တို့တိုင်းပြည်

ထလော့မြန်မာ၊ အိုမြန်မာတို့၊
တို့ရွာတို့မြေ၊ တို့ရွာမြေဝယ်၊
စေတီစပါး၊ များလည်းများ၏၊
များပါလေလဲ၊ တမွဲမွဲနှင့်၊
ဆင်းရဲကာသာ၊ ကာလကြာလျှင်၊
ယာစကာမျိုး၊ တညှိုးညှိုးနှင့်၊
ပုထိုးမြင့်မောင်း၊ ကျောင်းကြိုကျောင်းကြား၊
လှည့်လည်သွားလျက်၊
မစားလေရ၊ ဝမ်းမဝ၍၊
ဆွမ်းမျှမတင်နိုင် ရှိမည်တည်း။

ထလော့မြန်မာ၊ အိုမြန်မာတို့၊
တို့ရွာတို့မြေ၊ တို့ရွာမြေဝယ်၊
ရေချိုသောက်ရန်၊ မြစ်ချောင်းကန်နှင့်၊
သီးနှံချိုပျား၊ များလည်းများ၏၊
များပါလေလဲ၊ တမွဲမွဲနှင့်၊
ဆင်းရဲကာသာ၊ ကာလကြာလျှင်၊
မြင်သာမြင်ရ၊ မစားရ၍၊
တောကပြိတ္တာဖြစ်မည်တည်း။

ထလော့မြန်မာ၊ မြန်မာထလော့၊
အားမပျော့နှင့်၊ မလျှော့လုံ့လ၊
သူကစ၍၊ ငါကအားလုံး၊
လက်ရုံးမြားမြောင်၊ ဉာဏ်မြားမြောင်နှင့်၊
စွမ်းဆောင်ကြလေ၊ ဆောင်ကြလေလော့၊
ဤမြေဤရွာ၊ ဘယ်သူ့ရွာလဲ၊
ဤယာစပါး၊ ဘယ်သူ့စပါးလဲ၊
ထားလော့တာဝန်၊ ပွန်လော့လုပ်ငန်း၊
ဥာဏ်ရှေ့ပန်း၍၊
တစ်ဝမ်းတစ်စိတ် ညီစေသတည်း။ ။
(ဇော်ဂျီ)
(၁၉၃၅ ခုနှစ်၊ ဩဂုတ်လ ကြီးပွားရေးမဂ္ဂဇင်း အတွဲ – ၃၊ အမှတ် – ၁၁။) (PomesCorner)

ခံတွင်းနံ့သင်းပျံ့စေရေး

     လူတိုင်းခံတွင်းနံ့သင်းနေတာကိုကြိုက်ကြပါတယ်။ ခံတွင်းနံ့နံရင် ဘယ်သူမှကြိုက်ကြမှာမဟုတ်ပါဘူး အားနာလို့မပြောရင်သာရှိရမယ်။ ကိုယ့်ကြောင့်သူများစိတ်အနှောက်အယှက်ဖြစ်သွားရင်လည်း ဒါမကောင်းပါဘူး။ ကျန်းမာရေးအတွက်လဲ ခံတွင်းသန့်ရှင်းရေးဟာအရေးပါပါတယ်။ ဒါ့ကြောင့်ဒီ Post ကလေးကိုတင်လိုက်ရတာပါ။

