေါ၊ ရော၍လိုက်ဖူးတယ်။

၂၃။ လိုက်သောအခါ၊ ထေရ်သံဃာ၊ ရဟန္တာသို့ ထင်လားကွယ်။
ဘုန်းကြီးနားမှာ၊ မရောက်ပါ၊ တော်ရာချောင်က ခိုခဲ့တယ်။

၂၄။ ခိုသောအခါ၊ မင့်စိတ်မှာ၊ ကြည်ညိုပါလားကွယ်။
ကြည်ညိုဝေးကွာ၊ ကျွန်တော့်မှာ၊ စားစရာသာ ကြည့်ခဲ့တယ်။
သူရကာယ်ပင်၊ ကျိုးမမြင်၊ ဘုန်းကြီးကပင် နှမြောတယ်။
သည်လိုများပေ၊ ကျွန်တော်လေ၊ ဆိုတောင်ဆိုမိတယ်။
ကျွန်တော်ချည်းသာ၊ မဟုတ်ပါ၊ သူတကာလည်း ဆိုကြတယ်။

၂၅။ ကျောင်းပစ္စည်းများ၊ အမောင်အား၊ မစားမသောက် ကင်းလားကွယ်။
စားသည့်ထမင်း၊ ဝမ်းတောင့်တင်း၊ ကျောင်းကအနိုင် ဆင်းခဲ့တယ်။

၂၆။ စားသည်မယွင်း၊ ကျောင်းတလင်း၊ ခတ်ခြင်း တံမြက် လှည်းလားကွယ်။
မလှည်းမိပါ၊ ကျွန်တော့်မှာ၊ စားပြီး သောက်ခါ ပြန်ခဲ့တယ်။
ကျွန်တော်တို့ရွာ၊ လူတွေဟာ၊ သည်လိုချည်းသာ စားကြတယ်။

၂၇။ အမောင် ယောက်ျား၊ မင်းဖြစ်ငြား၊ သနားပါဘိတယ်။
ဥပုသ်စောင့်ခန်း၊ ရှေ့သို့လှမ်း၊ မေးစမ်းပါဦးမယ်။
ဥပုသ်အင်္ဂါ၊ အရိယာ၊ ဖြူစွာသီလ စောင့်လားကွယ်။
ဘုန်းကြီးများထံ၊ သီလခံ၊ ကြွက်ဆူညံအောင် ပြောခဲ့တယ်။

၂၈။ ပြောသောစကား၊ မင်းဖြစ်ငြား၊ တရားကြောင်းလားကွယ်။
လယ်,ယာ,ကျွဲ,နွား၊ ပြောင်းစပါး၊ သားမယားကြောင်း ပြောခဲ့တယ်။
စပ်မိစပ်ရာ၊ ပြောလိုက်တာ၊ နွားချင်းလဲရာ ရောက်သေးတယ်။
စကားမဆုံး၊ တစ်နေ့လုံး၊ အုံးအုံးကြွက်အောင် ပြောခဲ့တယ်။
သည်လိုနှင့်ပင်၊ နေသာဝင်၊ အိမ်လျှင်ပြန်ခဲ့တယ်။
ဥပုသ်စောင့်ရာ၊ ပြောကြတာ၊ မိုးမရွာကြောင်းသာ များကြတယ်။

၂၉။ သီလပြောက်ကြား၊ စောင့်လေငြား၊ မိုးကား ကွက်ကြားရွာတတ်တယ်။
မင်းတို့လူ့ဘောင်၊ သီလကြောင်၊ မိုးရှောင်ကွင်းတတ်တယ်။
မင်းတို့ဖြစ်ပုံ၊ အလုံးစုံ၊ အကုန်တွေးပကွယ်။
မင်းတို့စောင့်တာ၊ ဥပုသ်မှာ၊ ထမင်းဆာတာ သနားတယ်။
ဘာဝနာလမ်း၊ ကမ္မဋ္ဌာန်း၊ စီးဖြန်းပါလားကွယ်။
ဘာဝနာလမ်း၊ ကမ္မဋ္ဌာန်း၊ စီးဖြန်းနည်းခဲ့တယ်။

၃ဝ။ တရားစကား၊ အမောင့်အား၊ ဆွေးနွေးပါလားကွယ်။
တတ်သည်ဆိုလျှင်၊ ကျွန်တော်ပင်၊ အလွန်မေးချင်တယ်။

