Thursday, April 11, 2013

စာနာနားလည်ခြင်း အနုပညာ

     ပန်းချီပြခန်းလေးတစ်ခုသွားရင်း ဟိုကြည့်ဒီကြည့် လျှောက်ကြည့်တုန်း Abstract Painting တွေနားရောက်သွားတော့ လူနှစ်ယောက် ပြောနေသံတစ်ချို့ အာရုံစိုက်မိသွားတယ်။ တစ်ယောက်က ပန်းချီတွေကြည့်ပြီး မင်းဒါနားမလည်ဘူးလား၊ ဒါကနံမည်ကြီးကွ ဒီဘက်ကဟာကော မင်းနားမလည်ဘူးလား ဒါက နံမည်ကြီး ပန်းချီဆရာဆွဲထားတာကွနဲ့ တစ်ဖက်လူကို တစ်ဖက်ဆောင်းနင်းစွတ်ပြောနေတာကြားလိုက်ရတယ်။ ဒါနဲ့ နားထောင်တဲ့တစ်ယောက်ကို အကဲခတ်ကြည့်တော့ တော်တော်စိတ်ညစ်နေပုံပေါက်တယ်။ သူက အေးငါဒါတွေနားမလည်ဘူးကွာလို့ ပြန်ပြောရင်းခေါင်းကုတ်နေလေရဲ့။
     အဲ့ဒီမှာ လူတွေရဲ့စိတ်ကိုဘာသွားတွေ့ရလဲဆိုတော့ လူတွေက ကိုယ်ဗဟိုပြုမှု (အတ္တ) တွေများပြီး အပြန်အလှန် စာနာနားလည်မှုနည်းကြတာတွေ့ရတယ်။ လူတွေက ပတ်ဝန်းကျင်တွေ၊ အသိုင်းအ၀ိုင်းတွေ၊ ကိုယ့်ရဲ့လေ့လာမှုတွေ၊ ကိုယ့်ရဲ့စိတ်ဝင်စားမှုတွေပေါ်မူတည်ပြီး အမြင်တွေ အတွေးတွေအမြဲပြောင်းလဲနေတယ်။ ပန်းချီဆရာက ပန်းချီကားတွေကိုကြည့်ပြီး စိတ်ကူးတယ်၊ စဉ်းစားတယ်၊ ကျေနပ်တယ်၊ ပျော်တယ်။ အဲ့ဒီလိုပဲ လျှပ်စစ်သမားတွေက လျှပ်စစ်သွယ်တန်းပုံတွေ၊ မီးသွယ်တန်းပုံတွေ၊ လျှပ်စစ်နဲ့အလုပ်လုပ်တဲ့ အသုံးအဆောင်တွေကို ကြည့်ပြီး ကျေနပ်တယ်၊ ပျော်တယ်၊ စိတ်ဝင်စားတယ်။ ဆေးပညာရှင်တွေကလဲ လူတွေရဲ့ ဆဲလ်တွေ၊ ခန္ဓာကိုယ်အစိတ်အပိုင်းရဲ့ အလုပ်လုပ်ပုံတွေကို ကြည့်ပြီး စိတ်ဝင်စားတယ်။ စိုက်ပျိုးရေးသမားကလဲ သစ်ပင်တွေ ဖြစ်ပေါ်ပုံ၊ အသက်ရှင်ပုံ၊ ကြီးထွားပုံတွေကမှ သူ့ဘ၀လို့ထင်တာ။ ဒါကြောင့် ငါသိတာ မင်းမသိရကောင်းလား၊ ညံ့လိုက်တာလို့ထင်ရင်အမှားကြီးမှားသွားမှာပေါ့။ ပန်းချီသမားက လူ့ ဆဲလ်တွေ ရိုက်ထားတဲ့ ပုံကိုကြည့်ပြီး အနုပညာမဆန်လိုက်တာလို့ပြောရင် ဆေးပညာရှင်ကလည်း မင်းဆွဲထားတာကမှ အရူးပုံလို့ ပြန်ပြောရုံရှိတော့မပေါ့။ တကယ်က နှစ်ဖက်လုံးမှာ သူ့မှန်ကန်တဲ့ အမြင်တွေရှိကြတာပဲ။ တစ်ယောက်နဲ့ တစ်ယောက် အမြင်းခြင်း မဖလှယ်ကြလို့သာပါ။
     လူတွေက အမြင်ခြင်းမဖလှယ်ရုံသာမကဘူး သူတပါးကို ပုတ်ခတ်ချင်ကြတယ်။ " ဒါလေးတောင်မသိဘူးလား " , " မင်းဒါ နားမလည်းဘူးလား " စသဖြင့်သုံးနှုန်းနေတာတွေ ကြားရမှာပေါ့။ တမင်သက်သက် သူတစ်ပါးစိတ်ဆင်းရဲအောင် နှိပ်စက်တတ်ကြတယ်။ တစ်ချို့ကြတော့လည်း မင်းဘယ်လောက်သိတယ် ငါဘယ်လောက်သိတယ်နဲ့ အတ္တတွေပြိုင်နေကြလေရဲ့။
     အဲ့ဒီလို အမြင်းမတူမှုတွေကို တည့်မတ်ဖို့ဆိုတာ စာနာနားလည်မှုကပဲတည်ဆောက်နိုင်တာပါ။ ပန်းချီမကြည့်တတ်သူကို သူစိတ်ဝင်စားရင် ဒီပုံကိုဘယ်လိုကြည့်ရတယ်၊ ဘယ်အရောင်ဆို ဘာကိုဆိုလိုတာ စသဖြင့်စာနာပြီး သင်ပြပေးရင် စိတ်ဝင်စားသူလဲ ပိုပြီးစိတ်ဝင်စားမယ်၊ ပြောပေးတဲ့သူကိုလဲ ကျေးဇူးတွေတင်ပြီး တစ်ယောက်နဲ့တစ်ယောက်နားလည်မှု ကမ္ဘာကိုတည်ဆောက်နိုင်ကြမှာပါ။
     လူတစ်ယောက်မှာ စာနာနားလည်မှုရှိပြီဆိုရင် အဲ့ဒီလူဟာ သူတစ်ပါးကို မိမိရဲ့စိတ်ဝင်စားမှု၊ မိမိရဲ့ကြိုက်ခြင်း မကြိုက်ခြင်း တွေနဲ့ မဆုံးဖြတ်တော့ဘူး။ ဒီလူရဲ့ အမြင်ဟာ လောကကြီးအပေါ် ဘယ်လိုအဓိပ္ပါယ်သက်ရောက်နေလဲဆိုတဲ့ အမြင်နဲ့ကြည့်လေ့ရှိတယ်။ မှားတာလေးတွေရှိရင်ပြင်ပေးတယ် မှန်တာတွေကို ရှေ့ဆက်ဖို့ တွန်းအားပေးတယ်။
     သိသာတာတစ်ခုက စာနာနားလည်မှုမရှိပဲနဲ့ လူတစ်ယောက်ကို ဘယ်လိုမှ ကူညီလို့မလွယ်ကူတာပါပဲ။ ဘာလို့လဲဆိုတော့ တဖက်သားရဲ့အနေအထားကို မသိဘူး ခေတ်လိုပြောရင် ခံစားလို့မရဘူးဖြစ်နေလို့ပဲ။ တောင်းစားတဲ့သူတစ်ယောက်ကို ပိုက်ဆံပေးဖို့ဆိုတာ သူ့အခက်အခဲကို စာနာနားလည်နိုင်ပါမှ လက်က ပိုက်ဆံအိပ်ထဲကိုလှမ်းလို့ရောက်တာပါ။ ခြေတစ်ဖတ်ပြတ်နေတဲ့လူတစ်ယောက်ကို စာနာနားလည်မှုမရှိပဲနဲ့ သူခံစားချက်ကို ဘယ်လိုမှမသိနိုင်ဘူး။ အဲ့ ဒါကြောင့်လူတစ်ဖက်သားရဲ့ အနေအထားကို သိချင်ရင် သူ့နေရာကနေ ၀င်ပြီးကြည့်မှ သူ့ကိုစာနာနားလည်ပါမှ သူ့ရဲ့အခြေအနေကို အမှန်သိမှာပါ။ ဒါကို စာနာနားလည်ခြင်းအနုပညာလို့ ကျွန်ုပ်က ခေါ်တွင်တယ်။
     အင်္ဂလိပ်တွေ အသုံးတစ်ခုရှိတယ် " Please stand in my shoes. " တဲ့ မင်းငါ့နေရာဝင်ကြည့်အုံးပေါ့။ တစ်နည်းပြောရရင် မင်းငါ့ကို စာနာနားလည်အုံးပေ့ါ။ ဒါလူ့ယဉ်ကျေးမှုတစ်ရပ်လိုဖြစ်လာရင် တကယ်ပဲ လောကဟာသာယာလာမှာပဲ။ စာနာနားလည်မှုရှိမှလည်း တစ်ပါးသူကို သိမြင်ပြီး ထိထိရောက်ရောက်ကူညီနိုင်မှာပါ။ ခေါင်းဆောင်တွေမှာလည်း ဒီအရည်အချင်းတွေရှိသင့်ပါတယ်။ ဒီအရည်အချင်းကပဲ လောကကိုသိမြင်စေမှာလေ။ တနည်း လောကကို သိမြင်ချင်တယ်ဆိုရင်လည်း ဒီအရည်အချင်းရှိကိုရှိရမယ်။
    ဗုဒ္ဓ အဘိဓမ္မာမှာပါတဲ့ "ကရုဏာ" ရဲ့ဖွင့်ဆိုချက်လေးတစ်ခုရှိတယ် " ဒုက္ခိတ သတ္တ၀ါပညတ်ကို အာရုံပြု၍ သနားမှု " တဲ့။ အဲ့ဒီရဲ့ သနားမှုဆိုတဲ့နေရာလေးမှာ " စာနာနားလည်မှုလို့ " မြတ်စွာဘုရားက ပြောချင်တာများဖြစ်မလားလို့ ကိုယ်ပိုင်အတွေးလေးသက်သက်နဲ့ စဉ်းစားခဲ့ဘူးတယ်။ ဒီအယူအဆလေး လက်မခံနိုင်ရင်လဲ ပါယ်လိုက်ပါ။
     ဒီလောကမှာ စာနာနားလည်မှုတွေများလာပြီဆိုတာနဲ့ လောကကြီးဟာ လှပသာယာလာမှာအမှန်ပဲ။ ကိုယ့်အိမ်ကလူတွေရှိရင် အဲ့ဒီအိမ်သာယာမယ်။ တစ်မြို့လုံးရှိရင် အဲ့ဒီမြို့ သာယာမယ်။ တစ်ကမ္ဘာလုံးရှိရင် ကမ္ဘာကြီးသာယာမယ်။ စာနာနားလည်မှုတွေနည်းလာပြီးဆိုတာနဲ့ ဒီကမ္ဘာမှာ တိုက်ခိုင်မှုတွေ၊ စစ်ပွဲတွေ ၊ ခိုးမှု တိုက်မှုတွေ များလာပြီး ကမ္ဘာကြီး မငြိမ်းချမ်းမှာသေချာပါတယ်။ စာနာနားလည်မှုဆိုတဲ့ စကားလေးထဲမှာ သနားခြင်း၊ကြင်နာခြင်း၊ သည်ခံခြင်း၊ ခွင့်လွတ်ခြင်း၊ အာဃာတမထားခြင်းဆိုတာတွေ ပေါင်းစုပါဝင်နေကြတယ်။
     ဒါ့ကြောင့် စာဖတ်သူလည်း စာနာနားလည်မှုအနုပညာကို ကျင့်ပြီး လောကကိုသိမြင်အောင် ကြိုးစားပါလို့ တိုက်တွန်းပါတယ်။ ဒါကပဲ (၀ိဇ္ဇာ၊စရဏ) သိမြင်ခြင်းနဲ့ ကျင့်သုံးခြင်းပါပဲ။