     ခံတွင်းနံ့ထွက်ခြင်းအကြောင်းအရင်းများစွာရှိပါတယ် လည်ချောင်းရောဂါရှိရင်လဲဖြစ်တတ်ပါတယ်၊ နှာခေါင်းရောဂါကြောင့်လည်းဖြစ်တတ်ပါတယ်၊ သွားဖုံး ရောဂါကြောင့်လည်းဖြစ်တတ်ပါတယ်။ ဒါတွေဖြစ်ပြီဆိုရင်တော့ ဆရာဝန်နဲ့သာအမြန်စစ်ဆေးသင့်ပါတယ်။
     Canada နိုင်ငံ Toronto မှာရှိတဲ့ Fresh Breath Clinic မှာလေ့လာရေး Director အဖြစ်အလုပ်လုပ်နေသော Anne Bosy ကပြောပါတယ်။ ခံတွင်းနံ့နံ ခြင်းရဲ့အဓိကပြဿနာက ခံတွင်းမှာရှိတဲ့ Bacteria တွေကြောင့်ဖြစ်ပါတယ်တဲ့။ သွားတွေကိုအစာစာပြီးတိုင်းစင်ကြယ်အောင်မဆေးရင် Bacteria တွေပေါက်ပွားပြီး ခံတွင်းနံ့ နံပါလိမ့်မယ်။ ဒါ့ကြောင့်အစာစားပြီးတိုင်း ပလုပ်ကျင်းသင့်ကြောင်း၊ တစ်နေ့သွားနှစ်ခါတိုက်သင့်ကြောင်း သွားဆရာဝန်တွေက သတိပေးခြင်းဖြစ်ပါတယ်။ သွားတွေမှာကျောက်တည် ပြီဆိုရင်လည်းခံတွင်းနံ့ထွက်ပါတယ်၊ အဲဒီကျောက်တွေမှာ Bacteria  တွေရှိနေပါတယ်။ ကျောက်တွေကိုရှင်းလင်းသင့်ပါတယ်။ အိပ်ခါနီးမှာ ခံတွင်းသန့်ဆေးရည်(MouthWash)နဲ့ ပလုပ်ကျင်းပြီး အိပ်ခြင်းကလည်း ခံတွင်းကိုသန့်ရှင်းစေပါတယ်။အဲဒီ Mouthwash နဲ့ဆေးပြီးရေနဲ့ ပလုတ်မကျင်းပါနဲ့တော့ ဒီတိုင်ထားပြီးအိပ်ရာဝင်ပါလို့ သွားဆရာဝန်တစ်ယောက်က ညွှန်ကြားပါတယ်။
     သွားတိုက်ရာမှာလည်းစိတ်ရှည် လက်ရှည်အချိန်ယူပြီးတိုက်ရပါတယ်။ အများစုက အိပ်ခါနည်းမြန်မြန်တိုက်လေ့ရှိတတ်ကြပါတယ်။ အိပ်ခြင်နေလို့ဖြစ်တတ်ပါတယ်။ ဒါဟာမလုပ်သင့်ပါဘူး။ သွားတိုက်ရင်လည်းနည်းမှန်လမ်းမှန်တိုက်သင့်ပါတယ်။ သွားတွေမပျက်စီးအောင်ပေါ့။
      သွားတိုက်နည်းလေးကိုတော့ ဒီ Link မှာကြည့်နိုင်ပါတယ်
http://www.youtube.com/watch?v=ACgPHDzTHaU&feature=channel
     အားလုံးခံတွင်းနံ့သင်းပျံ့ပြီး ကျန်းမာပျော်ရွှင်ကြပါစေ။
 (မင်္ဂလာညနေခင်း)

မျက်စိ၊မြင်ခြင်း

     အရာဝတ္ထုတစ်ခုကိုမြင်ရန် အကြောင်းအရာတွေရှိပါတယ်။ ပထမဦးဆုံး အလင်းရောင်ရှိရပါတယ်။ အလင်းရောင်မရှိရင် အရာဝတ္ထုတွေရှိနေလည်းမမြင်ရပါဘူး။ မီးပျက်နေသလိုပေါ့။ ဒုတိယအချက် မျက်စိအမြင်ရှိရပါတယ်။ ဒါကတော့ရှင်းပါတယ်။ မျက်စိကန်းနေရင် မမြင်ရဘူးပေါ့။ တတိယအချက် အာရုံစူးစိုက်မှုရှိရ ပါတယ်။ သတ္တိမမူရင် ဂူတောင်မမြင်ပါဘူး။
     မြင်ရတဲ့အရာတိုင်းဟာ တကယ်ရှိနေတာလား ? ။ ဟာ့မြင်နေမှပဲ ရှိတာပေါ့လို့ပြောစရာရှိပါတယ်။ တကယ်တော့ မြင်ရတဲ့အရာတိုင်းဟာရှိခြင်မှရှိတော့မှာပါ။ သင်တို့ကြားဘူးကြပါလိမ့်မယ် ကောင်ကင်မှာကြယ်တွေရှိတယ် အချို့ကြယ်တွေဟာ အလင်းသွားရင်တောင် အလင်းနှစ်တော်တော်ကြာပါတယ်။ ဥပမာ-အလင်းနှစ်တစ်နှစ်အကွာအဝေးမှာရှိတဲ့ကြယ် ပျက်သွားပြီဆိုကြပါစို့။ ဒါပေမယ့် လူတွေဟာအဲဒီကြယ်ကို အလင်းနှစ်တစ်နှစ်ကြာသည်အထိမြင်နေရပါသေးတယ် ဘာလို့လဲဆိုတော့ အဲဒီကြယ်ပျက်သွားသော်လည်း သု့အလင်းကရှိနေသေးလို့ပါ။အလင်နှစ်တစ်နှစ်ကြာမှပျောက်သွားမှာပါ။ ဒါကြောင့် မြင်တိုင်းလဲ ရှိတယ်မထင်ကြပါနဲ့။
     ရေဒီယိုလှိုင်းတွေကို သင်တို့မြင်နိုင်မှာမဟုတ်ပါဘူး။ ဒါပေမယ့် ဒီလှိုင်းတွေလေထဲမှာရှိတယ်ဆိုတာ လူတိုင်းနီးပါးသိကြပါတယ်။ ဒါကြောင့်မမြင်တိုင်းလဲ မရှိဘူးမထင်လိုက်ပါနဲ့။
     ပညာဟာတော်တော်အရေးကြီးပါတယ်။ ပညာသာလျှင်အကျိုးအကြောင်းခွဲခြားသိနိုင်လို့ပါ။ ဒါကြောင့် အနောက်တိုင်းသားတွေကပြောကြတယ် (Knowledge is GOD).