၃၁။ မေးသောအခါ၊ မင်းစိတ်မှာ၊ ဘာဝနာလားကွယ်။
မဖြေနိုင်က၊ အရှက်ရ၊ နာမည်ပျက်အောင် မေးခဲ့တယ်။
တစ်ခါတစ်ခါ၊ ကျုပ်တို့ရွာ၊ စာ စကားသာ ပြောကြတယ်။
သင်္ဂြိုဟ်ဘေးပေါက်၊ ကောက်သင်းကောက် ရောက်မိရောက်ရာ ငြင်းကြတယ်။
ကျွန်တော်ကတောင်၊ တတ်ဟန်ဆောင်၊ ဖောင်ဖောင်လန်အောင် ငြင်းခဲ့တယ်။

၃၂။ ငြင်းသောအခါ၊ မင်းစိတ်မှာ၊ ဘယ်လိုပါလဲကွယ်။
ကျွန်တော်ကပင်၊ ဂုဏ်လိုချင်၊ တတ်သည်ထင်အောင် ငြင်းခဲ့တယ်။
ကျွန်တော်တို့ရွာ၊ လူတွေဟာ၊ စာငြင်းတာနှင့် ရန်ဖြစ်တယ်။

၃၃။ အမောင်ယောက်ျား၊ လျှောက်စကား၊ အမှားတွေသာ များခဲ့တယ်။
အားကိုးစရာ၊ ကုသိုလ်မှာ၊ ဘယ်ဟာကိုမျှ မရှိတယ်။
တစ်ခုကိုမျှ၊ မေးမရ၊ ဝမ်းနည်းလှချေတယ်။
အမောင့်ဖြစ်ထွေ၊ သနားလေ၊ လူ့ပြည်မယား မကယ်တယ်။
မကယ်ဖြစ်တာ၊ မင်းတစ်ခါ၊ ကြမ္မာမှောက်တော့မယ်။
အမောင့်ဖြစ်ပုံ၊ အလုံးစုံ၊ အကုန်သနားတယ်။
ယမရာဇာ၊ မေးသောခါ၊ ခမျာမှိုင်၍ နေတော့တယ်။
သည်သောအခါ၊ ငရဲရွာ၊ ဆွဲကာချတော့တယ်။

အမတ်ကြီး ဦးပေါ်ဦး။
၆ - ဒေဝဒူတသုတ် မှ၊ ဒေ၀ဒူတ၀ဂ်၊ တိကနိပါတ်၊ အင်္ဂုတ္တိုရ်။

ရယ်စရာ စု-၂

သိချင်လို့

" ဗျို့ အိမ်ရှင်တို့ ၊ တစ်ဆိတ်လောက်ခွေးကြည့်ပေးပါ "
" မစိုးရိမ်ပါနဲ့ ရဲရဲသာလာခဲ့ပါ "
" ခင်ဗျားခွေးက မကိုက်တတ်ဖူးလားဗျ "
" ကျွန်တော်လည်း အဲဒါကိုသိချင်နေတာ ၊ ဒီကောင်ကအခုမနက်မှ ၀ယ်လာတာလေ "
--------------------------------------------------

ယောကျာ်းဆိုတာ

" ဟောဟိုထိုင်နေတဲ့လူဟာ ခုနကတစ်ချိန်လုံးလိုလို ကျွန်မကိုစိုက်ကြည့်နေတာ ၊ အခု မမရောက်လာမှပဲ ခပ်တည်တည်နေဖော်ရတော့တယ် "
" ဘယ်သူလဲ ဟိုလူလား ၊ အဲဒါမမအမျိုးသားလေ "
------------------------------------------------------

ဆရာ့ညွှန်ကြားချက်

" တပည့်ရေ ၊ ဟိုဓါတ်ကြိုးတစ်ချောင်းကို ခဏကိုင်ကြည့်စမ်းကွာ "
" ဟုတ်ကဲ့ဆရာ "
" ဘယ်လိုနေလဲကွ "
" ဘယ်လိုမှ မနေဘူးဆရာ "
" အင်း ..... ဒါဆို ကျန်တဲ့တစ်စကို သွားမကိုင်နဲ့ ဓါတ်လိုက်လိမ့်မယ် "
---------------------------------------------------------

