ကျွန်ုပ်နှင့် မိုးဖွဲနေ့

     ကျွန်တော်ရန်ကုန်မြို့တော်ခန်းမ ရှေ့နားက ခရစ်ယာန်ကျောင်းရှေ့မှာ မိုးဖွဲလေးတွေကျလို့ ခဏတာမိုးခိုနေတုန်း တောင်မွှေးလေးထောက်ရင်း သူတောင်းစားမကြီးတစ်ယောက် လမ်းလျှောက်လာနေတယ် သူ့မျက်လုံးတွေက ဟိုလူ့ကြည့် ဒီလူ့ကြည့်နဲ့ ဘယ်သူများပိုက်ဆံပေးလေမလဲပေါ့။
     ကျွန်တော်လည်းကြည့်နေရင်း သူ့လက်ကိုတွဲထားတဲ့ သူတောက်စားမကြီးရဲ့ ကလေးနှစ်ယောက်ကိုတွေ့လိုက်တယ် ၃,၄ နှစ်သားလေးတွေရှိလောက်ရောပေါ့ ကောင်မလေးတစ်ယောက်၊ယောကျာ်းလေးတစ်ယောက်။ သူတို့တွေကတော့မိခင်ကြီးရဲ့လက်ကို လက်တစ်ဖက်ကတွဲရင်း တစ်ဖက်ကတော့ ကလေးသဘာဝ ဆော့နေလေရဲ့။ မိခင်ကြီးမှာလည်းတုံတုံ ချိချိပုံစံနဲ့ တကယ်လား၊ လူသနားအောင်လုပ်ထားတာလား ဟုစိတ်ထဲကစဉ်းစားနေမိပါတယ်။ ကောင်းတော့မကောင်းပါဘူး ဒါပေမယ့်စိတ်အစဉ်ထဲ ၀င်လာတာလေးကတော့အမှန်ပါပဲ။ ဂရုဏာလဲဖြစ်မိပါတယ် သံသယလည်းဖြစ်မိပါတယ်။ စိတ်အစဉ်ထဲဒွိဟ ဖြစ်နေပါတယ်။
     မိန်းမကြီးက တကိုယ်လုံးနနွမ်းတွေလိမ်းထားတာ ၀ါထိန်နေတာပဲ။ အ၀တ်လက်ရှည်လေးနဲ့ အင်္ကျီကလဲ ဟိုနေရာပြဲ ဒီနေရာအဖာလေးနဲ့ပေါ့။ ကလေးတွေက ဘောင်းဘီတိုလေးတွေနဲ့ ကလေးမလေးကအနီရောင် ညစ်ညစ်လေးဝတ်ထားပြီး၊ ကောင်လေးက အပြာရောင်ဖျော့ဖျော့လေးဝတ်ထားတယ် မလျှော်တာလည်းကြာပြီထင်ပါရဲ့ ညစ်ထေးနေတာပဲ။ အင်္ကျီကတော့ ဘာရောင်မှန်းကိုအတိအကျပြောလို့ မရေအောင် အရောင်တွေလွင့်နေပါပြီ။
     တကယ်ဆိုရင် ကလေးတွေကိုမိုးရွာထဲမှာ ခေါ်လာဘို့မသင့်ဘူးပေါ့၊ ဒါမှမဟုတ်အိမ်မှာ ဘယ်သူမှမရှိလို့လား။ ယောကျာ်းကောမရှိလို့လား။ ဘယ်မှာနေတာပါလိမ့်။ ကလေးတွေကော ကျောင်းတွေဘာတွေ တတ်နိုင်မယ်မထင်ဘူး။ ကလေးတွေကြီးလာရင်ဘာတွေဖြစ်ကုန်မှာလည်း၊ တောင်းစားတာ အကျင့်ပါပြီး သူတောင်းစားလေးတွေဖြစ်ကုန်မှာလည်း ရင်လေးမိပါတယ်။ ဘာလို့လဲဆိုတော့ ပညာမသင်ရ ဘာမသင်ရနဲ့ အသိဥာဏ်နည်းပြီး မလုပ်တတ်မကိုင်တတ်ဖြစ်ပြီး အလွယ်လိုက်သွားနိုင်တယ်လေ။ ရရစားစား လေးတွေများဖြစ်သွားမလား။ အော်လူရယ်လို့ ဖြစ်လာရင် စားဝတ်နေရေး အစဉ်မပြေရင် အကုန်လုံးဖြစ်သွားနိုင်တယ်လေ။ ဘာဖြစ်လို့ဆင်းရဲနေကြတာလည်း။ စဉ်းစားရင်း သူတောင်စားမကြီးနဲ့ မျက်လုံးခြင်းဆုံမိပါတယ် သူ့မျက်လုံးက အသနားခံနေတဲ့မျက်လုံးပါ လက်ကလေးဖြန့်ရင်း တကြည့်ကြည့်လုပ်နေပါတယ်။ ကျွန်တော်သနားတော့သနားတယ်ဗျာ ဒါပေမယ့်သံသယတော့ရှိနေဆဲပါ။
     ဒီအချိန်မှာ သူ့ကလေးကိုတတောင်နဲ့တွတ်လိုက်တာတွေ့ရတယ် ကလေးက ကျွန်တော်ရှိရာကို လက်ကလေးဖြန့်ရင်း ပြေးလာတော့တယ်။ ကျွန်တော်ဘာမှမတွေးနိုင်ခင်မှာပဲ ကျွန်တော့လက်တွေအိပ်ထောင်ထဲကို ရောက်နှင့်နေပြီလေ ကျွန်တော့ရဲ့ သူတောင်းစာမကြီးအပေါ် ထားတဲ့သံသယ စိတ်တွေဟာလည်း ကလေးတွေကြောင့် အရည်ပျော်ခဲ့ရပါပြီ။ အိတ်ထောက်ထဲမှာရှိတဲ့ ၂၀၀ တန်အထပ်ကလေးကို ပေးလိုက်မိတယ်။ ကလေးကလှမ်းယူပြီး သူ့အမေရှိရာကိုပြေးသွားရင်း  သူ့အမေကိုလှမ်းပေးလိုက်တယ်။ သူတောင်းစားမကြီးက ကျေးဇူးတင်တဲ့ အကြည့်လေးကြည့်ရင်း ရှေ့ဆက်သွားပါတော့တယ်။
     ကျွန်တော်လည်း ဒီငွေလေးနဲ့ ဒီနေ့တော့ထမင်းဝနိုင်ကောင်းပါရဲ့၊ နောက်နေ့တွေဘယ်လိုများ စခန်းသွားလေမလဲ၊ ဒီကလေးတွေရဲ့အနာဂါတ်ဟာ ဘာတွေများဖြစ်လာမလဲ လို့အတွေးတွေနဲ့ မိုးခိုရင်းကျန်ရစ်ပါတော့တယ်။