*A light-year is equal to: 9,460,730,472,580.8 kilo meter (Wikipedia)

(မင်္ဂလာညနေခင်း)

မိုးတိမ်ဘာ့ကြောင့်မဲရတယ်

     မိုးဆိုတာ ရေတွေပါ။ ရေရဲ့အရောင်ဟာ ကြည်လင်တဲ့အရောင်ရှိပါတယ်။ မိုးတိမ်ဆိုတာ ရေတွေနဲ့ဖွဲ့စည်းထားတာပါ။ဒါ့ကြောင့် မိုးတိမ်တွေဟာကြည်လင်သင့်ပါတယ်။ ယုတ္တိ နည်းအရတွေးရင် မိုးတိမ်တွေဟာကြည်လင်ရမှာအမှန်ပါ။ ဒါပေမယ့် လူတိုင်းသိပါတယ်၊ မြင်ဘူးကြပါတယ် တကယ့်ရွာခါနီးမိုးတိမ်တွေဟာအမဲရောင်ဖြစ်နေကြပါတယ်။ ဘာကြောင့်လဲ ? ။

     တိမ်ထဲမှာရှိတဲ့ ရေအမှုန်အမွှားတွေဟာသေးငယ်စဉ်ကာလအတွင်းမှာ အလင်းရောင်တန်ပြန်မှုများပါတယ်၊ ဒါကြောင်လူတွေဟာ အဖြူရောင်လို့မြင်ရတာပါ။ ဒါပေမယ့် ရေအမှုန်အမွှာတွေကြီးလာပြီ မိုးရွာချနိုင်လောက်ပြီဆိုရင်တော့ ဒီမိုစက်တွေဟာအလင်းရောင်ကိုစုပ်ယူထားလိုက်ကြပါတယ်။ ဒီအချိန်မှာလူတွေဟာ အလင်းရောင်မြင်မှုနည်းသွားကြပြီး အမဲရောင်ကိုမြင်ကြရပါတယ်။
(မင်္ဂလာညနေခင်း) (RD)

ရယ်စရာ စု-၁

ဘယ်မှာလဲ
လုတယောက်က အလွန်အမင်း သွားကိုက်နေတယ်..သူ့ကို အိမ်နီးချင်း လူတယောက်က ပြောတယ်..
`ကျွန်တော်ကတော့ဗျာ..သွားနာနေတုန်းက ကျွန်တော့်မိန်းမက အာဘွားပေးလိုက်တာ တခါတည်းကို
သက်သာသွားေ၇ာဗျို့..ခင်ဗျားလဲ အဲ့လို လုပ်ကြည့်ပါလား´
သွားကိုက်နေတဲ့လူ ၀မ်းသာအား၇ မေးတယ်..
`ဟာ..ဟုတ်လား..ခု ခင်ဗျားမိန်းမ ဘယ်မှာလဲ´

-----------------------------------------------------------------------------

မငြင်းတော့ပါဘူး

ကျောင်းတွင် ဆ၇ာက ကလေးတယောက်ကိုမေးသည်..
`ကမ္ဘာကြီးက ဘယ်လိုပုံ၇ှိသလဲကွ´
ကလေးက မဆိုင်းမတွ ဖြေသည်..
`လုံးတယ် ဆ၇ာ´
´ကမ္ဘာကြီးလုံးကြောင်း ဘယ်လို သက်သေပြနိင်သလဲ´
ကလေးက ခဏတိတ်သွားပြီး ပြန်ဖြေသည်..
`ဆ၇ာပြားတယ် ထင်၇င်လဲ ထားလိုက်ပါတော့ ဆ၇ာ..ကျွန်တော် ဆ၇ာနဲ့ ပြိုင်မငြင်းချင်ပါဘူး။