မညာရ

တရားသူကြီးက သက်သေထွက်ဆိုမယ့်သူကို မှာတယ်။
"တရားရုံးမှာ စစ်ဆေးမေးမြန်းတဲ့အချိန် မလိမ်ညာရဘူး။ ကိုယ့်မျက်စိနဲ့
တပ်အပ်မြင်တာကိုပဲ ပြောရမယ်။ တစ်ခြားလူပြောတာကို မပြောရဘူး။ နားလည်လား!"
"ဟုတ်ကဲ့.. နားလည်ပါတယ်"
"ကောင်းပြီ... မောင်ရင်ရဲ့ မွေးနေ့နဲ့ မွေးဖွားရာဇာတိကို အရင်ပြောပါ"
"တရားသူကြီးမင်း.. ဒါကို ကျွန်တော်ပြောလို့မဖြစ်ဘူး။ အဲဒီတွေကို
ကျွန်တော့်အမေကတစ်ဆင့် ကျွန်တော်သိခဲ့ရတာမို့ပါ"

-------------------------------------------

မပြည့်စုံတာ

ပါမောက္ခ က ကျောင်းသားအား နောက်ဆုံး စာမေးပွဲအတွက် လူတွေ့ စစ်မေးနေသည်။
" ရွှေ နဲ့ အသိဥာဏ် နှစ်ခုယှဉ်လာရင် မင်းဘာကို ရွေးချယ် မလဲ "
" ရွှေကို ယူမှာပေ့ါ "
" ဆရာကတော့ အသိဥာဏ်ကို ယူမယ် ၊ ဘာကြောင့်လဲ သိလား "
" သိပါတယ် ၊ မိမိမှာ မပြည့်စုံတာကို ယူချင်ကြတာဟာ လူ့သဘာဝပဲ ဥစ္စာ "
--------------------------------------------

တန်ဖိုးမရှိသောသူ

သူငယ်ချင်းနှစ်ယောက် အလောင်းအစားလုပ်ကြသည်။တက္ကစီကား

မှတ်တိုင်သို့ရောက်လာပြီး တစ်ယောက်က တက္ကစီကားဒရိုင်ဘာကိုမေးသည်။
``ဒီကနေ မြို့ထဲကို ဘယ်လောက်ပေးရမလဲ။´´
``နှစ်ရာ´´
``ကျွန်တော့်သူငယ်ချင်းပါ ကျွန်တော်နဲ့လိုက်မယ်ဆိုရင်ကော´´
``နှစ်ရာပါပဲ´´
``ကြားတယ်မဟုတ်လား ဘမောင်၊ မင်းဟာ ဘာတန်ဖိုးမှမရှိတဲ့အကောင်ဆိုတာ ယုံပြီလား။´´

 --------------------------------------------

သူဌေးနဲ့နွား

လူတစ်ယောက်က သူဌေးကြီးတစ်ဦးထံတွင် နွားတစ်ကောင်ငှားချင်သည်။ သို့ကြောင့်လည်း နွားငှားရန် သူဌေး ကြီးထံစာရေးကာ တပည့်တစ်ယောက်ကိုစေလွှတ်လိုက်သည်

။ ထိုအချိန်က သူဌေးကြီးအိမ်တွင် သူဌေးကြီး သည် ဧည့်သည်တစ်ယောက်နဲ့တွေ့နေချိန်ဖြစ်သည်။ သူဌေးကြီးကစာကိုယူလိုက်သည်။ စာမတတ်သည်ကို ရှက်သဖြင့် စာတတ်သယောင်ယောင်ဟန်ဆောင်လိုက်သည်။သူဌေးကြီးသည် စာရွက်ကိုကြည့်ရင်း ခေါင်းကို တဆတ်ဆတ်ညိတ်နေသည်။
``ငါသိပါတယ်ကွာ´´သူဌေးကြီးကစာလာပေးသူကိုပြောလိုက်သည်။
``အေး..ခဏကြာရင် ငါကိုယ်တိုင်လာခဲ့မယ်လို့ မင်းဆရာကို ပြောလိုက်ပါကွာ။ဟုတ်လား´´

 ---------------------------------------------------------

မထူးပါဘူး

လမ်းတွင် ဖိနပ်အနီတစ်ဖက်၊အနက်တစ်ဖက်မှား စီးလာသော ကလေးတစ်ဦးကိုတွေသဖြင့် လူကြီးတစ်ဦးက... `ဟေ့ချာတိတ် မင်းဖိနပ်အနီတစ်ဖက် ၊အနက်တစ်ဖက် ဖြစ်နေတယ်၊ အိမ်ပြန်လဲလိုက်အုံး´
ဟာ...အိမ်ပြန်လည်း မထူးပါဘူး ဦးဦးရာ...
`ဘာဖြစ်လို့လဲကွ`
`အိမ်မှာလည်း ဖိနပ်အနီတစ်ဖက်၊အနက်တစ်ဖက်ပါဘဲဗျာ.