(မင်္ဂလာညနေခင်း)

ရယ်စရာ စု-၃

  ဒီလိုပဲ

တစ်နေ့တွင် ဆရာဝန်တစ်ယောက်ထံ နားထဲသို့ ဂေါ်လီလုံးဝင်သွားသော ကလေးလူနာတစ်ယောက်
ရောက်လာလေသည်။ ဆရာဝန်ခမျာ ကလေးနားထဲသို့ ၀င်နေသော ဂေါ်လီလုံးကို ခက်ခက်ခဲခဲနှင့်
အသည်းအသန်ကြိုးစားပြီး ထုတ်ပေးလိုက်ရသည်။ ထို့နောက် ကလေးငယ်အား မေးလိုက်သည်။
"သားရယ်… နားထဲကို ဂေါ်လီလုံးဝင်အောင် ဘယ်လိုများ ဆော့လိုက်ပါလိမ့်"
ထိုအခါ ကလေးငယ်က "ဒီလိုပဲ ဦးဦးရဲ့" ဟုဆိုကာ ဂေါ်လီလုံးကို နားထဲသို့
ပြန်ထည့်ပြလိုက်လေသည်။

 -------------------------------------------

 မပြောတတ်သေးဘူး

 ကိုယ်ဝန်အရင့်အမာနှင့် မိန်းမဖြစ်သူ အလွန်အမင်း ဗိုက်နာနေသည့်အတွက်

ယောက်ျားဖြစ်သူက ဆရာဝန်ကို အသည်းအသန် ဖုန်းဆက်ခေါ်သည်။

ဆရာဝန်မကြီးရောက်လာပြီးနောက်-

"လူနာရော"

"အခန်းထဲမှာ"

"ရှင် အပြင်မှာပဲနေနော်၊ အခန်းထဲဝင်မလာနဲ့"