Monday, August 27, 2012

ရွှေပြည်ထောင်မှ လူငယ်များသို့


     ဒီနေ့အလုပ်ကပြန်လာပြီး ထမင်းစားရင်း TV ဖွင့်လိုက်တော့ Singapore အမျိုးသားနေ့အတွက် ၀န်ကြီးချုပ် Lee Hsien Loong ကမိန့်ခွန်းပြောနေပါပြီ။ ဒါနဲ့ ဘာတွေများပြောမလဲလို့ လေ့လာတဲ့အနေနဲ့ ဆက်နားထောင်လိုက်တယ်။
     အကြမ်းအားဖြင့် သူ့နိုင်ငံမှာ လမ်းပန်းဆက်သွယ်ရေးတွေ ဘယ်လိုဖော်ဆောင်နေတယ်၊ ဘယ်လောက်ရင်နှီးမြှုပ်နှံထားတယ်၊ ရလက်တွေကတော့ ဘာတွေ၊ ဘယ်လောက်အချိန်ယူမယ် ဆိုတာကို နှစ်အလိုက်ရှင်းပြတယ်။ စိတ်ထဲ တွေးလိုက်တယ် တယ်စည်းစနစ် ကြတဲ့ ပုဂ္ဂိုလ်ပဲလို့။ သူက ဘလိုင်းကြီးမပြောဘူး၊ နှစ်အလိုက် လုပ်မှုနဲ့ ရလဒ်တွေကို အမြဲတွဲပြောတယ်၊ အရေအတွက်တွေနဲ့ ပြောတယ်။ ဒါကိုယ့်နိုင်ငံဖော်ဆောင်ရေးမှာ အတုယူစရာပဲလေ။
     နောက်စီးပွားရေးတွေ ဘယ်လို နှစ်စဉ်တိုးတက်လာပြီ ဆိုတာနဲ့၊ ဘယ်လို အလုပ်တွေကို ဖော်ဆောင်နေတယ်ဆိုတာတွေ။ Singapore ရဲ့ နှစ်တွေကို ပုံတွေနဲ့ တိုးတက်မှုတွေကိုဖော်ဆောင်ပြသွားတယ်။ အလုပ်အကိုင် တွေကိုလဲဘယ်လိုစီစဉ်တယ်ဆိုတာတွေကော အတော်စုံပါတယ်။နောက် အခွန်နဲ့၊ ရင်နှီးမြှုပ်နှံမှုတွေ အကြောင်းလည်းပြောသွားသေးတယ်။ ကျန်းမာရေးအတွက် ဆေးရုံနဲ့၊ ဆေးခန်းတွေ ဘယ်လို Arrange လုပ်ထားတယ်ဆိုတာတွေလဲ ပါပါတယ်။ နိုင်ငံသားတွေ မိသားစုတိုင်း အိမ်ပိုင်ဆိုင်နိုင်အောင်ဆိုတဲ့ အစီအစဉ်လေးကလဲ လေးစား အားကြစရာပါ။ ကျွန်းလေး လက်တောက်လောက်ကို မြေတွေဖို့ပြီး ဘာတွေဆောက်နေတယ်ဆိုတာကို Slide Show နဲ့ပြသွားတာကလဲ ရင်သပ်ရှုမောစရာပါပဲ။
      ထားပါတော့လေ ဒီမှာပြောခြင်တာလေးက သူ့နိုင်ငံရဲ့ ပညာရေးပဲ ခုသူ့နိုင်ငံမှာ NUS(National University of Singapore) တို့လို NTU (Nanyang Technological University) တွေလို့ ကမ္ဘာ့အဆင့်မှီ University တွေရှိနေတာတောင် ပညာရေးကို ဒါ့ထက်မြှင့်ဖို့ ထပ်ခါထပ်ခါပြောနေတယ်။ SMU, SIM စတဲ့နံမည်ကြီးကျောင်းတွေကလည်း ဒုနဲ့ဒေးပါပဲ။ Polytechnic တို့လိုကျောင်းတွေကလဲ အများကြီးရှိတယ်။ သူ့နိုင်ငံရဲ့ Technology ကို အရေအတွက်အားဖြင့် နှစ်စဉ် ပြည်တွင်း၊ ပြည်ပ Engineer ကျောင်းသားပေါင်း ဘယ်လောက်ထုတ်တယ်ဆိုတာကို တင်ပြသွားတယ်။ ဒါကတော့ မဆန်းပါဘူးလို့စိတ်ကတွေးတယ် တို့တိုင်းပြည်လည်းနှစ်စဉ် ထုတ်နိုင်တာပဲ။ အယ်..သူက ဒါတင်ရပ်မနေဘူး Quality ကိုစပြောလာတယ် ဥရောပက Professor တွေရှိတဲ့ အကြောင်းတွေလဲပါတယ်၊ ဒါတွေ ကိုယ့်နိုင်ငံအတွက် အလေးထားစရာတွေပါ၊ နိုင်ငံက Engineering Student တွေ နှစ်စဉ် နိုင်ငံခြား Robot ပြိုင်ပွဲတွေမှာ  Metal တွေဘယ်လောက်တိုးလာတယ်ဆိုတာနဲ့ နိုင်ငံတကာ Math ပြိုင်ပွဲတွေမှာ ဆုတွေရခဲ့တယ်ဆိုတာတွေကို အရည်၊ အသွေးတွေ ဘယ်လောက်ကောင်းလာ တယ်ဆိုပြသွားတယ်။ နောက်ထပ် ပညာရေးကို လူကြီးရော၊ လူငယ်ရော ဘယ်လို့မြှင့်တင်သွားအုံးမယ်ဆိုတာ တွေကိုလဲပြောတယ်၊ အိမ်ထောင်သည်တွေတောင် Master ကျောင်းတွေဆက်တက်ဖို့ တိုက်တွန်းသွားသေးတယ်။ လူငယ်တွေကိုတော့ ပြောမနေနဲ့ Scholarship တွေလဲအများကြီးပေးထားကြောင်းပြောတယ်။ နားထောင်ရင်း ဒီပုဂ္ဂိုလ်ကို တော်တော်လေးစားသွားတယ်။ သူတကယ်သိတယ် နိုင်ငံတိုးတက်ဖို့ ဘာအဓိကဆိုတာ။ Technology, Technology တဲ့ပါးစပ်ကကိုမချဘူး ပြောသွားတာ။ လုပ်ပုံသိပ်ကောင်းတယ်၊ ဒါကြောင့်လည်း ပညာတတ်တွေ ထွက်လာတာ မဆန်းပါဘူး။
     သူ့ပြောတာနားထောင်ရင်း စဉ်းစားမိတယ် ဒို့နိုင်ငံကြဘယ်လိုလုပ်မလဲလို့။ ခုမှစပြီး တိုးတက်ရေးလမ်းပေါ်ဆွဲခေါ်နေရတာ၊ အဲဒီတော့ လူငယ်တွေက ဘာလုပ်ရမလဲ၊ နည်းနည်းတော့ပင်ပန်းမယ်။ ကိုယ့်ဟာကိုယ် ထိုးဖောက်ထွက်ရမှာပဲ၊ အထောက်အပံ့ စောင့်နေလို့မဖြစ်ဘူး။ ဆရာမကောင်းလို့၊ ပစ္စည်းကိရိယာမစုံလို့ ဆိုပြီးထိုင်နေရင် ထိုင်ပေါ့။ ပေးတာယူ၊ ကြွေးတာစား လုပ်မနေနဲ့။ အဲဒီကျွန်စိတ်ကြီး ရှိနေသရွေ့ လူမွှေးတောင်ပြောင်မှာမဟုတ်ဘူး။ (နဲနဲရင့်သီးတာ ခွင့်လွှတ်ပါ)။
     လူငယ်ဆိုတာက အားမာန်တွေရှိတယ်၊ အိမ်မက်တွေရှိတယ်၊ ကမ္ဘာကြီးကို ကိုင်လှုပ်ချင်တယ် ဒါလူငယ်တွေစိတ်ပဲ လူကြီးမှာဒါတွေမရှိဘူး။ ဒါကြောင့် လူငယ်တွေ အိမ်မက်တွေ မက်ပါ။ ကံပေးသလောက်ပဲ ဆိုတာတွေ လုပ်မနေနဲ့။ ဟိုရောင်ရောင် ဒီရောင်ရောင် လုပ်မနေနဲ့။သေးသိမ်တဲ့စိတ်တွေ ဖြောက်ဖျက်ပြစ်ပါ။ အပင် အချို့က မြေကြီးကိုခွဲပြီးထွက်ကြရတယ်၊ အဲဒီလိုပဲ လူငယ်လေးတွေ မင်းတို့တွေ မြေကြီးကို ကိုယ်တိုင်ခွဲထွက်ပြီး ကောင်းကင်ရဲ့ အမြင့်ဆုံးနေရာကို ပျံသန်းကြပါတော့။ ( ကဗျာလေးပြင်ရေးမယ်.... ကျောင်းသားတံခွန် လူရည်ချွန်၊ ကောင်းကင်တမွတ် ကြယ်ကိုစွတ်လော့)

(မင်္ဂလာညနေခင်း)