----------------------------------------------------------

ဒီနေရာမှဟုတ်ရဲ့လား

တခါက ဘု၇ားကျောင်းတခုမှာ နှစ်ခြင်းခံယူပွဲ လုပ်နေတယ်..ဘုန်းတော်ကြီးက
နှစ်ခြင်းခံမယ့် လူ၇ဲ့ခေါင်းကိုေ၇ကန်ထဲ ဆွဲနှစ်လိုက်ပြီး မေးလိုက်တယ်..
`ယေ၇ှုခ၇စ်စ်ကို မြင်ပြီလား´
အနှစ်ခံ၇တဲ့လူ ၀ူးဝူးဝါးဝါးနဲ့ ခေါင်းမော့ပြီးပြန်ဖြေတယ်..
`ဟင့်အင်း´
ဘုန်းတော်ကြီးက နောက်တခါထပ်နှစ်တယ်..ထပ်မေးတယ်..
`ယေ၇ှုခ၇စ်စ်ကို မြင်ပြီလား´
ဟိုလူကလဲ ၀ူးဝူးဝါးဝါးနဲ့ ပြန်ဖြေတယ်..
`ဟင့်အင်း`
ဘုန်းတော်ကြီးက ယေ၇ှုခ၇စ်စ်ကို မမြင်မချင်း ခေါင်းကိုေ၇ထဲ ဆွဲဆွဲနှစ်ပြီးမေးတယ် ..ဟိုလူကလဲ
မမြင်ဘူး..ေ၇ပဲမွန်းလာတယ်.. ကြာလာတော့ အဲဒီလူ ဒေါသထွက်ပြီး
ဘုန်းတော်ကြီးကို ပြန်မေးလိုက်တယ်..
`ခင်ဗျားယေ၇ှုေ၇နစ်သွားတာ ဒီနေ၇ာမှ ဟုတ်၇ဲ့လား´
(from forward mail)

ငါမောနေပြီ

လမ်းခုလပ်မှာ မောပန်းသူတွေတွေ့ရ
ဘေးထွက်ထိုင်နေကြ
သွေးသံရဲရဲ နှုတ်ခမ်းတွေလှုပ်လျှက်
စာလောင်သောလက်တွေဆန့်ထုတ် 
အချိန်အမျှင်တွေ ကြားမှာငြိထွေး
ဘယ်မှာလဲ စာလောင်ခြင်းကင်းမဲ့ဇုံ
ခြေရာထပ်ခဲ့တဲ့ မှတ်တိုင်တွေပြန်တွေ့ရ
နားလည်လို့မရတဲ့ စာတစ်မျက်နှာ
ချိန်သီးတစ်ခုပေါ်လမ်းလျှောက်သွားရင်း
အော်ပြောသံမကြားရတဲ့ ရထားတစ်စီး
ဒဲ့ပြောရရင်
ငါမောနေပြီ။

(မင်္ဂလာညနေခင်း) (created in Jan,2008)

