Singapore ရောက်တော့ ဆပ်ပြာအရည်ဘူးတွေ တွေ့ပါတယ် ဒါပေမယ့် သုံးနေကြမဟုတ်လို့ ၀ယ်မသုံးဖြစ်ပါဘူး။ တစ်နေ့ သူငယ်ချင်းနဲ့ ဈေးဝယ်သွားရင်း တိုက်တွန်းလို့ ဆပ်ပြာအရည် စမ်းသုံးမယ်ဆိုပြီး ဘူးသေးသေးလေး ၀ယ်သုံးမိပါတယ်။ ၀ယ်မိတဲ့ ဆပ်ပြာရည်က ချွဲလိုက်တာမှပြောမနေနဲ့တော့ ရေတွေအများကြီးချိုးလည်း ချွဲနေတုန်းပဲ။ ရေသုပ်တဲ့အထိ ချွဲနေတယ်။ ဒါနဲ့မှတ်သွားရော ဆပ်ပြာရည်ဆို မသုံးဖြစ်တော့ဘူး။
ဒီလိုနဲ့ ဆပ်ပြာအတုံးပဲ ဆက်သုံးလာတာ ကြာရောပေါ့။ တစ်နေ့ သူငယ်ချင်းတွေနဲ့ ဈေးသွားရင်းတွေ့ ပြန်တယ် ဆပ်ပြာအရည်ဘူးတွေ သူငယ်ချင်းက၀ယ်ဘို့ပြောနေတယ်။ ကိုကတော့ မကောင်းဘူး ချွဲတယ်လို့ပြောတော့ သူငယ်ချင်းက သူသုံးတဲ့ဟာက မချွဲဘူးတဲ့ ၀ယ်သာဝယ်ပြီးသုံးကြည့်ပါတဲ့ အာမခံတယ်တဲ့။ သူသုံးတဲ့ ဆပ်ပြာရည်က ထူးတယ်ဗျာ အစေ့လေးတွေပါတယ်တဲ့။ ဘာလို့လဲလို့မေးတော့ ချေးပိုပြောင်တယ်တဲ့ နှိပ်ပေးသလိုတောင်ဖြစ်တယ်ဆိုပဲ။ ဆပ်ပြာရည်အမျိုးအစားက " Spa Massaging Shower Scrub" လို့ရေးထားတယ် ။ ဒါနဲ့ မချွဲရင်တော့မဆိုးပါဘူးဆိုပြီး တစ်ဘူးဝယ်လိုက်တယ်ဗျာ။
အိမ်ရောက်လို့ လုပ်စရာရှိတာလေးတွေလုပ်ပြီး ဆပ်ပြာရည်အသစ်နဲ့ ရေချိုးတာပေါ့။ ဒီမှာဇာတ်လမ်းက စတော့တာပဲ။ ဆပ်ပြာအရည်ရဲ့ အစေ့လေးတွေက ရှတရှတနဲ့ ရေချိုးရတာ ကသိကအောက်နိုင်လိုက်တာ ဒုက္ခကိုရောက်ရောပဲ။ ငယ်ငယ်က ချောင်းထဲရေဆင်းချိုးတာ သွားသတိရတယ်။ ချောင်းထဲရေးချိုးတော့ သဲတွေနဲ့ ဘောင်းဘီထဲဝင်လို့ ခိုးလိုးခုလု ဖြစ်ခဲရတာ ရေနဲ့မနဲစင်အောင်ချိုးရတာ။ အခုလဲ ဒီလိုပဲဗျာ ရှတရှတနဲ့ ချောင်းထဲရေဆင်းချိုးရတယ်မှတ်တယ်။ မလွယ်ပါလား........ဒီတစ်ဘူးတော့ ကုန်အောင်သုံးရအုံးမယ်။
(မင်္ဂလာညနေခင်း)
No comments:
Post a Comment