 ----------------------------------------------------------------

မရှိရင်ပိုကောင်းသေး

မိန်းမဖြစ်သူသည်ယောင်္ကျား၏ ပုဆိုးအပြဲကိုချုပ်ပေးနေရင်းလှ

မ်းပြောသည်။
မိန်းမ၊ ၊`ရှင်တို့ယောင်္ကျားတွလေ ကျမတို့မိန်းမတွေမရှိရင် တော်တော်စိတ်ညစ်ရမယ်၊
          မိန်းမတွေရှိနေလို့သာရှင်တို့ ပုဆိုးတွေ၊ ဘောင်းဘီ၊အင်္ကျီတွေချူပ်ပေးမဲ့သူရှိတာ´

ယောင်္ကျား၊ ၊`အိုမရှိမဖြစ်ဟုတ်ပါဘူးကွာ၊ငါတို့ အဲဒီဘောင်းဘီ၊ပုဆိုးတွေ ၀တ်ရတာလည်း
               မင်းတို့မိန်းမတွေရှိနေလို့ကွ၊မိန်းမတွေမရှိရင် ငါတို့ဘာမှဝတ်စရာမလိုဘူးကွ´

 --------------------------------------------------

အမွေဆက်ခံမိလို့

" ခင်ဗျား မသေသင့်ဘူးဗျ ။ ဟုတ်တယ် ၊ တကယ်ဆို ခင်ဗျား မသေသင့်သေးဘူး "
" ဟေ့လူ မူးမူးနဲ့ အုတ်ဂူရှေ့မှာငိုပြီး ဘာတွေလာပြောနေတာလဲ ။ ဒီဂူထဲမြုပ်ထားတာ ခင်ဗျားရဲ့အခင်ဆုံးမိတ်ဆွေမို့ လို့လား "
" ဟင့်အင်း ..... ကျွန်တော့်မိန်းမရဲ့ ပထမယောက်ျားပါ "
---------------------------------------

မေမေ့တာဝန်ထားလိုက်

" ဒီလူနဲ့သမီးလက်မထပ်ချင်ဘူးမေမေ ၊ သူနဲ့သမီးနဲ့ အယူအဆချင်း မတူကြဘူး ။ သူကငရဲရှိတယ်ဆိုတာကို မယုံဘူးလို့အကြောက်အကန်ပြောတယ် မေမေရဲ့ "
" လက်ထပ်မှာသာ ထပ်လိုက်ပါသမီးရယ် ၊ ငရဲတကယ်ရှိကြောင်း သိအောင်လုပ်ဖို့ မေမေ့တာဝန်ထားလိုက်စမ်းပါ "
---------------------------------------
(from forward mail)

နှင်းဆီပွင့်

လယ်တောကပြန်
ပန်ချင်တယ်ခရေဖူးဆိုလို့ 
မောင်ခူးကာပေး။

မနက်တုန်းဆီက၊
ကြော့ဆုံးကိုမောင်မြင်တော့၊
သူ့ ဆံပင် နှင်းဆီပွင့်တွေနဲ့ ၊
ဂုဏ်တင့်တယ်လေး။ ။
(မင်းသုဝဏ်)