ကျွန်ုပ်နှင့် 3D

     တစ်နေ့ရုံးဆင်းခါနီး၅း၃၀လောက်သူငယ်ချင်းတစ်ယောက်ကကျွန်ုပ်ထံသို့ဖုန်းဆက်လာပါတယ် ဒီနေ့အားလားတဲ့ ကျွန်ုပ်ကလည်းရုံးဆင်းခါနည်းဆိုတော့တက်ကြွစွာနဲ့ပြန်ပြောလိုက်တယ် “ဟေးငါ ရုံးဆင်းတော့မယ်ကွ”။ ဒီအချိန်မှာသူငယ်ချင်းက ရုပ်ရှင် သွားကြည့်ရန်ပြောပါတော့တယ်။ ကျွန်ုပ်ကိုယ်တိုင်ဆို ရုပ်ရှင်ကြိုက်သော်လည်းပဲ ရုံမှာသွားကြည့်ခဲပါတယ် ဈေးကြီးတာလည်းတစ်ကြောင်း၊ အချိန်မရတာလည်းပါတာပေါ့။ Singapore မှာက ရုပ်ရှင်တစ်ကားကို ၁၂ ဒေါ်လာဝန်းကျင်လောက်ပေးရတယ်။ ဒီနေ့တော့အားနေတာလည်းပါ သူငယ်ချင်းကလည်းအဖော်ကောင်းနေတော့ စိတ်ဝင်စားသွားတယ် “ဘာကားလည်းကွ“ လို့မေးရင်း ရုံးကနေပြီး ကားမှတ်တိုင်စီကိုထွက်လာနေပါပြီ။ “ အခုမှထွက်တဲ့ နံမည်ကြီး Avatar 3D ကားလေကွာ” လို့ပြောလိုက်တာကို ဖုန်းထဲမှနားထောင်ရင်း 3D ဆိုတဲ့အသံက ကျန်ုပ်ခြေလှမ်းများကို ရပ်တန့်သွားစေပါတယ်။ “အေးကွာ ဒါဆိုကြည့်ကြရအောင်၊ ဒါနဲ့ မင်းထမင်းစားပြီးပြီလား” လို့ကားမှတ်တိုင်မှာရပ်ရင်းမေးလိုက်တယ်။ “မစားရသေးဘူးကွ အတူတူစားကြရအောင်”ဟုပြန်ပြောရင်း နှစ်ဦးသဘောတူ Jurong Point မှာချိန်းလိုက်ကြပါတော့တယ်။

     3D ဆိုလို့ပြောရအုံးမယ် ရန်ကုန်မှာနေတုန်းက 3D ကားဆိုပြီး တိရိစ္ဆာန် ရုံမှာကြည့်ဘူးပါတယ်။ ကြာပါပြီ ဒီအချိန်နဲ့တွက်ရင် ၁၂ နှစ်လောက်ရှိပြီ စဉ်းစာသာကြည့်တော့ဘယ်လောက်ကြာပြီလည်းလို့။ အဲဒီတုန်းက တစ်ကားကို ၁၅ကျပ်နဲ့ကြည့်ဘို့ တန်းအရှည်ကြီးစီရတယ်။ တစ်ကားကို ၁၅မိနစ်ပဲပြတာ ရုပ်ရှင်မဟုတ်ဘူး ပင်လယ်ရေအောက်ရှုခင်းရယ်၊ စကြာဝဋ္ဌာရှုခင်း တွေရယ် ၂ကားကြည့်ခဲ့တယ်။ အဲဒီ 3D ကားကိုကြည့်ရင်မျက်မှန်တပ်ရတယ်။ အ၀င်မှာကော်မျက်မှန်လေးတွေဝေပေးတယ်။ အဲဒီမျက်မှန်တပ်ကြည့်မှ ရုပ်ပုံလေးတွေကြွတက်လာတာတွေ့ရတယ်။ တော်တော်ကြည့်လို့ကောင်ခဲ့တယ်။
     ဒါကြောင့် 3D ရုပ်ရှင်ဆိုတော့တော်တော်လေးကောင်းမှာပဲလို့ထင်တယ်၊ အသစ်အဆန်းကြည့်ချင်တဲ့ ရောဂါကလည်း ငယ်ရာပါရောဂါဆိုတော့ တော်တော်ကျွမ်းနေပြီလေ။ နမူနာ ကြေငြာတဲ့ဇာတ်ကွက်ကလဲ TV မှာကြည့်ထားတာဆိုတော့ ပိုလို့တောင်ဆိုးပြီပေါ့။

     ဒီလိုနဲ့ Jurong Point ကိုရောက်လာပါတော့တယ်။ သူငယ်ချင်းနဲ့တွေ့ပြီး ခပ်စောစောပဲလက်မှတ်ရောင်းတဲ့ နေရာမှာလက်မှတ်သွားဝယ်တော့ ၆း၃၀ ကားကပြနေပါပြီ ၉း၃၀ ကားပဲကျန်ပါတော့တယ်၊ နဲနဲတွေဝေသွားတယ် အပြန်နောက်ကျရင်နောက်ဆုံးရထားမှီမှာမဟုတ်လို့ပဲ မမှီရင်အိမ်ပြန်ဘို့အခက်တွေ့လိမ့်မယ်။ ဇာတ်ကားကလည်းကြည့်ချင်နဲ့ စိတ်နှစ်ခွဖြစ်နေချိန် နှလုံးသားကလှန်းအော်သံကြားလိုက်ရတယ် “ကြည့်ကွာ” တဲ့။ မထူးတော့ပါဘူးဆိုပြီးလက်မှတ် ၂စောင်ဝယ်လိုက်ပါတော့တယ်။ တစ်စောင် ၁၃ဒေါ်လာတောင်ပေးခဲ့ရတယ်။ အချိန်ရှိသေးလို့ Jurong Point အပေါ်ထပ်မှာပဲ ထမင်းစားရင်းစကားထိုင်ပြောနေခဲ့ကြတယ်။