Saturday, August 4, 2012

သာယာပြည်


     ညီလာခံကိစ္စတစ်ခု ပြီးသွားလေပြီ။ ၄င်းနောက် သာယာပြည့်ရှင်လည်း မိမိ၏ ကိုယ်ရေးကိုယ်တာကိစ္စကို စချင်၏။ သို့ရာတွင် မိမိ၏ လောဘကို မူးမတ်များ ရိပ်မိသွားမည် စိုးသောကြောင့် တိုင်းရေးပြည်မှုကိစ္စကို စိတ်ထဲမပါသော်လည်း ပါလေဟန်နှင့် မေးမြန်းလေသည်။
     ဆိုင်ရာအသီးသီးတို့၏ အစီရင်ခံစာများကို စစ်ဆေးပြီးသဖြင့် သာယာပြည်သည် ယခုထက်တိုင် စည်ပင်ဝပြောလျက်ရှိနေသေးကြောင်းကို မူးမတ်များက လျှောက်တင်လေသည်။
     လျှောက်တင်ချက် လိုရင်းမှာ သာယာပြည်တွင် ဆင်းရဲသားများသည် ဆင်းရဲသားဘ၀ လုပ်ကိုင် စားသောက်နေကြသဖြင့် များစွာဝမ်းမြောက် အားတက်ဖွယ်ရာဖြစ်ကြောင်း၊ ၄င်းတို့ ဆင်းရဲပင်ပန်းကြသည်မှာ ကံ ကံ၏ အကျိုးသာဖြစ်ကြောင်း၊ ကံတရားကို မည်သူမျှ မလွန်ဆန်နိုင်ကြောင်း၊ ကံပစ်ချသောနေရာတွင် မကြံမစည် နာရွက်မခတ်ဘဲ နေအပ်ကြောင်း၊ ကံတရားကိုက ဆင်းရဲစေဟု အမိန့်ပေးထားသဖြင့် တိုင်းပြည်ရှင်က လက်ပိုက်၍ ကြည့်နေအပ်သည် ဖြစ်ကြောင်း၊ ကံတရားကြောင့်ဆင်းရဲကြသဖြင့် ၄င်းတို့၌ မချမ်းသာခြင်း၊ ပညာ မပြည့်စုံခြင်း၊ ဆင်းရဲသားဘ၀မှ မလှူနိုင်ခြင်းများသည် အံ့သြဖွယ်ရာ မဟုတ်ကြောင်း၊ ထို့ကြောင့် သာယာပြည်ရှိ ဆင်းရဲသားများသည် ဆင်းရဲသားပီပီ ဆင်းဆင်းရဲရဲနှင့်ပင် လုပ်ကိုင် စားသောက်နေကြသည်မှာ ၀မ်းမြောက်ဖွယ်ရာ ဖြစ်ကြောင်း၊ ရွှေဘုန်းတော်ကြောင့် အထူးဝမ်းသာအားရဖွယ်သာ ဖြစ်ပါကြောင်း၊ ၎င်းတို့ဆင်းရဲစွာ နေထိုင်ခြင်းကို ပြည့်ရှင်က အနှောင့်အယှက်မပြုသင့်ကြောင်း။
     သာသနာတော်ရေးနှင့် စပ်လျဉ်း၍ သာယာပြည်တွင် စေတီပုထိုးများစွာ ပေါများသည်ကို ထောက်ထားသဖြင့် ပြည်တွင်း၌ မည်မျှပင် အခိုးအတိုက်၊ အလုအယက်၊ အလိမ်အကောက် ပေါများနေသော်လည်း သာသနာတော်သည် ယခုထက်တိုင် ထွန်းကားလျက်ပင်ရှိနေကြောင်း၊ ရွှေဘုန်းတော်ကြောင့် သာယာပြည်၏ မြေမျက်နှာပြင်သည် ၀ါဝင်းသော စေတီပုထိုးတို့ဖြင့် လှပတင့်တယ် ရှုချင်စဖွယ် ရှိနေကြောင်း၊ အကုသိုလ်မှုပေါများနေခြင်းမှာ အ၀ီစိငရဲသို့ သွားရောက်ချင်ကြသောသူများ ပေါများနေသောကြောင့် ဖြစ်ကြောင်း၊ ၎င်းတို့၏ အ၀ီစိငရဲသို့ သွားရောင်ချင်သော အလိုဆန္ဒကို ပြည့်ရှင့်က အနှောက်အယှက် မပြုသင့်ကြောင်း။
     ရောင်းရေးဝယ်တာကိစ္စနှင့် စပ်လျဉ်း၍ သာယာပြည်သားတို့သည် အာဒိစ္စနေမျိုးမှ ဆင်းသက်လာသော မင်းတို့ အုပ်စိုးရာဖြစ်သော သာယာပြည်သားပီသစွာ မိမိတို့၏ တိုင်းပြည်၌ လိုအပ်သောပစ္စည်း အရပ်ရပ်များကိုပင် ကိုယ်တိုင်မလုပ်ကိုင်ဘဲ အနီးအနားရှိ အလုပ်သမား ကျေးတော်မျိုး ကျွန်တော်မျိုး တိုင်းပြည်များမှ အာဏာသံ၊ မာနသံတို့ဖြင့် ငွေကြေးပေး၍ ၀ယ်ယူဆောင်လျက် နေသေးသဖြင့် များစွာ အားတက်ဂုဏ်ယူဖွယ် ဖြစ်ပါကြောင်း၊ ထို့ကြောင့် သာယာပြည်သားတို့မှာ ၀င်ငွေမရှိ၍ ထွက်ငွေသာရှိသော်လည်း ရွှေဘုန်းတော်ကြောင့် သခင်မျိုးပီသလျက် ရှိပါကြောင်း၊ ပြည့်ရှင်မင်းက နေမျိုးအာဒိစ္စဂုဏ်ကို ချီးမြှောက်လျက်နေသော သာယာပြည်သားတို့အား အနှောင့်အယှက် မပေးသင့်ပါကြောင်း၊ အမျိုး၏ ဂုဏ်ကိုဤမျှစောင့်ရှောက်သဖြင့် ၎င်းတို့အား ချီးမွမ်းသင့်ပါကြောင်း။
     ပညာရေး အခြေအနေနှင့် စပ်လျဉ်း၍ ယခုအခါ သာယာပြည်တွင် လေ့လာလျက်နေကြသော ပညာအရပ်ရပ်များမှာ ရှေးရှေးပညာရှိများက စုံစမ်းရှာဖွေ၍ ထားပစ်ခဲ့သော ပညာအတိုင်းသာ ဖြစ်နေသောကြောင့် ရှေးနည်းအတိုင်းပင်ဟု ခေါ်ဆိုရမည် ဖြစ်ပါကြောင်း၊ ထို့ကြောင့် ၀မ်းမြောက် ၀မ်းသာစရာတစ်ရပ် ဖြစ်ပါကြောင်း။ ရက်ကို လ စား၊ လ ကို နှစ်စား လာသဖြင့် နိုင်ငံတော်၏ အခြေ ပြောင်းလဲလာပါသော်လည်း ယခုခေတ် သာယာပြည်သားတို့၏ ထင်မြင်ပုံသည် ရှေးခေတ် သာယာပြည်သားတို့၏ ထင်မြင်ပုံနှင့် အတူတူပင် ဖြစ်ပါကြောင်း။ ထို့ကြောင့် သာယာပြည်သားတို့မှာ အံ့သြဖွယ်ရာ ကောင်းပါကြောင်း။ သာယာပြည်သားတို့သည် မိမိတို့အမျိုး၏ စာပေ၌ အလွန်တရာ စိတ်အားထက်သန်စွာ လေ့လာကြသဖြင့် လက်တွေ့ မျက်တွေ့ လောကသဘာဝကို စုံစမ်း၍ သိအပ်သော ပညာရပ်များ၊ သူတစ်ပါးနိုင်ငံမှ အဆင်သင့် ရောက်ရှိလာသော ပညာရပ်များ၌ ၀ါသနာမပါ မလိုက်စားဘဲ နေကြပါကြောင်း၊ ရွှေဘုန်းတော်ကြောင့် သာယာပြည်သားတို့သည် ဤမျှပင် ကိုယ့်အမျိုးသားစာပေများ၌ ဂုဏ်ယူကြပါကြောင်း။ ဂုဏ်ယူကြရုံမျှမက လောက သဘာဝကိုမှီ၍ ဟောပြောရေးသားသူများ၊ နိုင်ငံခြား ပညာရပ်များကို ဆောင်ယူလာသူများကိုပင် သေးနုပ်သိမ်ဖျင်း မြင်ပြင်းကပ်စရာ ကောင်းသည်ဟု ပြောဆိုလေ့ရှိကြပါကြောင်း။ ရွှေဘုန်းတော်ကြောင့် သာယာပြည်သားတို့သည် ဤမျှပင် ကိုယ့်အမျိုး၏ စာပေကို စောင့်ရှောက်ကြပါကြောင်း။

(သိန်းဟန်)

Tuesday, May 15, 2012

သြ၀ါဒပါတိမောက်


     သြ၀ါဒပါတိမောက်ဆိုတာ သာသနာတော်မှာ အလွန်မှ အရေးကြီးသော၊ အကျိုးလည်းများသော၊ တရားတော်များ၏ အကျဉ်းချုပ် ဖြစ်သော တရားဖြစ်ပါတယ်။ ဒါကြောင့်လည်း ကျွန်ုတို့ရဲ့ ဂေါတမ မြတ်စွာဘုရားသာမက ပွင့်တော်မူပြီးကြကုန်သော ဘုရားရှင်တိုင်း အရေးတကြီးမှာကြားခဲ့တဲ့ တရားတော်ပါ။ ဒီလောက်ဆို ဘယ်လောက် အရေးကြီးတယ်ဆိုတာ စာဖတ်သူ ရိပ်မိလောက်ပါပြီ။

 တပို့တွဲလပြည့်နေ့တွင် ဘုရားရှင်တိုင်း တပည့်သားတို့အား သြ၀ါဒ ပေးတော်မူသည်ကို အကြောင်းပြု ၍ ထိုနေ့ကို သြ၀ါဒ ပါတိမောက်အခါတော်နေ့ အဖြစ် ကျင်းပရခြင်း ဖြစ်ပါတယ်။
တပို့တွဲ လပြည့် ရဲ့ ထူးခြားချက် တွေက တော့---- 
• အရှင်သာရိပုတ္တရာ ရဟန္တာ ဖြစ်သောနေ့ ဖြစ်ခြင်း
• အရှင်သာရိပုတ္တရာနှင့် အရှင် မဟာမောဂ္ဂလာန် ဧတဒဂ် ရသောနေ့ ဖြစ်ခြင်း
• အင်္ဂါလေးရပ်နှင့် ပြည့်စုံသော ရဟန်း ပရိသတ်တို့ အလိုအလျောက် စုဝေးမိသောနေ့ ဖြစ်ခြင်း
• ဘုရားရှင်တိုင်း သြ၀ါဒ ပါတိမောက် ပြတော်မူသောနေ့ ဖြစ်ခြင်း
ဤ ထူးခြားချက် လေးမျိုးကို တွေ့ရှိရပါသည်။
     အပါယ်ဘေးမှ ကင်းဝေးစေသော အဆုံးအမကို သြ၀ါဒဟု ခေါ်ပါသည်။ ထိုသြ၀ါဒ မိန့်ကြားတော် မူခြင်းကို သြ၀ါဒ ပါတိမောက် ပြသည်ဟု ခေါ်ဆိုရပါသည်။  
     ပါတိမောက်သည် သြ၀ါဒ ပါတိမောက်နှင့် အာဏာ ပါတိမောက် ဟူ၍ နှစ်မျိုးရှိပါသည်။ သြ၀ါဒ ပါတိမောက်ကို မြတ်စွာ ဘုရားရှင် တို့သာ ပြတော်မူပါသည်။ တပည့်သံဃာများ ပြခွင့် မရှိပါ။ တပည့် သံဃာများသည် အာဏာပါတိမောက်ကိုသာ ပြခွင့် ရှိပါသည်။ 
     သက်တော်ရှည်သော မြတ်စွာဘုရားရှင်တို့သည် သြ၀ါဒ ပါတိမောက်ကို အသက်ထက်ဆုံး ပြတော်မူကြပါသည်။ သက်တမ်း တိုသော ဘုရားရှင်တို့သည် သြ၀ါဒ ပါတိမောက်ကို ၀ါတော် ၂၀ အတွင်း မှာသာ ပြတော်မူကြပါသည်။ လောဘ ဒေါသ စသော စရိုက်များ ထူပြောချိန်တွင် သြ၀ါဒ တည်မြဲရန် ခဲယဉ်းသောကြောင့် ၀ါတော် ၂၀ ကျော်လျှင် တပည့်သံဃာတို့အား အာဏာ ပါတိမောက်ကို ပြစေရပါသည်။
ဘုရားရှင်တို့သည် သြ၀ါဒ ပါတိမောက်ကို
• တပို့တွဲ လပြည့်နေ့ ကြုံကြိုက်ခြင်း
• ဧဟိဘိက္ခု ရဟန်းချည်းသာ ဖြစ်ခြင်း
• ဆဠာဘိည ပဋိသမ္ဘိဒါ ပတ္တ ရဟန္တာချည့် ဖြစ်ခြင်း
• မည်သူမျှ မပင့်ဖိတ်ဘဲ စုဝေးမိခြင်း
ဤအင်္ဂါ လေးရပ်နှင့် ပြည့်စုံမှ ပြုမြဲ ဖြစ်ပါသည်။

     ဂေါတမ မြတ်စွာဘုရားသည် မဟာ သက္ကရာဇ် ၁၀၃ခုနှစ် တပို့တွဲလပြည့်နေ့တွင် အထက်ဖော်ပြပါ အင်္ဂါလေးရပ်နှင့် ပြည့်စုံ သော ကဿပညီနော် ရှင်တထောင်၊ အရှင်သာရိပုတ္တရာနှင့် အရှင် မဟာ မောဂ္ဂလာန်နှင့် တပည့် ၂၅၀ စုစုပေါင်း ရဟန္တာ ၁၂၅၂ ပါးတို့အား ဂါထာ သုံးပုဒ်ဖြင့် သြ၀ါဒ ပါတိမောက် ကို ပြတော်မူပါသည်။ 
      သြ၀ါဒ ပါတိမောက် ဂါထာသည် သီလ၊ သမာဓိ၊ ပညာကို ဟောကြားထား၍ ပိဋကတ် သုံးပုံ အနှစ်ချုပ် တရားဟု ခေါ်ပါ သည်။ သြ၀ါဒ ပါတိမောက် ဂါထာအတိုင်း လိုက်နာ ကျင့်ကြံပါက ကိုယ်၊ နှုတ်၊ စိတ် ယဉ်ကျေးလိမ္မာပြီး အိုနာသေ လွတ်ရာ နိဗ္ဗာန်သို့ မလွဲမုချ ရောက်နိုင်ကြပါသည်။ 

 သြ၀ါဒပါတိမောက် ဂါထာကတော့


၁။ ခန္တီ ပရမံ တပေါ တိတိက္ခာ၊ နိဗ္ဗာနံ ပရမံ ဝဒန္တိ ဗုဒ္ဓါ။
န ဟိ ပဗ္ဗဇိတော ပရူပဃာတီ၊ န သမဏော ဟောတိ ပရံ ဝိဟေဌယန္တော။

၂။ သဗ္ဗပါပဿ အကရဏံ၊ ကုသလဿုပသမ္ပဒါ။
သစိတ္တပရိယောဒပနံ၊ ဧတံ ဗုဒ္ဓါန သာသနံ။

၃။ အနုပဝါဒေါ အနုပဃာတော၊ ပါတိမောက္ခေ စ သံဝရော။
မတ္တညုတာ စ ဘတ္တသ္မိံ၊ ပန္တဉ္စ သယနာသနံ။
အဓိစိတ္တေ စ အာယောဂေါ၊ ဧတံ ဗုဒ္ဓါန သာသနံ။

-------

၁။ လွန်စွာချုပ်တည်းမှုဟူသော သည်းခံခြင်းသည် အလွန်မြတ်သော အကျင့်ပေတည်း။
     နိဗ္ဗာန်တရားကို အမြတ်ဆုံးဟူ၍ ဘုရားရှင်တို့ ဟောတော်မူကုန်၏။
     သူတပါးကို သတ်သောသူသည် စိတ်အညစ်ကြေးကို နှင်ထုတ်သူမဟုတ်။
     သူတပါးကို ညှင်းဆဲသောသူသည် မကောင်းမှုတို့ကို ငြိမ်းစေသူမဟုတ်။

၂။ မကောင်းမှုဟူသမျှကို မပြုလုပ်ရာ၊ ကောင်းမှုဟူတမျှကို ပြည့်စုံစေရာ၏။
     မိမိစိတ်ကို သန့်ရှင်းဖြူစင်စေရာ၏၊ ဤသည်ကား ဘုရားရှင်တို့၏ အဆုံးအမတော်ပေတည်း။