"ဟုတ်ကဲ့"

ခဏကြာတော့ ဆရာဝန်မကြီးက တံခါးဟလိုက်ပြီး ယောက်ျားဖြစ်သူကို လှမ်းပြောတယ်။

"၀က်အူလှည့်ရှိရင် အမြန်ပေးပါ"

"ဟုတ်ကဲ့"

ယောက်ျားဖြစ်သူက ယူပေးလိုက်တယ်။ ဆရာမကြီးဝင်သွားပြီး ခဏနေတော့ ပြန်ထွက်လာတယ်။

"ပလာယာပါ လိုချင်တယ်"

"ဟုတ်"

တစ်မိနစ်လောက်ကြာတော့

"စို့ နဲ့ တူသာ ပေးပါတော့"

ဒီတော့ လူနာရှင်ယောက်ျားက စိုးရိမ်တကြီးနဲ့

"ဆရာမရယ်၊ ပွင့်ပွင့်လင်းလင်းပြောပါခင်ဗျာ

၊ လူနာရဲ့ အခြေအနေက
တော်တော်ဆိုးလို့လား"
"မပြောတတ်သေးဘူးရှင့်၊ ဆေးသေတ္တာကို ဖွင့်လို့မရသေးလို့ လူနာကို မကြည့်ရသေးဘူး"

--------------------------------------------

ဘာဆက်မက်တာလဲ

ဧည့်သည်များစုံလင်နေချိန်တွင် လူတစ်ဦးက အခြားသူငယ်ချင်းတစ်ဦးကို
နောက်ပြောင်လိုသောကြောင့် စကားလှမ်းပြောသည်။
"တလောက ငါ အိပ်မက်,မက်တယ်ကွ၊ အိပ်မက်ထဲမှာ မင်းနဲ့ငါနဲ့ အတောင်ပံတွေပေါက်ပြီး
ပျံကြတယ်။ ဒါပေမယ့် ဝေးဝေးကို မပျံနိုင်ဘဲ တို့နှစ်ယောက်လုံး မြေကြီးပေါ်ကို
ပြန်ကျလာကြတယ်။ အဲဒီအချိန်မှာ ငါက ပျားရည်တွေ အပြည့်ရှိတဲ့ တွင်းထဲကို
ပြုတ်ကျပြီးတော့၊ မင်းကတော့ အညစ်အကြေးတွေ ပြည့်နေတဲ့ တွင်းကြီးထဲကို
ကျသွားတယ်ကွ"
အပြောခံရတဲ့ သူငယ်ချင်းကလည်း ဟာသဉာဏ်ရှိသူဖြစ်လေတော့ ချက်ချင်းပဲ
ပြန်ပြောလိုက်တယ်-

"အံ့သြစရာကောင်းလိုက်ပါဘိကွာ၊ ငါလည်း အဲဒီပုံစံအတိုင်းပဲ အိပ်မက်,မက်တာကွ။

ဒါပေမယ့် ငါက ရှေ့ဆက်ပြီး အိပ်မက်ဆုံးတဲ့အထိ မက်ခဲ့သေးတယ်ကွ"

"ဟေ၊ ဟုတ်လား… ဘာတွေ ဆက်မက်ခဲ့သေးလို့လဲ"

"ငါတို့တွေ တွင်းတွေထဲကနေ ပြန်တက်လာပြီးတဲ့အချိန်မှာ တစ်ယောက်နဲ့တစ်ယောက်

အပြန်အလှန် လျှာနဲ့လျှက်ကြတယ်လေ"