     ၉း၃၀ခါနီးလောက်မှာရုံထဲဝင်လိုက်ကြပါတော့တယ် ရုံအ၀င်မှာထင်တဲ့အတိုင်း မျက်မှန်လေးတွေကမ်းပါတယ်။ မျက်မှန်တစ်လက်ယူရင်း ရုံထဲသို့စိတ်စောစွာဝင်သွားပါတယ်။ ရုံထဲမှ မှောင်နေလို့မျက်မှန်ကိုသေသေခြာခြာ ကြည့်ခွင့်မရတဲ့အတွက် စိတ်ကသိကအောင့်ဖြစ်ခဲ့ရတယ်။
     မျက်မှန်မှ မှန်ကိုအင်္ကျီစနဲ့ ပွတ်လျက် နမူနာဇာတ်ကားတွေကြည့်ရင်း 3D ကားလာမည့်အချိန်ကိုမျှော်နေမိတယ်။ မကြာခင်အချိန်အတွင်းစာတမ်း စထိုးပါပြီ။ စိတ်တွေလည်းစောနေပါပြီ။ မျက်မှန်ကောက်တပ်ရင်း ဇာတ်ကားကိုစကြည့်ပါတယ် မျက်မှန်နဲ့ဆိုတော့နည်းနည်းတော့ဇာတ်ကားက ကြည့်ရတာမှောင်သွားတယ် ရှင်းရှင်းလင်းလင်းသိပ်မမြင်ရပါဘူး၊ ခပ်ဝါးဝါးလေးဖြစ်နေတယ်။ ဒါနဲ့မျက်မှန်ချွတ်ကြည့်လိုက်၊ တပ်ကြည့်လိုက်နဲ့ တစ်ယောက်ထဲစမ်းသပ်အလုပ်ရှုပ်နေတော့တယ်။ ချွတ်ကြည့်တာနဲ့ တပ်ကြည့်တာတူတူပဲလို့ခံစားနေရတယ်။ သူများတွေကြည့်တော့လည်း မျက်မှန်လေးတွေနဲ့လှူပ်တော်မလှူပ်ဘူး ကြည့်နေလိုက်ကြတာ။ ဒါနဲ့ သြော်အစမို့သိပ်မကြည်တာနေ မှာပါလေဆိုပြီး ဆက်ကြည့်နေလိုက်တယ် ၅မိနစ်လောက်ကြာတော့ နည်းနည်းခေါင်းမူးသလိုလိုခံစားလာရတယ်၊ ရုပ်ရှင်ကလည်းဝါးတားတားကိုး၊ ဒါနဲ့ဘေးကသူငယ်ချင်းကိုလှမ်းမေးလိုက်တယ် “ဟေ့သူငယ်ချင်း နောက်ကအပင်တွေက၀ါးနေသလိုပဲနော်”။ သူငယ်ချင်းက နည်းနည်းဝါးကြောင်းပြောပါတယ်။ ဒါနဲ့ သြော် 3D မလာသေးလို့နေမှာပါလေ လို့တွေးရင်းဆက်ကြည့်နေလိုက်တာ နောက် ၅ မိနစ်လောက်နေမှာတော့ ၀ါးတားတားကြည့်ရတာ ခေါင်းတွေနည်းနည်းမူးနာက်နောက်ဖြစ်လာပါတယ်။ မျက်မှန်ချွတ်ကြည့် လည်းဒီတိုင်းပဲ မထူးပါဘူး၊ ဒါနဲ့ မသင်္ကာဖြစ်ပြီး သူငယ်ချင်းစီကမျက်မှန်တောင်းကြည့်လိုက်တော့မှ... အားလားလား သူ့မျက်မှန်ထဲမှာရုပ်ပုံတွေ ကြွတက်နေပါပြီ ကြည့်ရတာတော်တော်ကောင်းပါတယ်။ ဘာလုပ်ရမှန်းမသိဖြစ်သွားတယ်၊ ဒီအတိုင်းကြည့်လို့တော့မဖြစ် တစ်ခုခုလုပ်ဘို့စဉ်းစာလိုက်တယ်။ဒါနဲ့ထိုင်ခုံကအမြန်ထပြီး