e-break

     ကျွန်ုပ်တို့အလုပ်တွေမှာ
အလုပ်လုပ်ချိန်အတွင်း 
အလုပ်သမားတွေဆက်တိုက်
အလုပ်လုပ်ပါက
ပျင်းရိလာတတ်ကြပါတယ်။
ဒါ့ကြောင့်အနားပေးတဲ့အနေနဲ့ မိနစ်၂၀ လောက် tea break ပေးလေ့ရှိပါတယ်။ အဲဒီလိုပဲ ကျွန်ုပ်တို့အလုပ်ဆက်တိုက်လုပ်ပါက အာရုံစုစည်းမှုတွေအားနဲလာတတ်ကြပါတယ်။ ဒီအချိန်မှာ Internet ပေါ်မှာ ကိုယ်စိတ်ဝင်စားရာလေးတွေကို မိနစ်၂၀လောက်ရှာဖွေကြည့်ရှုသင့်ပါတယ်။ အဲဒီအချိန်လေးကို e-break လို့သတ်မှတ်ပေးရင်ဖြင့် ကျွန်ုပ်ညီအကို မောင်နှမတွေအနေနဲ့ စိတ်ဆိုးလိမ့်မှာမဟုတ်ဘူးလို့ထင်ပါတယ်။
     ဒီအတွက် Melbourne University က လေ့လာရှာဖွေတွေ့ရှိချက်တွေရှိပါတယ်။ Internet ကိုအလုပ်လုပ်ရင်း အချိန်ခဏယူပြီး ကိုယ်စိတ်ဝင်စားရာ ရှာဖွေကြည့်ရှုခြင်းသည် လူ့တွေရဲ့အာရုံကိုပိုမိုစုစည်းနိုင်ရုံသာမက ထုတ်လုပ်မှုစွမ်းရည်ကိုလည်းတိုးတက်စေပါတယ်လို့ဆိုပါတယ်။ နောက်ပြီး Dr Brent Coker (University's Department of Management and Marketing) က Internet ဟာလူတွေရဲ့စိတ်အာရုံကိုမိနစ်၂၀ အတွင်းပြန်လည်စုစည်းအောင်လုပ်နိုင်တဲ့ကုသနည်းတစ်ခုပါလို့ဆိုပြန်ပါတယ်။ ဒါ့ကြောင့်ကျွန်ုပ်တို့ အလုပ်လုပ်ရင်း စိတ်စုစည်းမှုနဲနေပြီ၊ စိတ်ဝင်စာမှုနဲနေပြီဆိုရင်တော့ Internet ထဲကို မိနစ်၂၀ လောက် သူဌေးအချိန်ထဲကနေပြီး အလည်ထွက်လိုက်ကြရအောင်လားဗျာ။
(မင်္ဂလာညနေခင်း) RD

ငါ

ငါ့ မှာလည်း ငါ ၊ သူ့ မှာ ငါနှင့်
ငါ့ ငါ သူ့ ငါ ၊ တွေ့ ကြခါဝယ်
ငါ နှင့် ငါ ချင်း ၊ ငါ စစ်ခင်းလျက်
ပူပြင်းလျှံရဲ ငါ ပေါက်ကွဲ၏ ။

ငါ ဒုက္ခပေး ၊ ငါ မအေး၍
ငါ အေးရကြောင်း ၊ ခွင့်ခါ ချောင်းလျက်
ငါကောင်းကို ရှာ ၊ ငါဆိုး ခွာသော်
ကွာလေသည် သို့ ၊ ဖြစ်သမြို့ လည်း
ခေါင်းလျှို ကိုယ်ခွေ ၊ ပခြုပ်ဗွေ၌
ငန်းမြွေ မခြား ၊ နှဲသံ ကြားလျှင်
ပါးပျဉ်း ထောင်လျက် ငါသည်ထွက်၏ ။

အို – ဖွားဖက် ငါ ၊ အသင် ငါနှင့်
ငါ မလျှော့တမ်း ၊ အားအင် စမ်းအံ့ ။
အစွမ်း သာသူ ၊ ပန်းဆွတ်ယူလိမ့် ။
ငါမူ ငါ့ကို အောင်မည်လော။ ။
ငါ့ကို ငါက အောင်မည်လော။ ။
(မင်းသုဝဏ်)

သင်သေသွားသော်

ဪ…လူ့ပြည်လောက၊ လူ့ဘဝကား
အိုရနာရ ၊ သေရဦးမည်
မှန်ပေသည်တည့်။
သို့တပြီးကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြင့်၊ ကျန်ကောင်းသင့်၏။
သင်၏အမျိုးသား၊ စာစကားလည်း
ကြီးပွားတိုးမြင့်၊ ကျန်ကောင်းသင့်၏။
သင်ဦးချ၍ အမျှဝေရာ
စေတီသာနှင့်၊ သစ္စာအရောင်
ဥာဏ်တန်ဆောင်လည်း
ပြောင်လျက်ဝင်းလျက် ကျန်စေသတည်း။
(ဇော်ဂျီ)