၃။ သူတပါးကို မစွပ်စွဲ မပြစ်မှားရာ၊ သူတပါးကို မညှင်းဆဲ မနှိပ်စက်ရာ။
     မြတ်သောသီလ၌ စောင့်စည်းလုံခြုံရာ၏၊ စားသောက်ဖွယ်၌ ပမာဏကိုသိရာ၏။
     အစွန်အဖျား ကျောင်းအိပ်ရာ၌ နေရာ၏၊ ထူးမြတ်သောစိတ်၌ လွန်စွာအားထုတ်ရာ၏။
     ဤသည်ကား ဘုရားရှင်တို့၏ အဆုံးအမတော်ပေတည်း။

 ------
(မှီငြမ်းစာများ- ဦးပညာသာမိ ၊ မင်္ဂလာညနေခင်း မှတ်စု)

Saturday, October 22, 2011

ရယ်စရာ စု - ၅

ကျိန်းသေအောင်
     ကျွန်တော်ကားမောင်းလာရင်း လမ်းမှာတပ်ထားတဲ့ Camera က ဖျတ်ကနဲ ရိုက်လိုက်တာတွေလိုက်ရတယ်။ ကျွန်တော် ကားအမြန်မောင်းလာလို့ ရိုက်လိုက်တာဖြစ်ရမယ်လို့ တွေးလိုက်တယ်။ တကယ်တော့ ကျွန်တော့ကားအရှိန်က ဒီလောက်မများဘူးလို့ထင်တယ်ဗျာ။ ဒါနဲ့ ကားကိုနောက်တစ်ပတ်ပြန်လှည့်ပြီး အရှိန်လျှော့ပြီး အဲဒီနေရာကို ပြန်ဖြတ်ကြည့်တယ် Camera က ထပ်ရိုက်တယ်ဗျာ။ ဒါနဲ့ အရှိန်ထက်လျှော့ပြီး အဲဒီနေရာကို ထပ်ဖြတ်တယ် Camera က ထပ်ရိုက်တယ်ဗျာ။ ဒီ Camera ကတော်တော်ရီစရာ ကောင်းနေပါပြီ။ ဒီနေရာကို လိပ်နှုန်းနဲ့ နောက် ၂ခါလောက်ထက်ဖြတ်တာတောင် ရိုက်နေသေးတယ်။
     နောက် ၂ ပါတ်လောက်ကြာမှာတော့ လက်မှတ် ၅စောင်ရောက်လာတယ်။ ဖောက်ကြည့်လိုက်တော့ ယာဉ်ကို ထိုင်ခုံခါးပတ် မပတ်ပဲ မောင်းမှုနဲ့တဲ့။
(RD)
----------------------------------------------------------------
အလုပ်က
     တနေ့တော့အိမ်တစ်အိမ်မှာဖုန်း Bill တွေသိပ်တက်နေတာတွေ့တယ်တဲ့။ ဒါနဲ့ အိမ်ထောက်ဦးစီး အမျိုးသားက တစ်အိမ်လုံးခေါ်ပြီးမေးပါလေရော။
အမျိုးသား။   ။ဖုန်းခတွေအရမ်းတက်နေတယ် ဘယ်သူတရားခံလဲ။ ငါဒီအိမ်းဖုန်းကို ဘယ်တော့မှမသုံးဘူး ရုံးဖုန်းကိုပဲသုံးနေတာ။
အမျိုးသ္မီး။   ။ ကျွန်မလဲ အတူတူပဲ။ အိမ်ဖုံးသုံးခဲတယ်။ ရုံးကဖုန်းနဲ့ပဲပြောတာပဲ။
သား။   ။ ဟုတ်တယ် အမေ သားလဲ အလုပ်က ဖုန်းနဲ့ပဲ ပြောတာများတာ။
အိမ်ဖော်။  ။ ဟုတ်တယ် ဘယ်လိုဖြစ်တာလဲ။ ကျွန်မတို့ အကုန်လုံး အလုပ်ကဖုန်းတွေပဲ သုံးကြတာလေ။
(RD)
------------------------------------------------------------------
 မလိမ်နဲ့
     တောမှလူးငယ်တစ်ယောက် မြို့ပေါ်တက်လာပြီး ဟော်တယ် တစ်ခုမှတည်းရန်ဝင်လိုက်ပါတော့တယ်။ အခန်းငှားတစ်ခန်းငှားပြီး အလုပ်သမားလေးကလိုက်ပို့စဉ်မှာ
လူးငယ်။   ။ ဟေ့ငါကို တောကလာတာဆိုပြီး လိမ်ဖို့ မကြိုးစားနဲ့နော်။ ငါ့အခန်းကဘယ်လိုဖြစ်ရတာလဲ ကျဉ်းကျဉ်းလေးရယ် ပြူတင်းပေါက်လဲမပါဘူး။ အိပ်ရာလည်းမပါဘူး။ ငါပိုက်ဆံတွေ အများကြီးပေးထားရတာနော်။
အလုပ်သမား။  ။ စိတ်အေးအေးထားပါ ခဗျာ ခုမှ ဓါတ်လှေကားထဲမှာပဲ ရှိပါသေးတယ်။
(RD)
------------------------------------------------------------------

ဘယ်ပျောက်သွားလဲ
FLORIDA ကမ်းခြေသို့ နိုင်ငံခြားသား ဧည့်သည် တစ်ယောက်ေ၇ာက်လာပြီး သင်္ဘောတစ်စင်း ငှားကာ ငါးဖမ်းထွက်၏။ ငါးမျှားရင်းေ၇ကူးချင်လာသဖြင့် ရေကူးရန်ပြင်သည်။ ဒါပေမယ့် သူက မိကျောင်းရှိမှာဆိုးသဖြင့် ဘေးနားက ငါးဖမ်း လှေပ်ါမှ လူတစ်ယောက်ကို လှမ်းမေးသည်။ ဒီမှာ မိကျောင်းတွေများရှိသလားဗျ။ မရှိတော့တာနှစ်အတော်ကြာပါပြီဗျာ။ နိုင်ငံခြားသားမှာ အားရဝမ်းသား ရေထဲခုန်ချလိုက်သည်။ ကောင်းလိုက်တာဗျာ အေးသွားတာပဲ ။ ဒါနဲ့ မိကျောင်းတွေက ဘယ်လိုပျောက်သွားတာလဲဗျ။ ငါးမန်းတွေရောက်လာလို့ပေါ့ဗျာ။
(Htet Htet Wai)
-----------------------------------------------------------------------
သူခိုးနှင့်ချာတိတ်
သူခိုး တစ်ယောက်သည် အိမ်ခန်းတစ်ခန်းထဲသို့ သော့တူနှင့် ဖွင့်ပြီး ဝင်လာသည်။ လေးနှစ် အရွယ်ရှိ ချာတိတ် တစ်ယောက်ကို မထင်မှတ်ဘဲ တွေ့လေသည်။
“ ဟေ့ ချာတိတ် …မင်းအဖေနဲ့ အမေ အိမ်မှာ ရှိလား ”
“ မရှိဘူး ” ချာတိတ်လေး ဖြေပြီး တစိမ်းကို ယုံကြည်သည့် မျက်လုံးများဖြင့်
ကြည့်သည်။ “ အဲဒါဆို ရေ တစ်ခွက်လောက် ယူခဲ့ ပေးပါ့လားကွာ ” ဤသို့ ပြောပြီး
သူခိုးက တွေးသည်၊ ချာတိတ်လေး ရေသွားယူနေတုန်း၊ အဝတ် ဘီဒိုကို ဖွင့်ပြီး
လိုချင်တာ ယူလိုက် မည်ဟု တွေးသည်။ သို့သော် ဘီဒို ဖွင့်ရုံသာ ရှိသေးသည်
ချာတိတ်လေး ပြန်ရောက်လာပြီး ရေခွက်ကို လှမ်းပေး လိုက်သည်။ ဘာမှ မတတ်နိုင်
ရေခွက်ထဲက ရေကို သောက်ချလိုက်ရသည်။ “ နောက်ထပ် တစ်ခွက်လောက် ခပ်ပေးပါဦးကွာ
” ဘီဒို ထဲမှ သိုးမွှေးအင်္ကျီကို ထည့်ရရုံ ရှိသေး ချာတိတ်လေး ပြန်ရောက်လာပြီး
ရေခွက်ကို ကမ်းပေးသည်။ စတုတ္ထ အကြိမ်မြောက် ရေနောက်တစ်ခွက်
ယူရန် ပြောသော အခါ ချာတိတ်လေးက ပြန်ဖြေသည်။ “ ဦးလေးကြီး ကျွန်တော်
မယူလာနိုင်တော့ဘူး….. ရေပိုက်ခေါင်းကို
ကျွန်တော် လက်နဲ့ မမှီဘူး၊ အိမ်သာထဲက ရေကလည်း ကုန်နေပြီ ခင်ဗျ ”
(FW mail) 
-------------------------------------------------------------------------

Tuesday, May 31, 2011

ဘကြီးအောင် ညာတယ်.....

“အရှေ့ကျောင်းသား သူတောင်းစား၊ လယ်ပေါ် ကျောင်းသား အကောင်းစား။ ကျောက်မီးသွေးမို့ မည်းသကို၊ တို့ကျောင်းသားမို့ ရဲသကို။

ဟေ့လာမောင်ရို့ဝါး”ဟု အားရပါးရ ဆူညံစွာ အော်ဟစ် ပြေးလွှားလာကြသော ကလေး တစ်စုသည်ကား လယ်ပေါ် ဘုန်းကြီး ကျောင်းသားကလေးများ ဖြစ်ကြ၏။ ယင်းတို့ ကျောဘက် တင်းချ လယ်တစ်ကွက်လောက် အကွာတွင် ချည်လုံချည်ကို ပြာတာကွင်း သိုင်း၍ သင်တိုင်း အင်္ကျီကို လျော့ရိလျော့ရဲ ၀တ်လျက် ခေါင်းငိုက်စိုက်နှင့် တစ်လှမ်းချင်း လာနေသော မောင်ချစ်သည် “ဧ၀ံမေသုတံ ဧကံသမယံ”ဟု တတွတ်တွတ် ရွတ်လျက်ရှိ၏။

ဆေးတစ်အိုးကျွမ်းလောက် အကြာတွင် အရှေ့သို့ လှမ်းကြည့်လိုက်ရာ ပန်းပုဆရာကြီး ဦးအောင်ချာ ကနားဖျင်းထဲ၌ ကျောင်းသား သူငယ်ချင်းများ ၀ိုင်းအုံ နေသည်ကို တွေ့ရလေသည်။ မိမိသည်လည်း အကြောင်းကို သိလိုသောကြောင့် ပြေးသွား တိုးဝင်ကြည့်ရှုလေ၏။

ဦးအောင်ချာသည် ဆင်စွယ် မင်းသမီး ရုပ်ကလေး တစ်ခုကို ထုလျက်ရှိ၏။ ထုလုပ်စ ဖြစ်၍ ရုပ်လုံးပေါ်ရုံမျှပင် ရှိသေးသော်လည်း အရုပ်ကလေးမှာ နွဲ့နောင်းဖြူဖွေး ချစ်စရာကလေး ဖြစ်ပေ၏။ အတန်ကြာသော အခါ မောင်ထွေး၊ မောင်ခွေး၊ ဖိုးစံ၊ ဖိုးလှတို့ တစ်စု ထပြန်သွားလေ၏။ မောင်ချစ်ကား မြေကြီးပေါ်တွင် ဒူးထောက်၍ ကွပ်ပျစ်ခါးပန်းတွင် မေးတင်ပြီးလျှင် အငေးသား ကြည့်လျက်ပင် ရှိသေး၏။

“ဘကြီးအောင် ဒီမင်းသမီး ရုပ်ကလေးကို ဘယ်သူ့ပေးဖို့ ထုနေတာလဲဟင်”
ဟု မျက်စိကလေး ပေကလတ်လုပ်၍ မေးလေ၏။ ဆောက်ပုတ်နှင့် ဆောက်ကလေးကို အသာချ၍ ဆောက်ပုံးထဲတွင် ဆေးလိပ်တိုကို စမ်းနေသော ဦးအောင်ချာက

“ငါ့တူ လိုချင်လို့လား၊ ငွေတစ်ကျပ် ယူခဲ့ရင် ဘကြီးပေးမယ် သိလား”
ဟု အမှတ်မဲ့ ပြောလိုက်သောအခါ မျက်မှောင်ကြုတ်ရင်း ခေါင်းကုတ်လျက်

“ငွေတစ်ကျပ် ဆိုတာ ဘယ်နှပြားလဲ ဘကြီးအောင်ရဲ့”
ဟု မေးပြန်လေ၏။ ပန်းပု ဆရာကြီးလည်း ဆေးလိပ်ကို ချ၍ လက်ဖ၀ါး နှစ်ဖက်ကို ထောင်ပြလျက်