အ၀င်မျက်မှန်ဝေတဲ့နေရာကိုအပြေးလေး မျက်မှန်လဲဘို့ထွက်လာခဲ့တယ်။ အဲသည်မှာတံခါးကပိတ်ထားရော၊ ခက်ပြီ။ တွန်းကြည့်လိုက်တယ် အဲပွင့်သွားတယ်။ လိုက်ကြည့်လိုက်တော့ ဘယ်သူမှမရှိဘူး။ လွယ်လွယ်နဲ့တော့နောက်ဆုတ်လို့မဖြစ်ဘူး ပိုက်ဆံကလည်းပေးပြီးပြီ။ ဇာတ်လမ်းကလည်းအတော်ကောင်းနေပြီ။ ဒါနဲ့လှမ်းအော်ခေါ်ရပါတော့တယ် "anybody there.....???" လူရိပ်လူရောင်မတွေ့ရပါဘူး ဒါနဲ့နောက်တစ်ခေါက်ထပ်အောက်လိုက်တယ်၊ သြော်.....ကောင်မလေးတစ်ယောက်ခေါင်းထွက်ပြီးကြည့်တယ် ၀န်ထမ်းဝတ်စုံဝတ်ထားတယ် ဒါနဲ့လက်ရပ်ခေါ်ပြီး မျက်မှန်လည်းလိုကြောင်း၊ ၀ါးတားတားပဲမြင်ရကြောင်း ပြောလိုက်ပါတယ်။ ဒီတော့ဝန်ထမ်းမလေးက မျက်မှန်မှာထည့်ထားသော ဓာတ်ခဲ အားကုန်သွားကြောင်းရှင်းပြတယ်၊ ဒီတော့မှ ဒီမျက်မှာဓာတ်ခဲပါကြောင်း သိရတော့တယ်။ သူမကတောင်းပန်စကားဆိုရင်း မျက်မှန်အသစ်တစ်ခုယူပြီးလဲပေးပါတယ်။ သူလဲပေးတဲ့မျက်မှန်အသစ်ကိုယူရင်း ကိုယ့်ထိုင်ခုံရှိရာအပြေးလေး လှမ်းလာပြီးသေခြာမျက်မှန်တပ်ကြည့်ပါတော့တယ်။ အရောင်းအသွေးကတော်တော်စုံပြီး၊ ဇာတ်ကွက်တွေကလည်းစိတ်ဝင်စားဘို့တော်တော်ကောင်းပါတယ်။ Animation တွေကတော်တော်အသက်ဝင်တယ်။ ကြည့်ရတာတော်တော်တန်တယ် ရှေ့ပိုင်းမျက်မှန်ပျက်နဲ့ နှစ်ပါးသွားရတဲ့အချိန်တွေကိုတောင် တွေးတွေးပြီးနှမျောမိတယ်။ ဇာတ်လမ်းထဲမှာ ပေါက်ကွဲပြီးအစတွေထွက်လာတာများ လူတွေအပြင်မှာတကယ်ထင်ပြီး လိုက်ရှောင်နေကြတယ်။ ကျွန်ုပ်ကတော့မရှောင်ပါ။ ဘေးကသူငယ်ချင်းကလှမ်းမေးတယ် “တော်တော်ရှောင်လိုက်ရတယ်ကွာ မင်းကော”၊ “အေးငါ့တော့ထိသွားတယ်ကွ” လို့ပြန်ပြောတော့ရီပါလေရော။ ဇာတ်ကွက်အတော်များများအပြင်ထွက်လာနေသလိုခံစားနေရပြီး။ ဇာတ်ကားပြီးသွားမှပဲ လူလဲအမောဖြေရတော့တယ်။ ဇာတ်ကားကြည့်ရတာ တော်တော်မောတယ်။ ကျွန်ုပ်အကြိုက်ဇာတ်ကားတွေထဲက ဇာတ်ကားတစ်ကားဖြစ်သွားပါတော့တယ်။ ဇာတ်လမ်း၊ ဇာတ်ကွက် နဲ့ Computer Effect တွေကတော်တော်စွဲဆောင်မှုရှိတယ်။