စွန့်လွှတ်ခြင်း အနုပညာ

     ကျွန်ုပ်တို့မြန်မာလူမျိုးအများစုဟာ အလှူအတန်း ရက်ရောတတ်ကြပါတယ်။ တစ်နည်းအားဖြင့်စွန့်ကြဲခြင်း လို့ခေါ်ရင်လဲမှားမှာမဟုတ်ပါဘူး။ ကျွန်ုပ်စိတ်နဲ့မတည့်တဲ့ အချို့အလှူတွေ တွေ့ဘူးပါတယ်။ ဒါ့ကြောင့်တွေးမိတယ်ဗျာ သူတို့လှူကော လှူတတ်ကြရဲ့လားလို့ ? ဘာအတွက်လှူနေတာလဲလို့ ? ကျွန်ုပ်ဒီနေရာမှာနိဗ္ဗာန် ရောက်ကြောင်းတွေကိုပြောမှာမဟုတ်ပါဘူး။ဒါတွေဒီမှာပြောဘို့အလှမ်းဝေးလှပါသေးတယ်။ ကျွန်ုပ်ပါတ်ဝန်းကျင်မှာတွေ့ဘူးပါတယ်။ အတော်လည်းပိုက်ဆံရှိပါတယ်။ လူအများကပြောကြတယ် သိပ်အလှုရက်ရောတာ တဲ့။ နှစ်စဉ်နှစ်တိုင်းလည်း ငွေသိန်းပေါင်းများစွာလှူနေပါတယ်။ဒါလည်းတွေ့ရပါတယ်။တစ်နေ့ သူ့ရဲ့အလုပ်သမားလေး နဲ့စကားပြောနေတာ ကြားရတယ်။ အလုပ်သမားလေးက ငွေချေးတာပါ။ သူ့အမေနေမကောင်းလို့ဆေးရုံတက်နေရလို့ ပိုက်ဆံချေးပါတဲ့။ သူ့ပိုက်ဆံကိုလခထဲကပြန်ဖြတ်ဘို့တောင်းပန်နေပါတယ်။ ဒါပေမယ့် အဲဒီလူကိုပိုက်ဆံမချေးခဲ့ပါဘူး။ ဒါတစ်ခုတည်းတော့မဟုတ်ဘူး လာတောင်းရမ်းတဲ့လူတွေလဲ ငေါက်ငေါက်ထုတ်တာတွေ့ရတယ်ဗျာ။တကယ်ဆိုသူနှစ်စဉ်လှူတဲ့ငွေတွေနဲ့ နှိုင်းရင် ဒီငွေကမပြောပလောက်ပါဘူး။ တကယ့်ကိုနည်းနည်းလေးပါ။ သူဒီလောက်လေးတောင်မှ သူ့အလုပ်သမားလေးအပေါ် ၊ဆင်းရဲသားတွေအပေါ် သဒ္ဓါတရားလေးမရှိရင် သူလှူနေတဲ့သိန်းပေါင်းများစွာ၊ လူသိရှင်ကြား ခမ်းခမ်းနားနားဖိတ်ခေါ် ကြွေးမွေးနေတဲ့သူ့အလှူအပေါ် ကျွန်ုပ်သံသယရှိတယ်လို့ပြောရင် စာဖတ်သူက ကျွန်ုပ်ကိုလွန်တယ်လို့ပြောမယ်မထင်ပါဘူး။ ဘာအတွက်လှူတာလဲ?