 ------------------------------

အခန်းငှားမရလို့ 

ဂျီကာဂိုမြို့မှ အမျိုးသမီးကြီးတစ်ဦးသည် မရောက်ဖူးသေးသည့်
ဖလော်ရီဒါပြည်နယ်သို့ ခရီးထွက်ရန် ဆုံးဖြတ်လိုက်သည်။ မြို့တစ်မြို့သို့
ရောက်သောအခါ ဟိုတယ်တစ်ခုသို့ ၀င်သည်။ အဆိုပါဟိုတယ်မှာ
လူမျိုးရေးခွဲခြားမှုရှိသော ဟိုတယ်အဖြစ် ထင်ရှားသည့်ဟိုတယ် ဖြစ်သည်။
ဟိုတယ်မန်နေဂျာအား အမျိုးသမီးကြီးက ပြောလိုက်သည်။
"ကျွန်မကို အခန်းတစ်ခန်းပေးပါ၊ နှစ်ပတ်ကြာနေပါ့မယ်"
မန်နေဂျာက ပြန်ဖြေသည်။
"၀မ်းနည်းပါတယ်ခင်ဗျာ၊ ကျွန်တော်တို့ဆီမှာ အခန်းလွတ်မရှိပါဘူး"
ထိုအချိန်တွင် ဧည့်သည်တစ်ယောက် အခန်းလာအပ်သည်ကို တွေ့ရသဖြင့် အမျိုးသမီးကြီးက
ဝမ်းသာအားရပြောလိုက်သည်။
"ကြည့်စမ်း၊ အဆင်ပြေလိုက်တာ၊ အခန်းတစ်ခန်း လွတ်သွားပြီ။ အခုပြန်အပ်တဲ့အခန်းကို
ကျွန်မကိုပေးလို့ ရပြီမလား"
"စိတ်မရှိပါနဲ့ဗျာ၊ ကျွန်တော်တို့ဟိုတယ်မှာ ဂျူးလူမျိုးတွေကို
တည်းခိုခွင့်မပြုပါဘူးခင်ဗျ"
"ဘယ်သူလဲ ဂျူးလူမျိုးက၊ ကျွန်မလား၊ ကျွန်မက ကတ်သိုလစ်ဘာသာဝင်ရှင့်"
"လွယ်လွယ်ယုံဖို့တော့ ခက်ပါတယ်ခင်ဗျ၊ မေးခွန်းအချို့ မေးခွင့်ပြုပါ၊
ဘုရားသခင်ရဲ့ သားတော်ဟာ ဘယ်သူပါလဲ"
"မယ်တော်မေရီကမွေးတဲ့ ယေရှုသခင်ပေါ့ရှင့်"
"သူ့ကို ဘယ်မှာမွေးတာလဲ"
"နွားတင်းကုတ်မှာ"
"ဘာဖြစ်လို့ နွားတင်းကုတ်မှာ မွေးရတာလဲ"
"နင်တို့လို အကောင်မျိုးတွေကြောင့် မယ်တော်မေရီ အခန်းငှားမရလို့တဲ့ဟေ့"

---------------------------------

ဒါတော့ မဖြစ်ဘူး ဆရာ

လူနာ - ဒေါက်တာ၊ ကျွန်တော်လေ… အမြဲတမ်း စိတ်အားငယ်သလို ဖြစ်နေတယ်၊
ဘာလုပ်ရမလဲဆိုတာ အကြံပေးပါဦးခင်ဗျာ။
ဆရာဝန် - လွယ်ပါတယ်ဗျာ၊ တခြားအကြောင်းတွေ လျှောက်စဉ်းစားမနေနဲ့၊ အလုပ်ထဲမှာ
ခေါင်းမြှုပ်ထားလိုက်။
လူနာ - (ပြာပြာသလဲဖြင့်) ဟာ… အဲဒါတော့ မဖြစ်ဘူးဆရာ၊ ကျွန်တော်က
ဘိလပ်မြေဖျော်တဲ့လူဗျ။

(From Forward Mail)

ကျွန်ုပ်ချစ်သော ရှင်သာရိပုတ္တရာ (၂)