“ဆယ်ပြား ဆယ်ပြား ခြောက်ခါ၊ နောက်ပြီးတော့ လေးပြားထည့်၊ ပေါင်းခြောက်ဆယ့်နဲ့ လေးပြား၊ အဲသလောက်ကို တစ်ကျပ်ခေါ်တယ်။ ကြားလား”
ဟု ကလေး သူငယ်များကို ချစ်ခင်သော ၀ါသနာ ရှိသည့် အတိုင်း စိတ်ရှည်လက်ရှည် ခြေဟန်လက်ဟန်နှင့် ရှင်းလင်း ပြောပြလေ၏။

“၆၄ ပြားပေးရင် ကျွန်တော် ဒီအရုပ်လေးကို တကယ်ပဲ ရမလား၊ နောက်တော့ မညာနဲ့နော် ဘကြီးအောင်”
ဟု ပြောရင်း သျှောင်ဆံမြိတ်က လေးကို ချာချာလည်အောင် ပတ်ရစ်လျက် အိမ်ရှိရာသို့ ရွှင်လန်း ၀မ်းမြောက်စွာ ခုန်ပေါက် ပြေးလွှားသွားလေ၏။

မောင်ချစ်သည် နေ့လယ်ချိန် ကျောင်းတွင် မုန့်ဝယ် စားဖို့ရန် မိခင် ပေးလိုက်သော တစ်ပြား၊ တစ်ပြားသော အသပြာကို မသုံးရက်၊ မစွဲရက်ဘဲ အင်္ကျီ သင်ပုန်းခေါင်းတွင် အပေါက် ငယ်ဖောက်၍ စုထားသည်မှာ ခြောက်ပြားမျှရလေ၏။ တစ်ထွှာမျှ ကျယ်သော မိမိဝမ်းခေါင်း သမုဒ္ဒရာ အတွက်မူကား နေ့ဆွမ်းစား ကလတက်ခေါက်တွင် ဘုန်းတော်ကြီး ဦးခေမာ ဝေသော ငှက်ပျောသီး တစ်လုံးနှင့် ကျေနပ် ဖူလုံလျက် ရှိလေ၏။

ဆင်စွယ် ရုပ်ကလေးသည် တစ်နေ့တခြား သားနားကြော့ရှင်း၍ လာ၏။ သွားကလေးများ ပေါ်လု မတတ်ရှိအောင် ပြုံးလိုက်ရန် ဟန်ပြင်နေသော အသွင်သည် အိပ်ပျော်နေသော ညအချိန်တွင်ပင်လည်း မောင်ချစ် မျက်လုံးတွင်းမှ မထွက်။ ကြည့်ရပါများလေ အရုပ်ကလေးမှာ လှလာလေ၊ လိုချင်စိတ် ပွားလာလေ ဖြစ်ရကား တစ်နေ့မှ တစ်ပြားတစ်ပြား စုရသည်ကို အလွန်ဖင့်လေ ကြန့်ကြာသည်ဟု သိလာလေ၏။ ပိုက်ဆံ ရလွန်းလို၍ ဥပုသ်နေ့များကိုပင် စာသင်ရက် ဖြစ်ပါစေတော့ဟု ဆုတောင်းမိ၏။ တစ်ပေါက်တစ်လမ်းက ဘယ်နည်းနှင့် ပိုက်ဆံ ရအောင် ကြိုးစား ရပါမည်နည်းဟု ကြံစည်ပြန်၏။

ထိုစဉ်အခါက ကမ္ဘာ စစ်ကြီးအတွင်း ဖြစ်၍ ကျောက်တံ အလွန်ရှား၏။ မောင်ချစ်သည် အစ်ကိုကြီး ကိုသစ်၏ ကျောက်သင်ပုန်း ကွဲများကို ညောင်ရေအိုးစင်မှ ယူ၍ ညဥ့်နက်သန်းခေါင် မရှောင် မှိုင်းတလူလူ ထွက်နေသော ရေနံဆီ မီးခွက်ကြီးကို ထွန်းညှိလျက် ချွန်တက်သော ဖဲထီး သံချောင်းဖြင့် ကျောက်တံ တိုက်လေ၏။ ကျောက်တံရောင်း၍ ပိုက်ဆံ ခြောက်ပြားရ၏။ ကျောင်းသားကြီး ဖိုးတေက အနိုင်ကျင့်၍ မပေးဘဲ ထားသော အကြွေးတစ်ပြား အတွက် တွေးမိတိုင်း ဆွေးမိ၏။

တစ်ဆယ့်နှစ်ပြားမျှ ရလာသော အခါ အင်္ကျီသင်ပုန်း ခေါင်းမှာ မဆံ့ပြီဖြစ်၍ နှစ်ဖက် ပိတ်ကြသောင်းဝါး တစ်ဆစ် တွင် ထိပ်က အပေါက်ဖောက်ကာ ဝေလခေါင်း၊ ဂျော့ခေါင်း၊ နတ်ဖိုးချွန် စသော တံဆိပ် အမျိုးမျိုး ခတ်နှိပ်သည့် ကြေးပြား တစ်ဆယ့်နှစ်ပြား တိတိကို သွင်းလှောင် သိုမှီးထားလေ၏။ နှစ်ဆန်း တစ်ရက်နေ့တွင် ဒွေးလေးညို ချစ်စနိုး၍ ပေးသော သူငယ်ဖော် မောင်ထွေးက အလိုက်နှစ်ပြား ပေး၍ ပိုက်ဆံချင်း လဲစဉ် မလဲရက်ဘဲ တွယ်တာခဲ့သည့် ထုံးအမှတ်နှင့် ဒေါင်းပိုက်ဆံ ကလေးကိုလည်း ဖျာအောက်မှ ထုတ်ယူ၍ ကြေးပြား အဖော်များ ရှိရာ ကြေးတိုက်တွင်းသို့ သွတ်သွင်းလိုက်လေ၏။ ကြေးပြား အရေအတွက်ကိုလည်း ၀ါးကြောတွင် စူးဖြင့်ခြစ်၍ မှတ်ထားလေ၏။

“ပဲဟင်းချက်တဲ့နေ့က တစ်ပြား၊ ဘကြီးထူး ကျွဲပျောက်တဲ့ နေ့က တစ်ပြား”

စသည်ဖြင့် လက်ချောင်း ကလေးများကို ချိုးကာ ချိုးကာ ပိုက်ဆံစာရင်း တွက်ရ၊ စစ်ရသည်မှာ နေ့စဉ်နှင့် အမျှဖြစ်၏။ ရေတံလျှောက်ထဲမှာ ထားရကောင်းနိုးနိုး၊ သင်္ဘောကြမ်းပေါ်တွင် ၀ှက်ထားရလျှင် လုံနိုးနိုးနှင့် ပိုက်ဆံဘူး နေရာကြပ် ပြောင်းရသည်မှာလည်း အမောပင် ဖြစ်၏။ အရုပ်ကလေးကို ရလျှင် ထည့်ထားဖို့ရန် ထန်းရွက်ဖာ ချောကလေးကို အမျိုးမျိုး ပြုပြင်ဆင်ယင် မွမ်းမံရသည်မှာလည်း မအားပင် ဖြစ်လေ၏။

ဈေးသည် ဒေါ်ခါဥ၏ တောင်းနီးထဲ၌ အငွေ့ထောင်းထောင်းနှင့် ကောက်ဦး ငချိပ်ပေါင်းကို မြင်ရသော အခါ သွား ရည်ယိုမိ၏။ သို့ပါသော်လည်း ၀ယ်မှရသော သရေစာတို့ကို သပိတ် မှောက်လေ၏။ သူငယ်ဖော်တို့ ဖန်ဒိုးဝယ်၍ ဂေါ်လီ ရိုက်သောအခါ ကလေးတို့ ဘ၀ အများနည်းတူ ကစားလိုပါ သော်လည်း မိမိတွင် ရှိရင်းစွဲ စည်ပတ်သံခွေ အဟောင်းကြီးကို ကျောင်းဝိုင်း ပတ်လည်တွင် လှည့်ပတ်ရိုက်လျက် တစ်ယောက် ထီးတည်း ကျေနပ်တင်းတိမ် ရလေတော့၏။ သို့ဖြင့် တစ်ပြား တိုးလျှင် တစ်မျိုး ၀မ်းသာလျက် စုဆောင်း လာခဲ့ရာ ပိုက်ဆံ သုံးဆယ့်လေးပြား ပိုက်မိသော နေ့သို့ ရောက်လာလေသတည်း။

ညနေ လေးနာရီ ကျောင်းလွှတ် ခေါင်းလောင်းသံသည် မောင်ချစ်၏ နှလုံးသွေးကို နှိုးဆွ လိုက်လေ၏။ ဘုရားရှိခိုး ဆုံးခါနီး “အာမ”ဟု ဆိုမိလျှင်ပင် “ဘန္တေ”ကို မစောင့်နိုင်ဘဲ ထ၍ ပြေးလေရာ အစောင့် ကိုရင်ကြီး တစ်ပါးက အရင်လိုရ ကောင်းလားဟူ၍ ထိပ်ကို ဂေါင်ဂေါင်မြည်အောင် ခေါက်လိုက်၏။ အမှု မထားမိ။ လမ်းတွင် ခလုတ်တိုက်၍ ခြေမ ကွဲသွားသော်လည်း နာရမှန်း မသိ။ ဦးအောင်ချာ့ ကနားဖျင်းနား ရောက်သောအခါ အတင်း တိုးဝင်သွားလေ၏။ ဖော့ဦးထုပ်ကို ဆောင်း၊ ဘောင်းဘီ အပြာကို ၀တ်လျက် ကွပ်ပျစ်ထက်တွင် အခံ့သား ထိုင်ရင်း မင်းသမီး ရုပ်ကလေးကို ဘယ်ပြန် ညာပြန် ပယ်ပယ်နယ်နယ် ကိုင်တွယ် ကြည့်ရှုနေသော လူကြီးတစ် ယောက်ကို မြင်မှသာ ကိုယ်အရှိန် သတ်၍ ပြောနေကြသော စကားကို ကြားမိလေတော့၏။

“ဘယ့်နှယ်လဲ ဆရာကြီးရဲ့၊ ကျုပ်ပြောတဲ့ အဖိုးနဲ့ပဲ ပေးလိုက်မယ် မဟုတ်လား။ ခင်ဗျားတို့ အရပ်မှာ ဒီအရုပ်ကလေးနဲ့ တန်တဲ့ အိမ်တစ်အိမ်မှ မရှိပါဘူး။ ၀ယ်နိုင်မယ့် လူလည်းရှိမှာ မဟုတ်ပါဘူး”

“မှန်ပါ။ ၀န်ထောက်မင်းဖို့ ဆိုရင်တော့ အလကား တောင်းလည်း ပေးရမှာပါပဲ။ နို့ပေမယ့် အချောသပ် အမွှမ်းတင်ဖို့ လေး၊ ငါးရက်လောက် ဆိုင်းစေချင်ပါတယ်။ ပြီးရင် ပြီးချင်း ၀န်ထောက်မင်းတို့ဆီကို လာပြီး ပို့ပါမယ်”

ထိုမျှကို ကြားရလျှင်ပင် မောင်ချစ်၏ အသည်းနှလုံး အူသိမ်၊ အူမတို့သည် ကြွေကျမတတ် ဖြစ်လေ၏။ အရုပ် ကလေးကို အတင်းလု၍ ပြေးလိုသော စိတ်ပေါ်လာသော်လည်း ၀န်ထောက်မင်းဟု ကြားရရုံမျှနှင့်ပင် ရင်ဒူး တုန်နေရသော မောင်ချစ်မှာ အဘယ်သို့ ၀ံ့ရဲပါအံ့နည်း။ ခါးကြားက ခြောက်လုံးပြူး သေနတ်သည်လည်း မောင်ချစ်၏ အကြံကို သိသည့် အလား မောင်ချစ်ဆီသို့ စိမ်းစိမ်းလှည့်၍ ခြောက်လှန့်မောင်းနှင် လေ၏။
ဝဲလာသော မျက်ရည်ကို အနိုင်နိုင် ထိန်း၍ မိမိဘက် သို့ ကျောခိုင်းနေသော ဆင်စွယ်ဒေ၀ီ ကလေးအား နောက်ဆုံး ကြည့် ကြည့်လျက် ထွက်လာလေ၏။ လမ်းကြားငယ် တစ်ခု အတွင်းမှ“ဟိုကောင်ကလေး ညိုတိုတို၊ တို့ကိုကြိုက်လို့ ငို၊ နင် ငိုပေမယ့် အလကား တို့အမေက မပေးစား”
ဟု ထွက်ပေါ်လာသော တေးသံသည် တေးဆိုသူအား နှလုံးပွားဖွယ်ပင် ဖြစ်သော်လည်း မောင်ချစ်၏ နှလုံးသားကို ကား ဓားပါးနှင့် မွှန်းလိုက်လေတော့သတည်း။