     ကျွန်ုပ်ခံယုံကြည်ချက်က စွန့်ကြဲတာနှစ်မျိုးပဲရှိတယ် (အများခေါ်က လှူတယ်ပေါ့ဗျာ)။
၁။ သနားလို့ပေးတာ
၂။ ချစ်လို့ပေးတာ
     ဆင်းရဲတဲ့သူ၊ လိုအပ်တဲ့လူ၊ ချို့တဲ့သူ တွေကိုပေးတဲ့အခါ ဘာမှမမျှော်လင့်ပါဘူး သူတို့တွေအဆင်ပြေရင်ကျွန်ုပ်လဲ ကျေနပ်ပါတယ်။ ကျွန်ုပ်သူတို့ဆီကမျှော်လင့်တာ တစ်ခုပဲရှိပါတယ်၊ သူတို့အဆင်ပြေ စိတ်ကျေနပ်မှုပါပဲ။ ဒီထက်ပိုပြီးဘာမှမမျှော်လင့်ပါဘူး။ ကျွန်ုပ်လှူတာကိုသူများကိုပြောခဲပါတယ်။ဒါပေမယ့် သူများတွေသိပါစေ ကျွန်ုပ်လိုမျိုးပေးနိုင်ပါစေဆိုပြီး ခင်ခင်မင်မင်ရှိရင်တော့ပြောလေ့ရှိပါတယ်။ မရင်နှီးသူသွားပြောရင်ကိုယ်ရည်သွေးရာရောက်မှာစိုးလို့ပါ။ အများအတွက်လုပ်တာ မကောင်းတာတော့မရှိပါဘူး။ လောကအရကြည့်ရင်တော့ လိုအပ်သူတွေအတွက် ဖြည့်ဆည်းရာရောက်လို့ လောကကိုသာယာအောင်လုပ်တာပါပဲ။ ဒီလိုလုပ်တဲ့သူတွေကိုကျွန်ုပ်က အမြဲလေးစားပါတယ်။

     ချစ်လို့လှူတယ်ဆိုတာက ကျွန်ုပ်ဆို မိဘကိုချစ်ပါတယ်။ မိဘအတွက်တစ်ခုခုစားစရာဝယ်လာပြီး မိဘကိုကျွေးတာဟာလဲ တစ်နည်းပြောရရင် ပေးကမ်းတာပါပဲ။ သူတို့ဆီကဘာမှလိုလို့မဟုတ်ပါဘူး။ဒါတော့သားသမီးတိုင်းခံစားမိမှာပါ။ နောက်တစ်ခုက ဘုရား ရဟန်းသံဃာတွေကြောင့် ကျွန်ုပ်မှာအသိတွေတိုးလာရပါတယ်၊ တရားတွေနာရပါတယ်၊ ယဉ်ကျေးလာပါတယ်၊ စိတ်နေစိတ်ထားတွေ ပြောင်းလဲလာပါတယ်၊ သဘောထားတွေရင့်ကျက်လာပါတယ်။သူတို့ဟာကျွန်ုပ်အတွက်တော့ ကျေးဇူးရှင်တွေပါ။ သူတို့ကိုတကယ် ကျွန်ုပ်ချစ်ပါတယ်၊ မြတ်နိုးပါတယ်၊သူတို့ရဲ့အကျင့်တွေကြောင့်သူတို့ကိုကျွန်ုပ်တန်ဖိုးထားလေးစာရပါတယ်။ ဒါကြောင့်သူတို့ကို လှူပါတယ်။ သူတို့ကိုလှူတာ နိဗ္ဗာန်ရောက်ခြင်လို့ဘာလို့ ကျွန်ုပ်စိတ်ကူးဘို့လက်လှမ်းမမှီပါဘူး။    