     အရှင်သာရိပုတ္တရာဟာ အရှင်အဿဇိရဲ့ တရားနဲ့ သောတာပန် ဖြစ်ခဲ့တာပါ။ ဒါကြောင့် ထိုအရှင်မြတ်ရှိရာဘက်ကို အမြဲ ဦးခေါင်းထားပြီး အိပ်လေ့ရှိပါတယ်။ အရှင်သာရိပုတ္တရာဟာ လက်ယာရံဖြစ်နေသော်လည်း မိမိကိုတရားသိအောင်ပြပေးသော ဆရာကိုအမြဲ ဂါရ၀ပြုပုံလေးက အတော်လေးချစ်ဖို့ကောင်းပါတယ်။ အမြဲလုပ်နိုင်ခဲတဲ့ ဂါရ၀ပြုမှုလေးပါ။
     အရှင်သာရိပုတ္တရာဟာ သူ့ဟာသူ လက်ယာရံပဲ အေးဆေးနေလို့ရပါတယ်။ အရှင်ကမနေနိုင်ပါဘူး သူ့ရဲ့ကျောင်း,သူ့ဆရာဘုရားရှင်,သာသနာတော် စသည်တို့အပေါ်မှာအမြဲ ကြောင့်ကြစိုက်လေ့ ရှိပါတယ်။ ရဟန်းတွေ ဆွမ်းခံထွက်ပြီဆိုလဲ နောက်ဆုံးမှာထွက်ပါတယ်။ အကြောင်းက ကျောင်းအတွင်းမှာ အမြင်မတော်တာတွေ တွေ့ရင်သိမ်းဆည်းတယ်, ရေဖြည့်တယ်, တံမျက်စည်းလှည်းတယ် ဒီအလုပ်တွေ လိုက်လုပ်နေတယ် ဒီတော့နောက်ဆုံးမှဆွမ်းခံကြွရတာပေါ့။ အရှင်က ရဟန်းတွေ ဆွမ်းခံဝင်နေချိန် တခြားသူတွေ ကျောင်းထဲဝင်ကြည့်လို့ ဖရိုဖရဲတွေ တွေ့သွားရင်ဖြင့် ဘုရားသာသနာကို ကဲ့ရဲ့မှာဆိုးရိမ်တော်မူတယ်လို့ ရှေးဆရာတို့ကရေးကြတယ်။ သူဟာသံဃာတွေ အပေါ်လဲ အလုပ်ကြွေးပြုချင်ပုံရတယ်။ ကျွန်တော်ထင်တာလေးပါ။ သူလိုလက်ယာရံကြီးက အခြားရဟန်းတွေ ရေအိုး သူတို့ရှေ့မှာ သွားဖြည့်ပေးလို့ ရဟန်းတွေ ဘယ်လက်ခံရဲမလဲ။ ဒါကြောင့်မရှိတဲ့အချိန်တွေ လုပ်တာဖြစ်နိုင်တယ်။ ဒါလေးတွေကလဲ တော်တော်ချစ်ဖို့ကောင်းတယ်ဗျာ။
     ဘုရားဥပဒေကို လေးစားတာလဲ တကယ်ကြည်ညိုဖို့ကောင်းတယ်။ အလှူမဏ္ဌပ်တစ်ခုမှာ ရက်ရှည်စတုဒီသာ ကျွေးတယ်။ ရဟန်းတွေက နေ့တိုင်းသွားစားနေလို့ လူတွေက ကဲ့ရဲ့ကြတယ်။ ဒါကို ဘုရားရှင်သိတော့ တစ်ရက်ပဲစားရမယ်လို့ ပညတ်တော်မူတယ်။ အရှင်သာရိပုတ္တရာက ဒေသစာရီ လှည့်လာရင်း အဲဒီအရပ်မှာ နာမကျန်းဖြစ်တယ်။ တစ်ရက်စာဆွမ်းဘုန်းပေးပြီး နောက်ရက်မှာလူတွေက လာကပ်လှူသော်လည်း ဘုရားရှင်တားမြစ်ထားတယ်ဆိုပြီး ဘုန်းပေးတော်မမူဘူးတဲ့။ နောက်တော့ဘုရားရှင် ကြားတော်မူပြီး နာမကျန်းဖြစ်လျှင် နေ့စဉ်သုံးဆောင်နိုင်တယ်ဟုခွင့်ပေးတော်မူရတယ်တဲ့။ ဘယ်လောက်လေးစားစရာ, ကြည်ညိုစရာ ကောင်းလိုက်လဲဗျာ။
(မင်္ဂလာညနေခင်း)

ဂုဏ်အလှ

 

ငါ့ညီပြောင်ဝင်း မောင်သစ်ဆင်း

မင်း၏သားငယ် သက်နှစ်ဆယ်သည်
ဘယ်ဂုဏ်မျိုးကို ကြိုက်သနည်း ။

ရွှေဂုဏ်ငွေဂုဏ် ရာထူးဂုဏ်သည်
လူ့ဘုံလောက အကာမျှတည့်
သူကငြူစူ မကြည်ဖြူ၍
ခွာယူလိုက ခွာ၍ရ ။

ရိုးဂုဏ်ဖြောင့်ဂုဏ် ယဉ်ကျေးဂုဏ်သည်
လူ့ဘုံလောက နှစ်သာရတည့်
သူကငြူစူ မကြည်ဖြူလည်း
ခွာယူမရ ကွာမကျ ။

(ဇော်ဂျီ)