တစ်ဆယ့်ငါးရက်မျှ ကြာသောအခါ ခေါင်းထက်တွင် တဘက်ကိုယ်စီ တင်ထားသော မိန်းမကြီး တစ်စုနှင့် ယောက်ျားကြီး တစ်ယောက်တို့ မောင်ချစ်တို့၏ ခြောက်သွေ့သော ခြံကလေး အတွင်းသို့ ၀င်သွားသည်ကို မြင်ရပါသည်။ အိမ်ရှေ့ ခွေးကတက်ကို တက်မိလျှင်ပင် တိုင်ဖုံးနား၌ မျက်ရည်စက် လက် ဦးဆံဖားလျားနှင့် ထိုင်နေသော မိန်းမ တစ်ဦးသည် ယောက်ျားကြီး၏ ခြေစုံကို ပြေးဖက်လျက်
“အမယ်လေး ကိုရင်အောင်ရဲ့၊ မောင်ချစ် ဖြစ်ပျက်ပုံတွေ မြင်ဝံ့သေးရဲ့လားရှင့်၊ မောင်ချစ်ရေ အမေ့သားကြီးရဲ့၊ အမေ လိုက်ခဲ့မယ်ကွယ့်နော် ဟီးဟီး”

ဟု ဟစ်အော်ပြောဆို ငိုကြွေး မြည်းတမ်းလေ၏။ ဦးအောင်ချာလည်း မောင်ချစ် အလောင်းနားတွင် မလှုပ်မယှက် ထိုင်နေသော မောင်ချစ်ဖခင်အား
“ဘယ့်နှယ် ဖြစ်ရတာလဲ မောင်ဖိုးငွေရဲ့၊ ကိုရင်လည်း မြို့တက်သွားတာ ဆယ့်လေးငါးရက် ကြာသွားလို့ ဘာသတင်းမှ မကြားမိဘူး။ အခု ပြန်ရောက်ရောက်ချင်းပဲ အိမ်မှာ ထိုင်တောင် မထိုင်ခဲ့ဘဲ ပြေးလာခဲ့တာပဲကွယ့်”ဟု ပြောလေ၏။

“ကိုယ်ရင်ရယ်၊ ဘာရောဂါရယ်လို့လည်း မပြောတတ်ပါဘူး။ တမှိုင်မှိုင်၊ တတွေတွေနဲ့ ထမင်းမစား ဟင်းမစား၊ တစ်ခါတလေ သူ့အမေ ကျွေးလို့ ဆန်ပြုတ်ကလေး တစ်ဇွန်းလောက် ၀င်သွားပေမယ့် ချက်ချင်း အန်ပစ်လိုက်တာပဲ။ ပယောဂဆိုလို့ ဆရာသြ ခေါ်ပြပါလည်း ဘာမှ မထူးခြားပါဘူး။ ကလေးကို ညှဉ်းဆဲသလိုသာ ဖြစ်နေတာပဲ။ မေးလို့ လည်း မပြောဘူး။ မနေ့ညကတော့ သူ့အမေကို ခေါ်ပြီး သူစုထားတဲ့ ပိုက်ဆံ ငါးမူး နှစ်ပြားကို သူ့ဆရာတော်ကို လှူလိုက်ပါလို့ မှာပြီးတော့ ကိုရင်အောင်ကို မေးတာပဲ။ မြို့သွားတယ်လို့ ပြောတော့ အတန်ကြာကြာ ဘာမျှ မပြောဘဲ မောနေပြီး ဘကြီးအောင် ညာတယ်လို့ မပီတပီ ပြောရင်း အသက် ပျောက်သွားတာပဲ”ဟုပြော၍ လုံချည်စဖြင့် မျက်ရည် သုတ်လေ၏။ ဦးအောင်ချာလည်း စဉ်းစား၍ အကြောင်းရင်းကို ရိပ်မိသော အခါ မျက်နှာ ညှိုးငယ်၍ သွားလေတော့သတည်း။

ယခုအခါတွင်ကား ရွာကလေး၏ အနောက်ဘက် နွားစားကျက် အနီး ထိန်ပင်ကြီး တောင်ယွန်းရှိ သင်္ချိုင်းကုန်းထက်တွင် ထီးတည်းသော အုတ်ဂူကလေး တစ်ခုကို တွေ့နိုင်ပါသည်။ အချစ်ဂူ ဟူ၍လည်းကောင်း၊ မောင်ချစ်ဂူ ဟူ၍လည်းကောင်း အမည် နှစ်မျိုးဖြင့် ခေါ်ကြရာ မည်သည်ကို အမှန်ဟူ၍ မပြောနိုင်ပါ။ ဂူကလေး၏ အရှေ့မျက်နှာ လိုဏ်ပေါက် ကလေးထဲတွင် ကျွဲကျောင်းသား၊ နွားကျောင်းသားတို့၏ လက်ချက်ကြောင့် ကျိုးပဲ့ ပျက်စီးနေသော အရုပ်ကလေး တစ်စုံကို တွေ့နိုင်ပါသေးသည်။ လိုဏ်ဝ အင်္ဂတေတွင် သွင်းနှံထားသော ကျောက်ပြားငယ် ထက်တွင်ကား “လို၍ မရသော ဆင်းရဲ” ဟု စာတန်း ထိုးထားပါသည်။ ကျွန်တော်၏ ဘိုးအေအား မေးမြန်း ကြည့်ရာ သုံးနှစ်လောက်က ပျံတော်မူသွားသော တောထွက်ကြီး ဦးဣန္ဒ၏ လက်ရာ ဖြစ်သည်ဟု သာမန်မျှသာ သိရပါ သတည်း။

မင်းသုဝဏ်
(၁၉၃၂ ခုနှစ်)

ဆရာမင်းသုဝဏ် အလွမ်းပြေ ဖော်ပြလိုက်ပါသည်။

Wednesday, May 25, 2011

ဆရာအောင်သင်းနှင့် တွေ့ဆုံခြင်း


 ပထမဆုံး မေးချင်တာက ဆရာတို့ ဖြတ်သန်းခဲ့တဲ့ ရန်ကုန်တက္ကသိုလ် အခြေအနေနဲ့ ပညာရေးဌာနတွေ အကြောင်း ပြောပြပေးပါ။

“ပညာရေးဌာနမှာ အရင်တုန်းက Senate ရှိတယ်၊ Council ရှိတယ်။ Senate နဲ့ Council က ဆုံးဖြတ်တာ။ သမ္မတတို့ ဝန်ကြီးချုပ်တို့က
 နိုင်ငံရေးနဲ့ အုပ်ချုပ်ရေးဘက်က။ ဘာမှ တက္ကသိုလ်ကို ပြောခွင့်မရှိဘူး။ သူက ထောက်ပံ့ပေးရတာပဲ ရှိတယ်။ တက္ကသိုလ်က သူ့ရန်ပုံငွေနဲ့သူ သူ့အုပ်ချုပ်ရေးနဲ့သူ။ ကျနော်တို့ ရန်ကုန်တက္ကသိုလ်ထဲမှာ ကိုယ်ပိုင်ဆေးရုံ ရှိခဲ့တယ်၊ ကိုယ်ပိုင် မြူနီစီပယ်လိုဟာမျိုး ရှိတယ်၊ အလုပ်သမား တန်းလျားတွေ ရှိခဲ့တယ်။ ကျနော်တို့ကို Senate က ပြဋ္ဌာန်းတယ်၊ Council က အုပ်ချုပ်တယ်။ ဒီလိုသွားခဲ့တာ အစိုးရက ဘာမှ ပြောပိုင်ခွင့် မရှိဘူး။ အင်္ဂလိပ် အုပ်ချုပ်တဲ့ လက်ထက်မှာတောင် ဘုရင်ခံက ဘာမှ ပြောပိုင်ခွင့် မရှိဘူး။ ခင်ဗျားပြန်စဉ်စားရင် သိလိမ့်မယ်။ ၁၉၂ဝ သပိတ်မှောက်မှု ပေါ်ပေါက်ခဲ့တော့ ဘုရင်ခံက
 ကန့်ကွက်ခဲ့တာပဲ။ ဒါပေမဲ့ ရမယ့်မရဘဲနဲ့”

၁၉၆၂ မတိုင်ခင်က အရှေ့တောင်အာရှမှာ ရန်ကုန်တက္ကသိုလ်ဟာ အကောင်းဆုံးလို့ ဖတ်မှတ်ဖူးပါတယ်။ အခုကျတော့ ပြောင်းပြန်ဖြစ်နေတဲ့ အနေအထားလို့ ပြောကြပါတယ်။ ဘာ့ကြောင့်ပါလဲ။

“ပညာရေးစနစ်က ပျက်သွားတာက နိုင်ငံရေးစနစ်ကြောင့် ပျက်သွားတာ။ ဘာ့ကြောင့်လဲဆိုတော့ အဲဒီ ပညာရေးရဲ့ အပေါ်ကို အစိုးရက လွှမ်းမိုးသွားတယ်။ အမှန်က အစိုးရသည် သူ့ပေါ်လစီနဲ့ သူသွား။ အဲဒီ ပေါ်လစီနဲ့ကိုက်အောင် ပညာရေးကလုပ်။ အထက်တန်းထိအောင်ကတော့ ပညာရေးဝန်ကြီးဌာနအောက် ထားလိုက်တော့။ တက္ကသိုလ်ရဲ့ အထက်ဘက်မှာ အရင်တုန်းက ဝန်ကြီးချုပ်ကတောင် မလွှမ်းမိုးနိုင်ဘူး၊ သမ္မတ ကတောင် မပြောနိုင်ဘူး”

အခုခေတ် လူငယ်တွေ လွတ်လပ်စွာ ပညာသင်ကြားခွင့် မရှိဘူးလို့ ညည်းကြပါတယ်။ ဒီကျောင်းသားတွေကို ဆရာ ဘာပြောချင်ပါလဲ။

“အဲဒါတော့ ကျနော်ပြောချင်တာက လွတ်လပ်ခွင့်ဟာ ပေးသင့်တဲ့နေရာတွေမှာ ပေးကိုပေးသင့်တယ်။ လွတ်လပ်စွာ ဖွံ့ဖြိုးခွင့်ပေးတာဟာ သူတို့ကို လွတ်လပ်စွာ အော်ဟစ်ကြွေးကြော်ခွင့်၊ သူပုန်ထခွင့် ပေးတာမဟုတ်ဘူး။ အဲဒီဥစ္စာကို ပညာရှင်တွေက နားကိုလည်ရမယ်၊ ကျောင်းသားတွေ ကိုယ်တိုင်ကလည်း နားလည်ရမယ်။ ငါတို့ လွတ်လပ်နေခြင်းသည် အစိုးရကို ပုန်ကန်ဖို့ မဟုတ်ဘူး၊ အစိုးရကို ဖီဆန်ဖို့ မဟုတ်ဘူး၊ ငါတို့ပညာရေးကို လွတ်လပ်စွာ တောင်းဆိုခွင့်သာလျှင် ဖြစ်တယ်”

လူငယ်တွေ ပညာတပိုင်းတစနဲ့ နိုင်ငံခြားထွက်ပြီး အလုပ်လုပ်ကြတယ်။ ဒါဟာ ပြည်တွင်းမှာ ပညာရေး အခြေအနေ နိမ့်ကျနေတာကြောင့်လား။

“ပညာရေး နိမ့်ကျမှုကြောင့် မဟုတ်ဘူးဗျ။ ကျနော်ပြောမယ် ကိုယ့်တိုင်းကိုယ့်ပြည်ထဲမှာ အခွင့်အလမ်း ရှားပါးတာ ရှိတယ်။ အဲဒါကျတော့ ကျနော် မပြောတတ်တော့ဘူး။ အဲဒါကျတော့ နိုင်ငံရေးနဲ့လည်း ဆိုင်တယ်၊ စီးပွားရေးနဲ့လည်း ဆိုင်တယ်။ နိုင်ငံရေးနဲ့ စီးပွားရေးဟာ သိပ်ကွာတာ မဟုတ်ဘူး။ တိုင်းပြည်တပြည်မှာ နိုင်ငံရေးကို ကြည့်ပြီးတော့ စီးပွားရေးကို လုပ်ရတာ။ အဲဒီနှစ်ခုလုံး မကောင်းလို့သော်လည်းကောင်း၊ ကောင်းလို့သော်လည်းကောင်း တခုခု ညံ့လို့ ဒီလိုဖြစ်နေတာပေါ့ဗျာ၊ ဒါပဲရှိတာပေါ့ဗျာ”