     ဒါနဲ့တစ်ခုသွားသတိရတယ် စင်္ကာပူမှာစာပေဟောပြောပွဲ
လုပ်တုန်းက ဂျူးပြောတာလေး။ American က Essay တွေထဲကမေးခွန်းလေးပါတဲ့။ မှတ်မိသလောက်လေးပြောပြပါ့မယ်။
     တစ်နေ့အသက်ခပ်ကြီးကြီးလူတစ်ယောက် ကားမောင်းလာပါတယ်။သူဒီနေ့သူရဲ့ ပင်စင်ယူတဲ့နေ့ပါ။ သူစဉ်းစားရင်းကားမောင်းလာပါတယ်။ သူတစ်သက်လုံးစုဆောင်းခဲ့တာဆိုလို့သူပိုင်တဲ့ဒီကားလေးပဲ အဖတ်တင်တယ်တဲ့။ သူ့ကားလေးကို သူလမ်းလျှောက်နေကြ ရထားလမ်းဟောင်းလေးပေါ်မှာရပ်ရင်း သူရထားလမ်းတလျှောက် လမ်းလျှောက်လာပါတယ်။ ဒီကားလေးနဲ့သူဝင်ငွေရှာပြီးသူ့ဘ၀လေးကို သူသေတဲ့အထိ နေသွားမယ်ပေါ့။ သက်ပြင်းလေးချရင်းလမ်းလျှောက်နေလိုက်တာ အတော်ဝေးဝေးရောက်နေပါပြီ။ ဒီအချိန်မှာသူမြင်ကွင်းထဲ အထူးအဆန်း ရထားတစ်စီးလာနေပါတယ်။သူစဉ်းစားနေပါတယ် ဒီနေရာကရထားလာတာတစ်ခါမှမကြုံဖူးပါဘူး။ ဒီအချိန်မှာရထားကသူနဲ့ခပ်နီးနီးကိုရောက်နေပါပြီ။ ရထားသွားမဲ့လမ်းကြောင်းကိုကြည့်လိုက်တော့ သူမျက်လုံးပြူးသွားပါတယ်။ ရထားလမ်းပေါ်မှာလေးဘက်သွားတတ်စ ကလေးလေးတစ်ယောက်ထိုင်ရင်းဆော့နေတာသူတွေ့ရတယ်။ ဒါနဲ့သူဘာလုပ်ရမလဲစဉ်းစားတယ် ပြေးသွားပြီးကယ်ရအောင်ကလည်း ရထားနဲ့ယှဉ်ပြီးသူပြေးဘို့မမှီ ပါဘူး။ သူဘာလုပ်ရမလဲ ရှာကြည့်ရင်း သူနဲ့မလှမ်းမကမ်းမှာ ရထားလမ်းလွှဲတံတစ်ခုတွေ့ပါတယ် အဲဒါကိုသူပြေးသွားဆွဲရင်တော့မှီပါတယ်။ဒါနဲ့ သူပြေးသွားပြီးမောင်းတံကိုကိုင်လိုက်ပြီး ဆွဲဘို့ပြင်လိုက်ပါတယ်။ ဒီအချိန်သူတစ်ချက်စဉ်းစာလိုက်တယ်။ ဒီရထားကိုလမ်းလွှဲလိုက်ရင် ရထားဘယ်ကိုသွားမှာလဲ။ သူမျက်လုံးပြူးရပါပြီ ဒီရထားသွားမှာက သူ့ကားလေးရှိရာကိုပါ။ ဒီကားကသူ့ရဲ့ဘ၀ပါ။ သူ့မှာပိုင်ဆိုင်တာဆိုလို့ ဒီကားလေးပဲရှိပါတယ်။ အာမခံကြေးလဲသူ့မှာ အပြည့်အ၀မရှိပါဘူးတဲ့။
     ဒီဇာတ်လမ်းလေးကဖန်တီးထားတာပါ။ တကယ်မဟုတ်ပါဘူးတဲ့။ သင်စာဖတ်သူလဲဒီနေရာမှာဆိုရင်ဘာလုပ်မလဲ ? ကလေးကိုကယ်လိုက်မှာပေါ့လို့ စကားကိုလွယ်လွယ်မပြောပါနဲ့။ သေချာစဉ်းစားပြီးမှပြောပါ။ ဒီကလေးရဲ့အသက်ကို စည်းစိမ်အဆုံးရှုံးခံပြီးကယ်မည့်သူဆိုရင် သင့်ကိုယ်သင်စဉ်းစာပါ။ သင်ကလေးဘယ်နှယောက်ကို ယခင်က ကယ်ခဲ့ဘူးသလဲ? ကလေးတွေအတွက် သင်လှူခဲ့ဘူးပါသလား?။ သင့်စည်းစိမ်ကိုထားပါအုံး သင့်ဝင်ငွေထဲက ၁၀% လောက်ကိုပဲ ကလေးတွေအတွက်လှူဘူးပါသလား?။
   သင်ဖြေရခက်နေပြီလား? တစ်ချို့ကိစ္စတွေကလွယ်လွယ်ပြောလို့မရပါဘူး။ သင့်ပိုင်ဆိုင်မှုကို အဆုံးရှုံးခံပြီး၊ စွန့်လွှတ်ပြီး ကလေးတစ်ယောက်ကို သင်ကယ်မည့်သူဆိုရင်တော့ ကျွန်ုပ်ပြောလိုက်ပါရစေ သင့်ကိုကျွန်ုပ်လောကအစား ရင်ထဲကလှိုက်လှိုက်လှဲလှဲကျေးဇူးတင်ပါတယ်၊ လေးလဲလေးစားပါတယ်။
     အားလုံးပဲ မြင့်မြတ်တဲ့စွန့်လွှတ်ခြင်းတွေ တတ်နိုင်သမျှထားနိုင်ကြပါစေလို့ဆုတောင်းလျှက်။
(မင်္ဂလာညနေခင်း)