     ရုံထဲကထွက်လာတော့ ၁၂း၃၀ နေပါပြီ ရထားလဲမရှိတော့ပါဘူး၊ အိမ်ကိုပြန်စရာ Taxi မှတစ်ပါး အခြားမရှိတော့ပြီ။ Taxi ငှားပြီးအိမ်ပြန်ရပါတော့တယ်။ Taxi ခ ၁၂ ဒေါ်လာကျခဲ့ပါတယ်။ ဒီဇာတ်ကားကြည့်ပြီးပြန်ရလို့ နောင်တမရခဲ့ပါဘူး။
(မင်္ဂလာညနေခင်း)

Holiday

     နိုင်ငံတစ်နိုင်ငံရဲ့ ကျောင်းတစ်ကျောင်းမှာ ကျောင်းအုပ်ဆရာကြီးက စာရွတ်တစ်ရွတ်ကိုင်ပြီးကျောင်သားတွေကိုကြေငြာလိုက်တယ်။

ကျောင်းအုပ်ကြီး - “ နိုင်ငံတော်ကနေပြီး လာမယ့်အင်္ဂါနေ့ကို စာပေလေ့လာရေး Holiday အဖြစ်သက်မှတ်ပေးလိုက်တယ် ဒါ့ကြောင့်လာမယ့်အင်္ဂါနေ့ ကျောင်းပိတ်တယ်။”
 (မင်္ဂလာညနေခင်း) (RD)

သတ္တိ

"Courage is not being fearless. It is being fearful but doing it anyway."

     စာဖတ်ရင်းနဲ့ ဒီစာသားလေးသွားတွေ့လိုက်တယ်။ စဉ်းစားလေလေ အဓိပ္ပါယ်ရှိလေလေပဲ။ လူတော်တော်များများထင်တာက လုပ်ရဲကိုင်ရဲ သတ်ရဲဖြတ်ရဲတာ သတ္တိလို့ထင်တယ်။ တကယ်တော့အဲတာ သတ္တိအစစ်မဟုတ်ပါဘူး၊ အကြောက်အလန့်မရှိတာ သတ္တိမဟုတ်ဘူး။ သတ္တိရှိတယ်ဆိုတာ မကောင်းမှုလုပ်ရမှာတော့ကြောက်တယ် ဒါပေမယ့် အမှန်တရားအတွက် အများအကြိုးအတွက်ဆို ဘာပဲဖြစ်ဖြစ်၊သေပဲသေသေ နောက်မဆုတ်ဘူး မဖြစ်ဖြစ်အောက်လုပ်မယ်ဆိုတဲ့စိတ်ဟာသတ္တိအစစ်ပါပဲ။ အမှန်တရားဆိုလက်ပိုက်မကြည့်၊ အများအတွက်ဆိုလက်မနှေးသူ သာလျှင်တကဲ့သူရဲကောင်း၊ သတ္တိရှိသူလို့ကျန်ုပ်တော့ထင်တယ်။
     သတ္တိနည်းသူဆိုတာ ကိုရှေ့ မှာ မတရားမှုတစ်ခုတွေ့တယ်ဆိုပါဆို့ အမှန်တရားဘက်က၀င်မရပ်ရဲဘူး ကိုယ်နဲ့မှမဆိုင်တာဆိုပြီး နေနေလိုက်တဲ့သူမျိုးကိုခေါ်တာ။ အဲဒီလိုလူမျိုးက သတ္တိနည်းရုံမကဘူး လူမိုက်အားပေး ဖြစ်သွားရော။
     ကိုယ်ရှေ့ မှာလိမ်နေတာတွေ့ရင် ၀င်ပြောရမယ်။ ခိုးနေတာတွေ့ရင် ၀င်ရှင်းရမယ်။ တဖက်လူကအားသာနေလဲ ကြောက်ကြောက်နဲ့ ဘာပဲဖြစ်ဖြစ်ဝင်လုပ်ရမှာပဲ ဒါမှလူနဲ့တူမှာ၊ သူရဲဘောကြောင်သူ မဟုတ်မှာ။ ကိုမနိုင်နိုင်လဲ နိုင်တဲ့ဘက်က ၀င်လုပ်ရမှာပဲ။
     လူ့ဘ၀မှာ သတ္တိရှိရှိ မှန်မှန်ကန်ကန် နေသွားနိုင်မှ အနည်းဆုံးလူဖြစ်ရတာ တစ်မျိုးတန်သွားမှာ။
(မင်္ဂလာညနေခင်း)

ဆင်းရဲခြင်း

အကာဆူးခက် အင်ဖက်အမိုး
ကျူရိုးတိုင်ထူ နေပူကျဲကျဲ ၀က်သိုက်ထဲတွင်
အုပ်ခဲခေါင်းအုံး အိုးတစ်လုံးဖျာမရှိ
ဘူမိကဗ္ဗလာ မြေမှို့ယာနှင့်
ချူခြာတော်မူလှသော
(စလေဦးပုည)