အစိုးရဲ့ ပညာရေး အသုံးစရိတ်ပေါ်မှာလည်း သိပ်နည်းလွန်းတယ်ဆိုပြီး ဝေဖန်ကြပါတယ်။ ဆရာကော ဘယ်လိုထင်ပါသလဲ။

“ကျနော် တခုပဲပြောမယ်။ မိသားစုတစုမှာ ကျန်းမာရေးစရိတ်က ပထမဆုံး၊ ဒုတိယက ပညာရေး၊ ကိုယ့်သားသမီး ကျန်းမာရေးနဲ့ ပညာရေးထက် အရေးကြီးတာ မိဘတွေမှာ မရှိဘူး။ အဲဒီတော့ မိသားစုမှာရှိတဲ့ မိဘနှစ်ပါးက သားသမီးရဲ့ ပညာရေးနဲ့ ကျန်းမာရေးအတွကို တကယ့်ကို ရက်ရက်ရောရော၊ ကိုယ်ထမင်းတလုတ် လျှော့စားပြီးတော့ သို့မဟုတ်ရင် ကိုယ်လုံချည် တထည်လျှော့ဝတ်ပြီးတော့ ထောက်ပံ့ရင် အဲဒီမိသားစု ကြီးပွားတာပဲ။ တိုင်းပြည်တပြည်မှာလည်း အဲဒီလိုပဲ ကျန်းမာရေးနဲ့ ပညာရေးကို ရန်ပုံငွေ ဘယ်လောက်ထားသလဲ၊ ဘတ်ဂျက် ဘယ်လောက်ပေးသလဲ၊ ဒီအပေါ်မှာ မူတည်တာပဲ။ သူတို့ (အစိုးရ) ဘယ်လောက်ပေးသလဲ ကျနော်မသိဘူး”

ပညာရေးအခြေအနေ နိမ့်ကျမှုနဲ့ တခြား ဆိုးတဲ့အခြေအနေတွေဟာ အစိုးရစီမံခန့်ခွဲမှု ညံ့တာကြောင့်လို့
 ဝေဖန်ကြတဲ့ အပေါ်မှာကော။


“ကောင်းပြီ။ ကျနော် လူငယ်တွေကို မင်း .. ငါနဲ့ ပြောလေ့ရှိတယ်။ မင်းဒီစနစ်ကြီးကို မကြိုက်ဘူး။ ဒီပညာရေးစနစ်ကြောင့်၊ ဒီအစိုးရကြောင့် မင်း မကျေနပ်ဘူးလို့ ပြောတယ်။ အဲဒီတော့ မင်း ပြောင်းနိုင်လား၊ မပြောင်းနိုင်ဘူး။ မပြောင်းနိုင်ရင် မင်းကိုယ်မင်း တနည်းနည်းနဲ့ တိုးတက်အောင်လုပ်ပေါ့။ အဖျင်းဆုံး စာဖတ်နေရမယ်၊ ဆည်းပူးနေရမယ်။ တဖက်သားမှာ ရရှိနိုင်တဲ့ ပညာရပ်ကို မေးမြန်းဆည်းပူးရမယ်။ အဲဒီတော့ မင်းဘဝမင်း ဟိုအငြိုးထား ဒီအငြိုးထား၊ ဟိုအပြစ်တင် ဒီအပြစ်တင်နဲ့ဆိုတော့ မင်းဘာသာမင်း နောက်ဆုံးပိတ် အောက်တန်းကျရုံပဲ ရှိမယ်”

သင်ကြားရေစနစ်တွေမှာ ကလေးဗဟိုပြုသင်ကြားရေးစနစ်၊ ဆရာဗဟိုပြု သင်ကြားရေစနစ် ဆိုပြီးတော့
 ပြောကြဆိုကြပါတယ်။ ဆရာကကော ဘယ်သင်ကြားရေးစနစ်ကို အလေးပေးလဲ။

“တကယ့်ပညာရေးမှာ အကောင်းဆုံးက တခုတည်း ကျနော်ပြောမယ်။ ဘုရားက သူက သင်ပေးတာ မဟုတ်ဘူး။ သူက မေးသွားတာ။ ဘုရားရဲ့ သင်ကြားရေးစနစ်ကိုလည်း ခင်ဗျား .. သေချာကြည့်ပါ။ သူက မေးသွားတာချည်းပဲ။ သူကနေပြီးတော့ ဒါကို ကျက်၊ ဒါကိုမှတ်လို့ ပြောတာမဟုတ်ဘူး။ ဤအရာကို သင်မည်သို့ ယူဆသနည်း၊ ဒါကို သွားတာ ဆိုခရေးတီးရဲ့ သင်ကြားနည်းကလည်း ဒီအတိုင်းပဲ။ နောက်ပြီးတော့ ပညာရေး သီဝရီတွေထဲမှာလည်း ကလေးတွေကို ဒီဟာမှတ်၊ ဒီဟာမှတ်လို့ ပြောတာ မဟုတ်ဘူး။ သူ့စဉ်းစားဉာဏ်ကို နှိုးပေးရတာ။ သူ့ဘာသာသူ စဉ်းစားတတ်အောင် လုပ်ပေးရတာ။ ကလေးကို စဉ်းစားတတ်အောင် လုပ်ပေးတတ်လေလေ၊ ကလေးစဉ်းစားလေလေ အဲဒီဆရာ အောင်မြင်လေလေပဲ။ ကျနော်တော့ အဲဒီလို သဘောပေါက်တယ်”

သင်ကြားမှု သင်ယူမှု အထောက်အကူ ပစ္စည်းတွေကကော။

“အဲဒီ ပစ္စည်းကိရိယာပေါ့ဗျာ။ မူလတန်းလိုဟာမျိုးမှာတော့ သိပ်အရေးမကြီးပေမယ့် အထက်တန်းလို ဟာမျိုးကျတော့ ဥပမာ ကျနော်တို့ သိလောက်တော့ ဘာမှမရှိဘူး။ ပန်းချီကားချပ်တောင် ကောင်းကောင်းမရှိဘူး။ ရုပ်ပုံကားချပ်တောင် ကောင်းကောင်းမရှိဘူး။ ဒါ ကျနော် သိသလောက်ပြောတာ။ ကျောင်းကြီးတွေတော့ ရှိချင်ရှိမှာပေါ့။ နယ်တွေမှာတော့ ဘာမှမရှိဘူး”

ပညာရေးဌာနတွေ ကျောင်းတွေမှာ လာဘ်စားမှုတွေကို ရန်ကုန်အစိုးရက တလောက ထုတ်ဖော်တယ်လို့ ကြားပါတယ် အဲဒီအပေါ်မှာကော။

“ဒါက သက်ဆိုင်ရာ ဆရာ/ဆရာမတွေရဲ့ ပညာရေးမှာ လာဘ်စားမှုခေါ်တာပေါ့။ အတန်းတင်ပေးတာ အဆင့် ၁/၂/၃ ပေးတာ၊ ကျောင်းဝင်ခွင့်တောင်းတာ၊ အဲဒါမျိုးတွေ အများကြီးပေါ့။ အဲဒါတွေက ပျက်စီးနေတာ တော်တော်ကြာပြီ။ အခုလို လုပ်လိုက်တယ်ဆိုတာ ကျနော်တော့ တကယ်ဝမ်းသာတယ်။ အဲဒီတော့ ဌာနတွေရဲ့ လာဘ်စားမှုတွေထဲမှာ ပညာရေးနဲ့ ကျန်းမာရေး လာဘ်စားမှုလောက်ဆိုးတာ တခုမှ မရှိဘူးလို့ ကျနော်က ပြောချင်တယ်။ ဘာကြောင့်လဲဆိုတော့ တိုင်းပြည်တပြည်ရဲ့ အခြေခံအုတ်မြစ်က ကျန်းမာရေးနဲ့ ပညာရေးပဲ”

ဆရာ ပညာရေးမှာ တာဝန်ယူခဲ့တုန်းကကော ဒီအခြေအနေတွေ ရှိခဲ့လား။

“အရင်တုန်းကတော့ ၇ တန်းဆိုပါတော့။ ကိုယ့်ကျောင်း ကိုယ်မစစ်ရဘူး၊ ကျောင်းချင်း လဲစစ်ရတယ်။ ခရိုင်ချင်း လဲစစ်ရတယ်။ ကျနော်ဆို အလယ်တန်းပြလုပ်တုန်းက ရေနံချောင်းက အဖြေလွှာကို ကျနော်စစ်ရတာ။ အခုဟာက ကိုယ့်ကျောင်း ကိုယ်စစ်ဆိုတော့ လုပ်ချင်တာ လုပ်လိုက်ကြတာပေါ့ဗျာ။ ဆိုတော့ ကျနော်က ရေနံချောင်းကဆိုတော့ အဖြေလွှာတွေက ဘယ်သူမှန်း ဘယ်ဝါမှန်းကို မသိဘူး။ ကျနော်က တောင်တွင်းကြီးက။ အဲဒီတော့ ဆရာ၊ ဆရာမ လာဘ်စားတာတွေက ဖော်လို့ကို မရဘူး။ ကျနော်က အရှိကိုအရှိအတိုင်း စစ်ပေးလိုက်တာပဲ။ နောက်တော့ သက်ဆိုင်ရာ ပညာရေးအရာရှိကနေ moderate လုပ်တာပေါ့။ ဘယ်လောက်ဆို အောင်ပေးသင့်တယ်၊ ဘယ်လောက်ဆိုကျတယ်ပေါ့။ သူတို့ဘာသာသူတို့ လုပ်ကြတယ်။ အခုဟာက အဲဒီလိုမဟုတ်ဘူး။ ကိုယ့်ကျောင်း ကိုယ်စစ်ဆိုတော့ လုပ်ချင်တိုင်း လုပ်နေကြတာကိုးဗျ”

တိုင်းဒေသကြီး အစိုးရတွေအပေါ်မှာ ပညာရေး၊ ကျန်းမာရေး တိုးတက်လာဖို့ ဘယ်လောက်ထိ
 မျှော်မှန်းလို့ရနိုင်လဲ။


“အခုတော့ဖြင့် ကျနော်မှန်းတာ သက်ဆိုင်ရာ နယ်ပယ်တွေမှာ အရင်ကနဲ့ မတူတော့ဘူး တိုင်းဒေသကြီးတွေမှာ သူ့ဘာသူ ဝန်ကြီးချုပ်တွေရှိတယ်။ အဲဒီဝန်ကြီးချုပ်တွေက အဲဒီ ပညာရေး၊ ကျန်းမာရေးမှာ အစွမ်းကုန် ကြိုးစားလာကြလိမ့်မယ်လို့ ကျနော်မျှော်လင့်တယ်။ တိုင်းပြည်တပြည်ရဲ့ အခြေခံမှာ အရေးကြီးဆုံးအချက်က ကျန်းမာရေးနဲ့ ပညာရေး။ အခု ပညာရေးကို စလုပ်နေပြီ။ ကျန်းမာရေးကိုလည်း တော်တော်များများ လုပ်လိမ့်မယ်လို့ ကျနော် မျှော်လင့်ထားတယ်”

ပြည်ထောင်စု အစိုးရအပေါ်မှာကော။

“ကျနော့် စိတ်ထဲမှာ ကျနော် အမှန်အတိုင်းပြောတာ အခု အစိုးရ လုပ်တဲ့ဟာတွေကို အများကြီး ကျနော် မျှော်လင့်ချက် ထားတယ်။ ကျနော် သိပ်ကိုမျှော်လင့်တယ်။ ဘာကြောင့်လဲဆိုတော့ အလုပ်ရုံဆွေးနွေးပွဲတွေ လုပ်တယ်။ ဒေသဖွံ့ဖြိုးရေးတွေ၊ ကျေးလက်ဖွံ့ဖြိုးရေးတွေ၊ ဆင်းရဲသူ ပပျောက်ရေးတွေ အခု တော်တော့်ကို ကျယ်ကျယ်လောင်လောင် ဆွေးနွေးကြတယ်။ အရင်တုန်းက အဲဒါမျိုး သိပ်မကြားခဲ့ဖူးဘူး။ အခု နေပြည်တော် ဆိုပါတော့ဗျာ၊ ဌာနချုပ်ကနေစပြီး စိတ်ဝင်စားတော့၊ နယ်တွေမှာရှိတဲ့ ဒေသကြီးဝန်ကြီးချုပ်တွေကအစ သူတို့တွေက အကုန်လုံး လှုပ်ရှားတက်ကြွ ပါဝင်လာကြလိမ့်မယ်လို့ ထင်တယ်။ နောက်ပြီးတော့ သူတို့ချင်းလည်း အပြိုင်အဆိုင် လုပ်လိမ့်မယ်လို့ ထင်တယ်။ ဒီလိုမှ အစွမ်းအစ မပြုဘူးဆိုရင် ပြုတ်ပေါ့ဗျာ .. ဒါပဲ။ တတ်နိုင်တယ် ကျုပ်မပြောတတ်ဘူး”

ပညာ ပညာလို့ ပြောနေကြတာ ဒီပညာ ဆိုတဲ့ စကားလုံးကို ဆရာဘယ်လို အဓိပ္ပာယ်ဖွင့်လဲ။

“ပညာဆိုတာ ခင်ဗျားပြောသလို ကျုပ်လည်းပဲ မမေးရင် သိတယ်၊ မေးရင် မသိတော့ဘူးဆိုတာ ကျနော်လည်း ကျန်ခဲ့တဲ့ လေးငါး ဆယ်နှစ်လောက်ကမှ သဘောပေါက်တယ်။ သိင်္ဂသူ့သမီးကျောက်စာမှာ ဆုတောင်းလေး တခုပါတယ်။ ရေးထားတာ ဘာလဲဆိုတော့ .. ငါလည်းတဲ့ ပညာမရှိသော မိုက်သော မဖြစ်ဟူ၍တဲ့။ ပညာရှိသော အကြောင်းကို သိသောသူ ဖြစ်ရလို၏ဆိုတာ ပညာရှိတယ်ဆိုတာ အကြောင်းကို သိတာပဲ”

“အကြောင်းအကျိုးမသိတဲ့ သူဟာ လူ့ဘဝမှာ မအောင်မြင်နိုင်ဘူး။ တိုင်းပြည်တခုရဲ့ ခေါင်းဆောင်ဟာ ပညာမတတ်ရင် အဲဒီတိုင်းပြည် ဒုက္ခရောက်တယ်။ ဆွေမျိုးတမျိုးထဲမှာ ခေါင်းဆောင်လုပ်နေတဲ့ ဖခင်ဖြစ်စေ၊ ဘကြီးဖြစ်စေ၊ အဖိုးဖြစ်စေ ဦးဆောင်နေတဲ့သူက အကြောင်းအကျိုးကို ဆင်ခြင်နိုင်စွမ်းမရှိရင် တမျိုးလုံးပြုတ်ပဲ .. ဒါပဲ။ အောက်တန်းကျသွားတာပဲ .. ဒါပဲ။ အဲဒီအထဲကမှ အကြောင်းအကျိုး ဆင်ခြင်နိုင်တဲ့သူက ခေါင်းဆောင်ဖြစ်မယ်။ ကမ္ဘာ့နိုင်ငံတွေ ဖွံ့ဖြိုးတယ်ဆိုတာ ခေါင်းဆောင်က အကြောင်းအကျိုးသိလို့ပေါ့”

အချိန်ဆိုတဲ့ စကားလုံးနဲ့ ပတ်သက်ပြီး လူငယ်တွေကို ဆုံးမစကား ပြောပေးပါဦး။

“ကျနော် စာတွေထဲလည်း ထည့်ရေးတယ်၊ ဟောပြောပွဲတွေမှာလဲ ပြောတယ်။ အရင်ကတော့ ဒီလောက်မပြောဘူး။ ဘဝဆိုတာဘာလဲ၊ မွေးတာနဲ့ သေတာရဲ့ ကြားကာလ မမွေးခင် ဘဝမဖြစ်ဘူး မွေးမွေးချင်း သေသွားရင် ဘဝမရှိဘူး။ အဲဒီကြားကာလ ကြားကာလဆိုတာ အချိန်ပဲ။ အဲဒီတော့ ဘဝကို အချိန်နဲ့ ဖွဲ့စည်းထားတယ်။ အချိန်ကို တန်ဖိုးထားတာဟာ ဘဝကို တန်ဖိုးထားတာပဲ။ ဘဝကို တန်ဖိုးမထားရင် အလကား အသုံးမကျတဲ့ ဘဝဖြစ်သွားမယ်။ အသုံးမကျရင် လောကမှာ အမှိုက်ပဲ။ အမှိုက်ဆိုတာ အသုံးမကျတဲ့ ပစ္စည်း .. ဒါပဲ။  အဲဒီတော့ ကလေးတွေကို ကျနော်ပြောတယ် မင်းဟာ အသုံးမကျတဲ့အကောင် ဖြစ်ချင်သလား၊ အမှိုက်ဖြစ်ချင်လား။ ဖြစ်ချင်ရင် ဖြစ်သလိုနေ အောက်တန်းကျဖို့က ကြိုးစားနေဖို့ မလိုဘူး၊ ငါကွ .. တနေ့ အောက်တန်းကျရမယ်လို့ ကြိမ်းနေဖို့ မလိုဘူး”

လူငယ်နဲ့ တာဝန်ဆိုတဲ့ စကားလုံးအပေါ်မှာကော။

“ကျနော်ပြောချင်တာက မွေးလာပြီဆို တာဝန်ရှိတယ် အဖျင်းဆုံး အဖေအမေကို လုပ်ကျွေးဖို့ တာဝန်ရှိတယ်။ လူငယ်တွေ တာဝန်မဲ့စကားပြောတာ ကျနော် မကြိုက်ဘူး။ ဒီအစိုးရကို လုပ်ကျွေးရမယ် ဘာညာ မဟုတ်ဘူး။ ကိုယ့်တာဝန်တွေက မွေးရာပါတာဝန်တွေ ရှိတယ်။ အဲဒီအတွက်တော့ စွမ်းဆောင်နိုင်အောင် လုပ်ရမှာပေါ့။ အစိုးရကို ကြိုက်ချင်ကြိုက် မကြိုက်ချင်နေ၊ ဆဲချင်ဆဲနေ ဒါမှမဟုတ် ထောက်ခံချင် ထောက်ခံ။ သို့သော် ကိုယ့်ဘဝပေးတာဝန် ကျနေရာက်လာတဲ့ တာဝန်ကို သူ ရုန်းကန်ရမှာပဲ။ အဲဒီတာဝန်တောင် မဲ့နေရင်တော့ လူဖြစ်လာတာ မကောင်းပါဘူး”

ပြည်ပရောက် မြန်မာလူငယ်တွေကို ဘာများပြောချင်ပါသလဲ။

“မင်းတို့ဟာ မိဝေး ဖဝေးတွေ၊ မင်းတို့ကိုယ်မင်းတို့ မထိန်းသမျှကာလပတ်လုံး ထိန်းပေးမယ့်လူ မရှိဘူး။ အဲဒါ ပြောချင်တယ်။ နောက်တချက်က မင်းတို့ကိုယ်မင်းတို့ ထိန်းဖို့အတွက်က သတ္တိကောင်းဖို့လိုတယ်။ သတ္တိဆိုတဲ့ဟာက တနေ့ ငါကြီးပွားရမယ်ဆိုတဲ့ အဓိဋ္ဌာန်ကို ခိုင်နေအောင်ထားတာ။ ငါ့ဘဝကိုငါ အရှုံးမခံဘူး၊ ငါ့ဘဝကိုငါ ဒီ့ထက် တိုးတက်အောင် လုပ်မယ်ဆိုတဲ့ သန္နိဋ္ဌာန်ချဖို့လိုတယ်။ အဲဒီဥစ္စာကို ခိုင်နေအောင် ထိန်းထားတဲ့ဟာက သတ္တိပဲ။ ထိုးဝံ့ ခုတ်ဝံ့မှ သတ္တိမဟုတ်ဘူး။ ခံဝံ့တာလည်း သတ္တိပဲ။ အဲဒီသတ္တိကို ကိုယ့်စိတ်ကို ပြန်ပြန်ပြီးတော့ ထိန်းယူပါ။ ဥပမာ ဆိုပါတော့ အောင်သင်းပေါ့၊ အောင်သင်း စိတ်ဓာတ်မကျနဲ့ ဘယ်သူမဆို ဒီလိုဖြစ်တာပဲ မင်းခံလိုက်စမ်း၊ ကိုယ့်ကိုယ်ကို အားပေးလို့။ ပြောချင်တာက မင်းတို့ဟာ မိဝေးဖဝေး ရောက်နေတာလို့ မင်းတို့မှာ အနီးကပ် အားပေးမယ့်လူ မရှိဘူးလို့ ငါ အားပေးတယ်ဆိုတာ လေထဲက အသံနဲ့ပဲ အားပေးနိုင်တာ။ တကယ့်တကယ်ကျတော့ မင်းကိုယ်မင်း အားပေးမယ့် သူက မင်းပဲရှိတယ်။ အဲဒီတော့ မင်းသတ္တိရှိသလား၊ သတ္တိရှိရင် မင်းကိုယ်မင်း နိုင်နင်းအောင် ထိန်းပါ။ ကိုယ့်ကိုယ်ကို အောင်နိုင်အောင် ထိန်းခြင်းသည် အကြီးဆုံးသော သတ္တိဖြစ်တယ်။ အဲဒီသတ္တိနဲ့ ထိန်းသွားကြပါ။ မင်းအတွက် အခွင့်အရေးဟာ တနေ့မှာ တံခါးလာခေါက်လိမ့်မယ်ဆိုတာ ယုံပါ”

မြန်မာပြည်ထဲက ကျောင်းသူ၊ ကျောင်းသားလေးတွေကိုကော။

“သူတို့ကို ပြောချင်တာက သတ္တိဆိုတာ ခုနက ပြောခဲ့ပြီ။ အဲဒီသတ္တိက ရိုးရိုးပဲ။ အဲဒီသတ္တိက ရေရှည်ခံရင် ဇွဲလို့ခေါ်တယ်။ ဥပမာ ဆိုပါတော့ .. ကျောင်းတက်တယ်၊ လွယ်အိတ်အသစ်နဲ့ လုံချည်အသစ်နဲ့ စာအုပ်အသစ်နဲ့ ဒီနှစ်တော့ အပြတ်ချမယ်၊ ဒါ .. ကျောင်းသားတိုင်း ရှိတယ်။ စာအပြတ်တွယ်မယ်၊ ဘယ်အချိန်ထိ စာကြည့်မယ်၊ အကုန်လုံး သူတို့မှာ Target ရှိတယ်။ ဒါပေမဲ့ တရက် နှစ်ရက် တပတ်နှစ်ပတ် အဲဒီတော့ ဟိုဟာသွား ကစားချင်တာနဲ့ ဟိုနားသွားချင်တာနဲ့ ကျောင်းစာမကြည့်မိတာနဲ့ ၃ လကျော်ပြီး၊ ၄ လ ၅ လထိ ခံပြီဆိုရင် အဲဒီကောင် ဇွဲကောင်းတယ်။ ဒါပေမဲ့ ၅ လထိအောင် ဇွဲကောင်းတယ်ဆိုတဲ့ ကျောင်းသား သိပ်နည်းတယ်ဆိုတာ ကျနော် ပြောချင်တယ်။ ရာခိုင်နှုန်း ပြောရရင် ၁ဝ % မရှိဘူး။ အဲဒီတော့ ကြာရှည်ခံတဲ့ သတ္တိကောင်းတဲ့ ၁ဝ% ထဲမှာ မင်းပါပါစေလို့ အဲဒီကလေးတွေကို ရည်ညွှန်းပြီးတော့ ကျနော် တိုက်တွန်းလိုက်ပါတယ်”

ဟုတ်ကဲ့ တခြား ဖြည့်ပြောချင်တာ ပြောပါဦးဆရာ။

“အခု ခင်ဗျားကတဆင့် ပြောတာတွေက တိုင်းပြည် ပုန်ကန်ဖို့လည်း မဟုတ်ဘူး၊ ဆူပူဖို့လည်း မဟုတ်ဘူး၊ မကျေမနပ်လည်း မဟုတ်ဘူး။ ကျနော့်စိတ်ထဲမှာ ပကတိ ရှိတဲ့အတိုင်း တကယ်ရိုးသားစွာ ပြောတာ။ ခုန ပြောတဲ့ အစိုးရကို မျှော်လင့်တယ်ဆိုတာလည်း တကယ်ပြောတာ။ လူငယ်တွေအတွက် သတိပေးတယ်ဆိုတာလည်း တကယ် သတိပေးတာ။ အစိုးရ ဘယ်လိုဖြစ်နေနေ ကိုယ်တတ်နိုင်လား၊ အေး … မတတ်နိုင်ရင် ကိုယ့်အားတော့ ကိုယ်ကိုးရမှာပေါ့”

 (မဇ္ဈိမမှ ကူးယူဖ်ာပြသည်)